[ALIGN=CENTER]السلام عليكم ورحمة الله وبركاته
متوااااااااضعة جديدة اضعها بين ايديكم... اتمنى ان تحوز على بعـــــــض اعجابكم
*****برايفت صغير...*****
بعض الاحيااان اذا كانت (البنت) تكثر الشكاوي والزعل على طــول يقولون ذي متمللة وتبي العرس....rolleyes: وللامانة تصير معي كثير...... <<==مقدمة بسيطة عشان ما يصير لبس بالابيات
ناس(ن) تصبّح بابتسامة وضحكة***وانا صباحي بازرق الدمع ممــــزوج
صارت حياااتي بالهموم متشبكة *** حبل(ن) متين(ن) باسود الهم منســـــــوج
قصة درامية بها الهم حبكة *** والآه والحرمان هو خير منتـــــــوج
زلزال همي.. في خفوقي يدكه *** تلاطم همومي كما ثاير المـوج
حرمان,لوعة, حيرة(ن), آآه , ربكة *** صرخة وغصة,,عبرة ودمعة تروج
هم(ن) يدك القلب وآخر يحركه *** من حملهن ظهري غدا حيــــل معووج
لا يا الحزن ما عاد لي منك فكة *** احمل هموم القلب فوج(ن) مع فـــوج
وان قلت مهمـــومة وقمت أتشكى *** قالوا تنادي تنشد الناس عن زوج؟
وان صحت من همي وصرت اتبكى *** قالوا عرفنا علتك دوم مزعوج
وحنا بخصنا علتك دون شكة *** وحنا بدو.. نفظن ولا نقبل هروج
وين التجي؟؟ وين استند واتركى؟*** محد(ن) فهمني.. كني اليوم مرجوج
يابوي دوك الهم كبّر وذكـــــــه *** واعرف تراني ساكله خير منهوج
واللي له تطوف البشر وسط مكه *** اني لك البنت التي تترك العوج
باب الهموم ارجوك عني تصكه *** وأبني من البسمة وسط قلبي بروج
مليت من همي ... ابي بس ضحكة... *** مليت من لوعة بها الهم ممزوووج
*-*-*-*-*-*-*-*
وسلامتكم
واعتذر على الاطالة
مع تحياااااااااتي
اختكم
السنافية[/ALIGN]
رد مع اقتباس
احم احم
مشرف مضيف الترحيب والتعارف
احم احم
المفضلات