مافيه شمر شواايا وشمر نجد ^^^^ الشمري شمري لوكان ماااكاان

**حسين الضيدان** · 23-05-2003 04:43

ياغنت القمرا تغنــــــــي طنايا لأجا وسلمى وفيحة العز رمــان

وسنجار يوم(ن) الطنايا عرايا من كل عرق(ن) فيه أنه وشويان

النحب عاده للنسا والصــــبايا أن مات ميت وقربة الميت نسوان

بس للرجل عبره بحوم الخفايا يامر بالأطلال والناس له شـــــان

والعبر اللي في عيوني مرايا أشوف فيها مجد شمّــر وسلفـــان

فيها تطارد خيل زوبع دهايا وأركاب الأسلم له جنب يوم ألأكوان

وسربة سناعيس بكورالفتايا ذعر القلوب اللي بها ذل يفــــــلان

وياغنت القمرا نحث المطايا أحرار والأحرار تر مالها أوطان

ترقى مشاريف وتعب الثنايا وتجوب حوم وتقطع أحدود بلدان

وياغنت القمرا نسوي سوايا ملعون وقت(ن) كان مابوجهنا زان

حنّا ولامن قلت حنّا تعايــا ولاخير في قول(ن) على غير برهان

شمّر طنايا طي ماهي رعايا كبار الصحون وساع بالطعن لازان

مافيه شمر نجد وشمّر شوايا الشمري هو شمري ويـــن مــاكان

أن كان في مدريد وألاّ ف بتايا تبقى به الطنيه ويبقى كحيـــــــلان

وياغنت القمرا وحنت ظمايا ركاب(ن) عليها طيورشلوى وهيشـــان

يردن ونارد له حياض المنايا يرون ويروى قفوّها كل عطشان

ولو مي زمزم حال دونه سرايا عليه نارد غصب مانرد بأحسان

أستغفر الله كان قصدي البرايا وألاّ الولي جنده على كل شيطان

أخشى تفسرها خباث النوايــا وأتزيّف الكلمه على غير ميزان

وياغنت القمرا تموت الحيايا وسم ألأفاعي بسر خاتم سليمان

والليل وأن عسعس غلس أو تعايا أجرح سواد الليل بوجيه شيبان

فيها كرم حاتم وهاك السجايا وسطوة علي وحكمة عمر أو عثمان

وياغنت القمرا بسيل العطايا حنّا لنا في صفحة الجود عنوان

نفني علاكيم(ن) ونهدي سبايا ينبيك قول(ن) للشليمي وفجحان (1)(2)

يكفي بنا حاتم من أهل القرايا وعبد الكريم اللي عطاياه قطعان

وياغنت القمرا بوصف ومزايا وعدّوا ثقال الروز في كل ميدان

أشهودنا من ضدنا بالحنــايـــا وأرماحنا بأنحور طلقين ألأيمـان

نعفي ولا نطعن قفا بالدعـايــا والعفو عند المقدره شانها شــــان

مافيه حلو(ن) كامل(ن) بالحلايا ألاّ الطنايا ومرها بحلو بــرزان

وياغنت القمرا تحيي الطنايـــا من بالعراق ومن سكن يم صديان

حماد الخريصي

تحيااااااااااااااااااااااااااااااااااااا اتي

**عبدالله المهيني** · 23-05-2003 05:00

[ALIGN=CENTER]رائعه للرائع

حمــاد الخريصي

ولو اني كنت بصدد إنزلها ولكن سباق على الخير أخوي حسين

لك مني الإحترام والتقدير [/ALIGN]

**ابو خليف** · 23-05-2003 05:32

مافيه شمر نجد وشمر شويااااا

الشمري هو شمري وين ماكان

ان كان في مدريد ولا تويا

تلقا به الطنيه واديم كحيلان

تسلم اخوي وصح لسانك
ملايين
ولسان الشاعر

الله يعطيك العافيه

**إرهاب** · 23-05-2003 06:44

شمر..؟؟

نقول أن شمر واحدة.. ولكن كما هي

واحدة فهي " واجدة".

لا نحكم عليهم جميعاً هكذا..

شمر بدأ كثير يدخل لها وينتسب ويتسمى بها بل

أن اسم القبيلة وفروعها تباع بطريقة أو أخرى

شيء مخجل بالفعل..

لنعيد الحسابات.