فلاح العمـّـاش ..
شخص أدين له بالكثير ...
جعلني ضمن كوكبه المبدعين هنا ..
الف شكر لقبولي بينكم ..
واتمنى لهذا الصرح البديع الأسبقيه والافضليه إن شاء الله ..
تواجد أول ..
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
من بنات الفكر جاتك .. أجوديّه أجوديّه = دقّت أبواب المحاني واقلطت بين اللبايب!؟
مرحبا بك مرحبا بك .. يالهنوف الغشمريّه = جيتي وجابك شحيح الوقت من شحّ الوهايب
يابيوتي .. والقصايد جمرةٍ بالقلب حيّه = لاتردين القوافي .. عن مداهيل الصعايب
القصيد إن كان ماهزّ الضلوع الجرهديّه = وش نبي به؟ يوم كلٍ بالقصايد له زهايب
والهجوس اللي يمرّ القلب ليل السامريّه = لاسلام الله عليه إن كان ماهجرس بغايب
والحبيب اللي ينام الليل وعيوني خليّه = مادرى إنه من غيابه ناهب ٍ عمري نهايب؟
كني اللي يوم طال الليل لوّح في مجيّه = قمت اصوّت له واغني .. يابعد تِرف الذوايب
ماسمعت من الغناوي غير صوت .. العاذليّه = صوت ٍ يردد شمالي (عوّد المفتون خايب)!؟
وش سواة اللي تعلّق في سراب المهمهيّه؟ = ماقدر يآصل مداه ولا قوى لفح الهبايب
ياسحايب .. دام نوضك ماهو مْعدي عليّه = ليه عشّمتي بنات الفكر فيني .. ياسحايب
من قديم الوقت وآنا ماتحمّلت الاذيّه = وانتي حمّلتي خفوقي حمل ماتشيله ركايب
كل جرح ٍ في ضلوعي يجزع لْفزّة سميّه = وكل دمعٍ من عيوني ماترك غير الطلايب
ماجرحني غير واحد .. صدّ واقفى عن خويّه = لعنبو جرح ٍ تمثنا بالضلوع مْن الحبايب!؟
انت ياللي من عيونك قاطع قلوب البريّه = ماتشوف انك سقيت الروح من كاس الشوايب؟
ادري انه للعيون الخرس مطعون وقضيّه = وادري انه للرموش العكش "ثامنة العجايب"!؟
بس والله لو ملكت من الحلايا اليوسفيّه = لاتظنّ إنك تعلّ الشاعر .. اللي جاك طايب
احسب انك جيت تايب .. يوم عدّيت الخطيّه = مادريت ان الخطيّه .. يوم أحسبك جيت تايب!؟
تستبيح الشوق باسباب الغلا وتقول زيّه = وانت ماتدري عن اللي بالهوى فـ يديك ذايب!؟
أسألك بالله قلّي .. وش تبي بعد المنيّه؟ = كنّك اللي يحتريني أنقش أسمه بالنصايب
كل ماجيتك أعاتب قلت لعيون الحميّه!؟ = يقطع الله هالحميّه دامها تجرح قرايب
رح فمان الله والنيّه على قولك مطيّه = رح مدام اللي جمعنا (ماوراه إلا المصايب)
أمس هدّيت الحنايا وإندفن شيخ العطيّه = ومابقى لك في ضلوعي غير همّ .. وقبر شايب!!؟
[/poet]
العذر لكم ... وللشعر ..
تحياتي
رد مع اقتباس
المفضلات