من مثل شمر ليا بان الضديد

**عزوز** · 05-06-2003 18:02

سالم الرمالي الشمري
سالم الرمالي ، شاعر متمكن ، يمدح عزوته ولا يسب أحد 0
يستشهد بالقبائل الأخرى دعما لرأيه لعلمه أن الطيب لا ينكر طيب غيره0

--------------------------------------------------------------------------------------------------------

تطبخ القيفان براسي وتغلي

كنها في فرن صهريج الحديد

أصعب القيفان واليها ولي

حاكم به حكم هارون الرشيد

العسير أصلاه في راسي صلي

بالغصب ينصاع ملعون الكديد

الطنايا لابتي زوبع هلي

بالحرايب فعلهم فعل شديد

إسأل التاريخ لاتاخذ علي

واسأل أهل الصيت والعلم الاكيد

واسأل العتبان ومطير وبلي

واسأل العارض ونجران البعيد

واسأل الويلان والدو الخلي

واسأل العيرات زينات الفديد

عندهم علم ثبات وصملي

من مثل شمر ليا بان الضديد

يازمان اشهد وسجل مايلي

صفحة ٍ بيضاوعزم ٍ من حديد

**نمر بن عدوان** · 08-06-2003 13:44

ونعم في شمر

الله البادي

ثم

مجد بلادي

نمر بن عدوان

**بدر الهطلاني** · 08-06-2003 21:31

الله يعطيك العافيه أخوي ..

صح لسانك وصح لسان الشاعر ..

ولاتحرمنا من هذا الابداع ..

تحياتي

**VXR** · 08-06-2003 22:03

كاتب الرسالة الأصلية : بدر الهطلاني
الله يعطيك العافيه أخوي ..

صح لسانك وصح لسان الشاعر ..

ولاتحرمنا من هذا الابداع ..

تحياتي

**عزوز** · 08-06-2003 23:20

مشكورين على مروركم على هذا الموضوع

**عزوز** · 08-06-2003 23:22

مشكورين على اطلاعكم على هذا الموضوع

**عمر الويباري** · 09-06-2003 00:16

صح لسانك وبشعرك ذكرتنا بعزنا يا عزوز
ابدعنا اكثر واكثر اخوي

**الجلغم** · 09-06-2003 00:48

عندهم علم ثبات وصملي

من مثل شمر ليا بان الضديد

يازمان اشهد وسجل مايلي

صفحة ٍ بيضاوعزم ٍ من حديد

يقول الشاعر الحربي ,,

ياشيخ الأسلام ناظربي// هو أين اللي بدى عيبه

هو ملفق الضيف بالزربي// وإلا اللبن يوم نقري به

حنا قرانا لبن عربي // كل المخاليق تقري به ,,

إستفسر وبعدين تكلم (( يازمان اشهد وسجل مايللي ))

ولاتظلم حظك بالقبائل الأخرى ..

**الاصمعي** · 09-06-2003 01:23

يالجلغم ياشين شمري ويمدح شمر ومنشوره بمضيف شمر الي يغثك وشو؟؟؟؟؟؟؟؟

وبعدين قصيدة الحربي قاله رد على شاعر ثاني مهو شمري وكلٍ سب قبيلة رفيقه (ولا القبيلتين ونعم فيهم )والشعار الاثنين مدحوا شمر بمراددهم وشعرهم محفوظ للآن , وانت اجنبي معنا وغريب والمثل يقول (ياغريب كن اديب) ليه ماتقرأ وتسكت او تجيب كلام طيب مثل غيرك وترى معانا من غير شمر كثير وكلٍ محترم نفسه الا انت الله لايبلى ماتجيب الا الي تغث!!!

**عزوز** · 09-06-2003 09:09

إستفسر وبعدين تكلم (( يازمان اشهد وسجل مايللي ))

ولاتظلم حظك بالقبائل الأخرى ..
اخوي الجلغم في هذه القصيده المنقوله لم يتعرض الشاعر لاي مسبه لأي قبيله كانت الا اذا كنت انت برأيك الشخصي تريد تحريف معنى القصيده الواضح واشكرك اخوي الجلغم لمرورك على هذه القصيده وتقبلو تحياااتي,,,,,,,,,,,,,