[ALIGN=CENTER]أعجبتني هذه القصيدة
للشاعر / فهد المساعد
وأحبت نقلها لكم
وكل أمل أن تنال رضاكم وإستحسانكم[/ALIGN]
[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
الرسالة
أقول يمكن تنفرج فـ (المقابيل)=
ولا أدري إلا الأرض تحتي تهايل
وبعد التعب والهم والحط والشيل=
توي عرفت إن البخت كان مايل
مع ذاك أبو ذيك الرموش المظاليل=
ذاك الغريب اللي عمل بي عمايل
جتني مراسيله تشب القناديل=
ومعها سؤال جاوبته النحايل
يقول: " كيف الحال بعد المراسيل "؟=
وأقول " مثل الحال قبل الرسايل "
عمر الكتابه ما تجيب المواصيل=
ريح مكاتيبك ترى الشك زايل
إن ما حصل همس وحنان وتعاليل=
وأعاتبك لين ألمح الدمع سايل
وأجلس أسولف عن زمان البهاذيل=
وأنسى السوالف لا نسفت الجدايل
كذا يصير الحب والوصل والليل=
وكذا أدري إنك ما نسيت الجمايل
أما كذا وإلا ترك الحظ لـ (الميل)=
واتركني فوق الأرض تحتي تهايل
الرائع / فهد المساعد
[/poet]
رد مع اقتباس
المفضلات