[ALIGN=CENTER]مساكم الله بالخير ياللي معنا بالسعودية والخليج وماجاوره
وصبحكم الله بالخير ياللي بشرق اسيا وماجاوره
ومساكم الله بالصبح ياللي من غرب السعودية وما جاوره
كيف الحال يالربع ان شاء الله تمام
بناءً على الطلب الزائد والمكثف من الاخوان على نسناس انه ينزل موضوع ابشركم اخيراً صدرت الموافقه من سعادتي اللي هو انا باني اعطيكم موضوع لي (( ما تحسون ان نسناس ماخذن مقلب بنفسه قال وشو الطلب الزائد مطعم ماما نورا يابو الشباب ياشين بعض الناس
قبل ابدا الموضوع تحذير بسيط الله لايهينكم
اخي المواطن اخي المقيم (( الجوازات على غفله ))
اخي الزائر لهذا الموضوع او اي موضوع يخص هذا الشخص اللي يسمونه نسناس ارجوا اتباع التالي :
اولاً / افصل الاتصال لانك بتقعد به من كثر ماتقرأ
ثانياً / لا تخش وتطلع وانت مافهمت السالفه لانك انت الخسران ولان به اسئله وجوائز (( ابوك يالتحميس))
ثالثاً / اذا كان الموضوع كنه قديم فالتمسووووووو لي العذر لاني توي سامعنبه
رابعاً / وهذي اهم نقطه في الموضوع ..... ممنوع التدخين في الموضوع وكافة مرافقه ولا تدرون خذوا راحتكم اخاف انكم كلكم تطلعون مدخنين وما القى احد يرد على الموضوع ..
يالله ترا هالحين نبدأ في الموضوع
اكشن
هذا ياجماعة الربع واحدٍ اسمه نسناس يومه كان بالابتدائي سأل مدرس العلوم هالسؤال
كم عمر السلاحف ؟؟؟
والحقيقة الظاهر ان المدرس صرف له من راسه هالاجابه وهي ان السلاحف تعيش كثير بس ما ادري كم
المهم كبر الاخ نسناس وهذي الاجابة في راسه وفي يوم من الايام قابل اعز اصدقائة واللي هو فهيد الداشر و فهيد الداشر هذا انسان على السليقه يعني فطري يقوم الصبح من النوم ومافي امل يغسل وجهه واذا غسل وجه تسنه بلاط مغبر نازل عليه رشة مطر خفيفه يعني يصير وجهه منقط و تسنه حبة فقع وريحته ريحة مطر واذا لقى فطور افطر واذا مالقى يعوض بالغدا يعني على السليقه من قلب
المهم فهيد سأل نسناس نفس السؤال فجاوبه نسناس بكل ثقه بالاجابة اللي خذاه من مدرس العلوم ايام الابتدائي
فهيد الداشر ضحك هاللون خخخخخخخخخخخ وقال عليك خشه يا نسناس يعني ماتعرف ان السلاحف تعيش اكثر من 10000سنه وانا اخبره مايحب النصب لانه خبل ولايعرف ينصب فقلت له اقول اركد لايجيك كف يمشي مليووووووون ينزل كل اللي بخشمك وش 10000سنه والله ولا دوله برجاله وعتاده ما تعيش هالعمر اقول استح على وجهك يانسناس ولا عاد تقول لاحد هالكلام
المهم فهيد تسنه تراجع شوي بكلامه بس انه مُصر يفهمن المعلومة
قال : اسمع هالسالفه
نسناس: هات اخلص ----->بزعم زعلان
فهيد: هذا ياطويل العمر كان به اربع سلاحف عايشين عند بحيره وقعدوا عنده 2000 سنه حتى نشفت هالبحيرة المهم وحده من هالسلاحف قالت للباقيات انا اخبر به بحيره ثانية على بعد 1000 سنه وش رايكن نشد ونروح يمه? قالن البقية تم يالله توكلنا على الله المهم شدن السلاحف عفوشهن وراحن ويوم قطعن500 سنه قالت وحده منهن وش رايكن نريح هنا شوي ونتغدى وبعده نمشي فردت عليه الثانيه وشكله مستعجلة شوي قالت لا والله ما نتغدى حتى ناصل للبحيرة
المهم كملن طريقهن وانواع العذاب والغربله الطريق وتعطلت صدفة وحده منهن قامت ماتهوي زين وحالة قشرى بعيد عن الحاضرين
المهم وصلن للبحيرة الجديدة فقالت اللي ميته من الجوع يالله خلونا نتغدى ذبحن الجوع قالن يالله افرشن السفره ويوم هن يفرشن السفره وهي تجيهن وحده وتقول حسبي الله عليكم نسينا الدش والرسيفر عند البحيرة اللي قبل قالت وحده ثانيه يلعن ام القهر خلاص روحي جيبيهن وتعالي قالت خلاص ابروح اجيبهن بس لا تتغدون يما اجي (( >>>من الربع
قالن له خلاص ما نتغدى يما تجين وهي تروح وهن يحترن 500 سنه و1000 سنه و1500 سنه و 2000سنه وهي ما رجعت طفشن من الانتظار قالت الضعيفة اللي ذبحه الجوع وش بلاه هذي تاخرت قالن ننتظر 500 سنه اذا ما جت نتغدى وهن يحترن 500 سنه وتوه ما جت المهم قالن تدرن نتغدى ونبقي له شوي ويوم حطن غداهن على السفرة وهي تنقز لهن من ورا رضمه وقالت ادري يامقصوفات الرقبه تبن تغدن بلياي؟؟>>>ملعونة الوالدين صدز فاضيه . 2000 سنه ورا رضمه تراقبهن....
وبعد هالشرح المفصل عرفت ان مدرس العلوم ماعنده سالفه وعرفت ان فهيد الداشر هو اعز اصدقاني رغم انه مايغسل وجهه اذا قام من النوم [/ALIGN]
رد مع اقتباس
[/ALIGN]
مشرف مضيف الترحيب والتعارف
المفضلات