مسلسل كل مشاهده مؤذيه انصحكم لاتتفرجون عليه
[ALIGN=CENTER]
مشاهد مؤذيه نشوفها في الاسواق
تخلى الوحد ه تعاف السوق وتعاف الطلعه من أساسها ....
خوذوا عندكم :o
المشهد الاول : مجموعه بنات يمكن خمس او ست ماشين مع بعض
....مافيه مشكله ...عادي كل الناس تمشى مع بعض :D
لكن المشكله ان البنات هذولي
...كانت اصواتهم عاليه وضحكهم مالي السوق
...ضحك واستهبال وحركات ميوعه لمجرد لفت الانتباه
والمشكله اذا لحقوهم الشباب سووا فيها عاقلات ...
طيب من الاول احترموا انفسكم ...
من البدايه امشوا عاقلين وراكدين ..
.من الاول ابعدوا عن الشبهه وغنوا لها ..
لكن بعيد عنكم ..
.الحيا اذا راح من البنت ماعاد يهمها شي
....الله الهادي...
المشهد الثاني : مجموعة شباب متزكرتين وكاشخين ورازين الجوالات
....وطردي ورا بنات خلق الله
.....الصالحه والطالحه ...مافيه تمييز ابدا
...مادام اللي قدامه سواد ... خلاص لو هي عنز لحقها
وياحلوه وياعسل .....وهو مايدري وش تحت هالنقاب
....يمكن يكون بصل :D ...والا عسل اسود ومنيل :confused:
مااقول الا الحمد لله والشكر على نعمة العقل ...
لو واحد فيهم يفكر لحظه او يتخيل بس
ان البنت اللي قاعد يطاردها ويحاول يرقمها ممكن تكون اخته
..كان مافكر يسوي هالشي
كماااان وكمااااان .....الله الهادي
المشهد الثالث :بنوته حلوه رشاقه وجمال
...صاكه على نفسها بالعبايه المخصره المشكوكه ...
ولااحلى فستان سهره
..وكملتها باللثمه ..اللي تكشف اكثر مما تغطى..
الجبين والخدود والعيون ورسمة الحواجب ..طالعه
واللثام اصلا شفاف ..يعني حتى الشفايف مبينه ....
والعطر يسبقها بمسافه ...ورنة الخلخال واضحه ...
بالله عليكم وحده بالمنظر هذا بيتركها احد في حالها...
اتحدى....اذا كنت انا ياالبنت ..لفتت انتباهي ...اجل وش الشباب ...
مساكين الشباب ......نلومهم مع ان البلاء من البنات
....ليه طيب تعرضين نفسك يالخبله لكل من هب ودب
ليه ماتصونين جمالك اللي الله عطاك للي يستاهله بس
..ليه ترخصين نفسك لهالدرجه تكونين مجرد دميه
ينلعب فيها ويتفرج عليها الناس وببلاش بعد ....
الجمال يكمله الستر والعفاف والعقل ...
والجوهره الغاليه ...دايم تكون بعيده عن العيون ..
الالماسه الغاليه مهو اي احد يشوفها ..
ولا اي احد يحصل عليها
.لكن الاكسسوار ...صناعة تيوان :o
..تكون معروضه في كل مكان وممكن يلبسها
اي احد وارخص ماتكون
...ياليت تكونين الماسه ...بدل ماتكونين
مجرد اكسسوار من ابو ريالين :confused:...
مااقول .الا ...الله الهادي
المشهد الرابع : شاب وسيم طويل ..
اظن وعلى مااعتقد انه ينتمى لعالم الرجال
مع ان شكله يعطي انطباع بعكس هالكلام
...بوصف لكم الشكل وانتم احكموا ...
جنز ابيض ضيق + بلوزه بلون بناتي بازارير مفتوحه
+ حزام يلف الخصر + جزمه بكعب عالي
+ شعر طويل بخصلات على الجبين مع كميه كافيه من الجل :confused:
+ اسواره في اليد مع عدد من الخواتم ...|512|
مو كني قاعده اوصف بنت
....قسم بالله ان الاشكال هذي تسبب الغثيان
عيب والله ...وش بقى من الرجوله
....لا والمشكله يعاكس بعد ... له وجه :D...
صراحه انا اذا شفت الاشكال هذي ودي اني امحطه بعصا الين يتوب ..
والا اربطه واقعد اكش عليه :D علشان يضيق صدره وينتحر :D:D
المشكله ان المسأله مجرد اعمى وتأثر بالقنوات الفضائيه
اذا ماجاك لابس الثوب والشماغ والعقال
وشاربه مرتز فوق خشته .واذا فيه دقن ..احسن واحسن
...والمشيه مشية رجال والهرجه هرجه رجال
والرزة رزة رجال ...ماودك تطالع فيه اصلا ...
ولاتعبره :o.....
اخيرا ....ودائما وابدا ...والى مالانهايه
الله الهااااااااااادي ....
خلاص انتهى المسلسل :p
المخرجه والمصوره ام قرينات :D
[/ALIGN]
رد مع اقتباس
المفضلات