[poet font="Arial,5,white,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=sandybrown,offx=4,offy=4)"]
انا هوى بالي وكيفي وشفـّي=جيب جـديد جـــد ماهـي نظـافه=
توه من اطراف البريمي ملفـيّ =ماطار عن سيـت المراتب غلافه =
سبعه خليجي لا ملكته يكفيّ= حتى الشبح مخطور نفسي تعافه=
ابي الياشفت الطويل المشفيّ =في ملـونٍ بالحيل رقيـه كلافه =
راسه رفيع والهباط متسفي =ّصوحٍ بها الدسيـس بس انجعافه =
اعطيـه ناراً مالها من يطفيّ= ياصنـعة الـيابان دونـك جزافه =
ينزه كما اللي بشقر الريش رفي= يوجس براد الوسم وسهـيل عافه =
يقع عقال اللي يطالع مهـفيّ =قلبي شباب ورغبتي به لقافه =
ياشفت براق الخيال المقفيّ =برقٍ ورى برقٍ مـزونه تقافــه =
يشبه بعيني يوم روسه ترفي =منهوشـة بالعيـد بيض غدافـه=
احط مطـلاع النعايم بصفي = ياما تصيـر النـفد بيضٍ شعافـه =
واطب مع خيران قبـعه مخفي =حزت طلوع الشمس قبل انكشافه =
واعطيه مع خطٍ يروغ ويلفي= من شان بالتمرين أزين عسافه =
والف لا شفت الخباري تسفي =وانّطحـه جالٍ بعرضـه كهافه =
ابي براس منزّل الطير اطــفي= وطلّع جـديد جلوريا من لفافه =
يكشف بعيدن بالعسام متخفي =ويخص زولٍ دون زوله مسافه =
وانزل بهون للهبوب متقـفي =يميل به صفق الهوى وانحرافه=
اليا مشى بشويش كنه يخفي =دوب التـواير دوب تاطى اطـرافه =
ليا ظرب حزمٍ صفاه متكـفي= ذو مال ذيبٍ عقب طرد وكسافه =
ان ناطحك لريح خشمه ينفي= تبلش بوجهـــه بين شرس ولطافه=
يشبه لراس مدوحٍ مستـخفي= بازنٍ تزهل لسرته بالضيافه =
ومن الركايب يالمحته مقـفي= من قمـر نجدً مشتـريه العراف=
ان درهمت عقب التعب والتعفي= تزمل قوي الكور تكسر ظلافه =
وليا اعترض من بعد وعطاك دفي= خشـفٍ صويبً لاتدفق رعافه =
ياحمر خطه في غماقٍ وصــفي= يشبه شفايف خفرتٍ في زفافه =
في بسمته لرقص ليلة تزفـي =بكرٍ تباهى في حلاه وعفافه =
ياصار سكانه حلال ً بكفي =ماريد غيره والتــمني سخافه =
[/poet]
[/poet]
هذي قصيد بالجيب وهي لشاعر المعروف / مطير بن بشير الرمالي الشمري
رد مع اقتباس
المفضلات