اخواني الأعزاء
السلام عليكم ورحمة الله وبركاته
هذه القصة حقيقية وواقعية حصلت لشايبن من شيباننا على طريق الأرطاوية ـ الزلفي:
يقول هذا الشايب نوبتن من النوبات مسافر أبي حايل على لي جيب شاصي
ويوم تعديت الأرطاوية قال الجيب هذا مكاني اللي ماتعداه يقول وانا ألأفتح الكبوت وافلفس به يمار بعمياه ،يقول وانا أشر لها السيارات ويمرن من عندي تقل اطلاق رشاش ياما قرب الظهر هذا وهو من الصبح يشر وبحدى أكالتأشيرات وهو يوقف راع اكا الوانيت المطنوخ أكاالصل اللي عيونه حمر قال وش عندك بهذا قلت متعطل وأشر من الصبح ولا احد يوقف قال أبشر بعزك يقول وهو يجدع أكا السلسلة الحديد فيدت التريلات وهو ينشبه بخشم الجيب قال أركب وأنا أركب أكاالركبة اللي ماسميت به وهو يشلن ونمر الزلفي لنا ولق ومع أكالفات (تدرون كم يمشي مسبوع الأبو) بس 140يقول أنا سقط قلبي بين رجليي أبيه بس يوقف بليا الأسعاف يقول وهو يمر نقطة التفتيش اللي على بداية السريع على سرعته والله وهم يلحقوتتا الدوريات دورية مع أيمنه ودورية مع أيسره ودورية قدامه ودورية قفووه وباليالله يوقفونه أفيييييييييييييييييييييه
يقول وانا أتمدد بالقار بين خرعة وبين فرحة إني قضبت القاع قالوا الشرطه وش جابه لك ووش جابك له (قلت القرادة اللي جمعتنا)قالوا تدري وشو هاللي بخويك قلت لا قالوا هذا ســــــــــــــــــــكـــــــــــــــــر ان واحمد ربك اللي ماذبحك يقول وانا أخلي الجويب الملو ي وعن حايل ما خاطي ولا أجيه إلا بعد قطعت أشهر(حمانا الله وإياكم من المسكرات والمخدرات)
رد مع اقتباس
المفضلات