ابغى نصيحتكم

**سنـعـوسـي** · 01-12-2001 07:33

بسم الله الرحمن الرحيم

لا حول ولا قوة الا بالله 00 الحمد لله اني رجال والا كان رحت بخبر كان

على العموم نصيحتي له اذا كانت تعمل خليه تفصل وهي تنفك عقدة ابوه اما اذا كانت عاطله فالعمر يا شامان وخليه تزبن الشيخ ترى ما به حيا ولا عيب هذا حقِ مشروع 0

،،،،،،،،،،،،،،،،، والله ولي التوفيق ،،،،،،،،،،،،،،،،،،

**جواهر** · 01-12-2001 14:33

سنعوسي

ياهلا فيك وتسلم اخوي على تعقيبك

الله يهداك ياسنعوسي موت وخراب ديار لازواج وتبغاها تفصل

اللي مسليها هالوظيفه ولا كان طقت من كثر التفكير

وبخصوص انها تروح لاحد المشايخ هي تعتبرها كبيره

وتخاف من ردة فعل ابوها واخوانها .

لك خالص شكري وتقديري على متابعتك ،،

**الوسي** · 12-12-2001 06:26

الله يعينها ويعين كل بنات الحلال . اختي انتي طلبتي النصيحه لها البنت والاخوان ماقصروا عطوكي المفيد لحالت صاحبتك ذي . انااقولك تبلغيها ايضا انها مبتلاة من الله فالله يعينها على بلواها . ولازم تعرف صاحبتك شيء أنها هي صاحبة المشكله الحقيقيه وأنها هي فقط اللي بيدها الحل ؟؟ والحل في نظري يأتي من طريقين

1- الاول كونها هي المبتلاة وهي صاحبة المصيبه فلتصبر والتحتسب والتبحث عن الاشياء المساعده التي تبعد عن الشيطان والشهوه . مثل الصوم والعبده بأنواعها . واشغال نفسها باشياء مفيده وعمليه وممارسة الرياضه ولو كانت بسيطه كالمشي في فناء المنزل الخ .

2- مما فهمت منك انها امرأه تعمل وهذا شيء رائع ومساعد في الشيء اللي بقوله الان . وهو عادة معروف ان المرأه صلحبة فكر وخبث ودهاء . فما فيه مانع انها تبحث بنفسها عن ابن الحلال ويكون من عائله معروفه. وتبحث من خلال حفلات الزواج ومن خلال الخطابات ومن خلال عملها وصديقاتها في العمل . قوليلها انها هي صاحبة المشكله وانها اذا هي نفسها ماتعاملت مع مشكلتها وحلتها صعب جدا جدااحدبيحلها لها الا الله . انتي طلبي منا النصيحه وهذا ماقدرت انصح به . لكن عندي طلب لو تكرمتي الله يعافيكي لو توفقت هالبنت والله حصنها بالله تبلغينا لان بتبقى قلوبنا معلقه بموضوعها الى ان الله يفرجلها . وشكرا لاهتمامك بصديقتك .

**موج البحر** · 12-12-2001 14:35

انا راي انها تنحاش مع اي خطيب متقدم للزواج منها.

امزح.......لكن فكره حلوووووووه

هذي مشكله ماهي بس عند خويتك
المشكله هذي منتشره عند الجاهلين الذين يحبون الماديات
على حساب ابناهم وبناتهم..

ابذكر لك قصه حدثت في مستشفى حائل العام..

كانت الوالده الله يرحمها ويسكنها الجنه مرقده في هذا المستشفى
وكان بجنبها بنت في العشيرينات من عمرها بنت جميله وذات
اخلاق عاليه..سالت الوالده عن هذه الفتاة ليه مرقده..
\r
قالت الوالده هذي شاربه كلوركس منظف الغسيل علشان تبي تنتحر
وسولها عمليه ونجحت والحمدلله هي الان بخير..
استغربت بنت في هذا الجمال تبي تنتحر ليه وش الاسباب::

سالت البنت ليه تبين تنتحرين..تعرفين وش كان الجواب
قالت ان ابوها يبي يجوزها من واحد شايب كبير بالسن مره
علشان انه غني وعنده فلوس..لاحول ولاقوة الا بالله..

شفتي كيف بعض الاباء الله يهديهم ...

بالنسبه للخويتك مقدامها الا حل وهو ان تواجه والدها بكل
شجاعه لزم تواجه..مراح يحل مشكلتها الا هي بنفسها
وايضا" لاتنسى الصلة والدعاء عسا الله يهدي والدها

تحياااااااااااااتي

**جواهر** · 13-12-2001 06:07

الاخ الوسي

كلامك صحيح هي صاحبة المشكله والحل بيدها هي وحدها

لكن هي ينقصها الشجاعه على مواجة مشكلتها

اما من ناحية انها تشوف لها ابن حلال صديقاتها

ماقصروا كل وحده منهم جالسه ترشح لها واحد اللي

اخوها واللي ابن عمها وكل وحده منهم تتمناها لقريب منها

لانها تتمتع باخلاق وصفات كل شاب يتمنى يرتبط فيها لكن

وش نقول على الحظ الاغبر

وعد مني اول ماتنخطب ويتم كل شي ازف لكم هالبشرى

اشكرك عل تفاعلك مع مشكلتنا

وماقصرت اخوي

تحياتي .

**جواهر** · 13-12-2001 06:15

والله شكله هذا اخر حل

وتحط ابوها امام الامر الواقع

هي مشكلتها ماتقدر تقول لاابوها ابغى اتزوج

ولا العمر فاتني انت عارف العادات تحكمها

واكبر عيب ان البنت تطلب الزواج

عالم تعباااااااان وغريب

حقك ماتقدر تطالب فيه !!!!

الله يهديه هو واللي على شاكلته

تحياتي موج .