انـــــا الغلطــــــان
هذه اول مشاركه لي ارجو ان تنال اعجابكم0000000000000000000000000000
انا لقبل ظلام الليل معه تلفي بي الاحزان -- هموم في حشا صدري يروح الليل اعانيها @@
بديت اجاري الدنيا بديت احاول النسيان -- لقيت الوقت يلعب بي وجروحي صعب اداويها @@
جلست اقّلب افكاري واقول اني انا الغلطان -- وافكر وش خطا نفسي واعود ارجع وابريها @@
واعود اقول انا الغلطان نعم واحلف على القران -- مدام اني جهلت الحب دروبه ليش انا امشيها @@
مشيت اطرد وراء اشواقي وامثل عاشقٍ ولهان -- بدايه كانت استهتار عجزت اليوم لاانهيها @@
مشاعر حب فاضت بي مشاعر كنها طوفان -- عجزت اقف انا ضده وعجزت اني اجاريها @@
رمتني وصوبت قلبي رمتني في هواء انسان -- حبيب لو طلب روحي على كفي له اهديها @@
ملكني صرت له مأسور سجين وصار لي سجان -- مريض وصار لي دكتور جروحي هو يداويها @@
ولكن للزمن وقفه ووقفه لحظي التعبان -- لهم سلطه على بن آدم ولهم احكام نمشيها @@
غريب الوقت مايصفى يقف عثره على الخلان -- يقرب بينهم يومين وشهور في بعد نقضيها @@
خذوني وقتي وحظي خذوني برحلة الحرمان -- بسفينه بس انا والوقت وحظي ثالثً فيها @@
مشينا في غباب بحور وكان الوقت به ربان -- في ليل والجو به هادي وطالت بي مراسيها @@
جلست اقّلب افكاري واكذب واقعٍ لي بان -- وعشت باحلامٍ ارسمها وحقايق واقع اخفيها @@
سراب لاح بعز الصيف وطرده الضامي العطشان -- يبي يروي ضماء نفسه وزاد الطرد ضاميها @@
وقف رافع يدينه فوق الآيالله يالرحمآن -- يامنجاي يامشكاي قادر نفسي تنجيها @@
والآيالله سبحانك عليم بخافي الانسان -- انا عبدك وانا برجوك جروحٍ بي تشافيها @@
وتقبلوا تحياتي\ نايف الشمري
رد مع اقتباس
المفضلات