[poet font="Simplified Arabic,4,black,normal,normal" bkcolor="transparent" bkimage="backgrounds/4.gif" border="none,4,gray" type=2 line=200% align=center use=ex length=0 char="" num="0,black" filter=""]
عفا الله عن خطا غدر الخناجر والضلـوع ابطـال=بسامح واتركـك تحـت الظـلام الحالـك لحالـك
دخيلك وفر دموعـك تـرى هـدر الدمـوع اذلال=وترى ما فيه احد يصبر مثـل صبـري بغربالـك
انا عيب علي أنقـض كلامـي والرجـال افعـال =واذا قلت اقطع احبالـك ترانـي بقطـع احبالـك
عشان اكسب هدب عينك تجرعت العذاب اشكـال =وليتك ترأف بحالـي علـى شـان ارأف بحالـك
مسوي في حياتـي شـي مـا يذكـر ولا ينقـال =حشا حتى العدو وهو العـدو مـا يعمـل اعمالـك
تمسيني علـى الهـم وتصبحنـي علـى الغربـال=تقلطنـي فناجيلـك وتقصـر عـنـي ادلالــك
تحملت التعب لجلـك وانـا حملـي يهـد جبـال=رحلت من العذاب ومـا وقفـت الا علـى جالـك
علامك؟ كل ما جيـت متواضـع تجـي تختـال؟=معاك اليا متي بصبر وصبـري معـك يحلالـك
مثل ما اقبلت لعيونـك لـزوم تلـد لـي باقبـال=ومثل ما قد حشمتك حس واحشم قلبي اشوى لـك
أنـا محـدن بجابرنـي أسايـر معـك هالمنـوال=ترى لاني تبيـع لـك ولا نـي باصغـر عيالـك
أنا جيت اعشقك نبض ومشاعر ما اعشقك (تمثال)=أنا جيت اسكنك واحياك وابقى فيـك وابقـى لـك
أنا جيت بظما عاشق تعب يطـرد سـراب اللال=أنا جيت استفز رضاك مـن فرقـاك والجـا لـك
أنا ما همت بك عاقل أنا كنـت اعشقـك بخبـال=أنا ما كنت احبك حي أنـا كنـت اعشقـك هالـك
تخيل من كثر ما اخـاف تلقـى للزعـل مدخـال=أخاف اخطي على طيفك وادوس برجلـي ظلالـك
تبعتك والعـرب تتبـع رعـود البـارق الهمّـال=وانا شفت المطر يتبعـك فـي حلـك وترحالـك
كأن اللي خلق حسنك خلقني مـع جسـدك ظـلال=وصرت اقرب جسد يمشي معك باقفـاك واقبالـك
أبـي قلبـك يحـس انـه فقـد بمحبتـه رجـال=ملكته من هدب عين وخسـرت رضـاه باهمالـك
صحيح ان الفراق اقسى ولكـن الوصـال محـال =أنا صعبن علي أرضي غرورك واضعـف قبالـك
بعد مـا حققـت عينـي فبعـدك للرقـاد امـال=أعود للسهر؟ -- يا خـوي فـال الله ولا فالـك !
ببدل نظرتك فيني واجي لـك كـل يـوم بحـال=بكون اقرب مـن ثيابـك عليـك ولا تهيـا لـك
بالمك وانثرك واجمعك وارجع وانثـرك باهمـال=بخونك وازعلك وارضيك وازعل منك وارضى لك
أبرسم بالثرى وجهك وابدفـن صورتـك برمـال=أبشكي للعـرب فرقـاك واضحـك عنـد عذّالـك
أبهديك الوصال فراق واهديـك الفـراق وصـال=بسوي مثل مـا شوفـك تسـوي وافعـل افعالـك
عشان تعرف من فينا الزعول ومن وسيـع البـال=أبيـك تـذوق فنجالـي وانـا بـذوق فنجـالـك
نصيحة واحتفظ فيها قصر معك الزمـن أو طـال=أبي تسمع كلامـي زيـن وتحطـه علـى بالـك
اذا حبك هبال اطفال لـك عنـدي هبـال طفـال=ولا --- وابشر بعد بهبال حب مـا هـو بهبالـك
واذا قصدك تهين اسمي عشـان تشمـت العـذّال=ترى لا انته ولا غيرك --- ولا عشرة من اشكالك
[/poet]
رد مع اقتباس
المفضلات