أنا بنصح لمن يسمع نصيحة شاعرٍ مسكيــــن
**************** تعدى تسعة وعشرين مارتاحت جميـع اعضـــاه
يجي لحظة وهـو يضحك ولحظاتٍ يهـل العـيـن
**************** الى منه تذكر ! كثرة اذنـوبٍ فعـل باصـبـــاه ؟
نصيحة واحد جرب بدنياه الشـقـا والشيـــن
************* عصا واخطى .. وجفى واذنب .. ولحدٍ جا بدربٍ جاه
وشاف إن الحياه اللي بها كل البشـر ما شيـــن
**************** دنيـة ! لو يفكـر لحـظـة في الـرب وامـلاقـاه
انا باسألك يابـن آدم ؟ عما صار من يـوميــن
**************** إذا تقدر .. ترجـع ماحصـل بالضبـط ماتنســاه
تذكر شوف جدانك من اللي راح والبـاقـيــن
**************** ترى دنياك مايبقـى بـهـا غيـر العظيـم اللــه
وبعد وين الملوك اللي لها هيبة ؟ من الفانـيـن
**************** وشعوبٍ في الكتاب اللي منـزل دايـمٍ نـقــراه
وناسٍ مامضى من معرفتهم يالربع شهرين
**************** خذاهم هادم اللذات بعضهم ماتعدى اصباه
وبعضكم راحوا إخوانه ومن ابنه فقد في حين
**************** ومن امه توفت ثم ابوه امسـى ولا شفـنـاه
وبعد وين الحضارات القديمة وين وين اوين
**************** عصورٍ تفتخـر في انسابهـا من عـز وامباهــاه
منقوله اتمنى ان تنال اعجابكم
رد مع اقتباس
مشرف مضيف الترحيب والتعارف
المفضلات