ملهمة شاعر

**متواضع** · 19-05-2003 05:30

السلام عليكم ورحمة الله وبركاته ...

اول مشاركه لي معكم وارجو انه تعجب الجميع ...

............................. ملهمة شاعر .....................................

الا يا ملهــمة شاعر بتسخــيره لابياته***بنظراتك وبســماتك خياله فاق تفسـيره

الاجا يوصفك بالكون تعدابك مجراته***ويشوف الارض وحسن الارض وصفٍ خان تعبيره

كأنك وحــده بدنيا رسمــها في خيالاته***يوصفــها ولا يقــدر جماله فوق تصــويره

وألاجا ينهــي الرســمه لقاها في بداياته***وألا ياكــيف يبينــهي جمالٍ صعب تقديره

تمكـــنتي وسط قلبه وصــرتي له سعاداته***وملكتي روحه وعقله وصرتي كل تفكيره

ينام ويقعد بذكــرك وأسمك دوم بشفــاته***ولاجا لحــظه بينساك يحــل طيفك بتذكيره

دخيل عيونك الثنتين لا تصيري معاناته***ولاتكوني سبب حزنه ودمعاته وتسهيره

ابيك كفــوف لدمــوعه وأفراحه لاآهاته *** وابيه يكون لك دولـــه ونتي بدولتــه ديره

وسلامتكــــــــــــم.........

**ابو خليف** · 19-05-2003 05:44

اول شي

حياك الله اخوي متواضع

وياهلا ومليون غلا فيك

بين اخوانك وخواتك بالمضايف

وثاني شي مصافحه رائعه منك

وتسلم الله يعطيك العافيه وصح لسانك

ملايين مو مره وحده

وبنتضار المزيد

ياهلا وغلا

تحياتي

**ضحوي الاسلمي** · 19-05-2003 07:00

[ALIGN=CENTER]متواضع

اهلا بك بيننا

وحياك الله

القصيده جميله ونطمع في الاجمل

ابيك كفــوف لدمــوعه وأفراحه لاآهاته *** وابيه يكون لك دولـــه ونتي بدولتــه ديره

صح الله لسانك

اخوك

ضحوي الاسلمي[/ALIGN]

**البتار** · 19-05-2003 08:59

هلا اخوي المتواضع حياك الله فى هذا المضيف الغالي علينا

قدومك يسعدنا على هذا المضيف

ابياتك ذوقتنا الشعر يا غالي لك مني كل الشكر والتقدير

وما اقول الا صح لسانك ويا هلا فيك

اخوك:البتار