هذا السؤال اللي ذبحني جوابه

[ابو خالد الجربا]

[poet font="Simplified Arabic,7,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كل واحد زوجتة معاه عسل
يجب انه يفكر بالزواج
واللي يبي يسألني
كيف
اجاوب على سؤاله
[/poet]

[المهاة]

[ALIGN=CENTER]
تسألين شموخ عن مشاعري .. اكيد راح انهار و اتحطم و انتهي و أكره كل شي في الدنيا و كل كائن ذكر .. هذا اذا بقيت عشان أكره أو أحب ..


حبيبتي هذا أمر مافيه نقاش انه مافيه زوجة تقبل زوجها يتزوج عليها ..

أما لو انا اللي مخطوبة هنا ماراح أحسب حساب لاحد مادمت أحبه و أقولها ألف مرة مارااااااح أحسب حساب لأحد.. ;)

لكن خلافنا حول انكم اتفقتوا انتي و العذا و سواح ان التعدد أبيح للضرورة ..!!!


بعدين حبايبي خذوا راحتكم متعة النقاش في الخلاف .. و لا تتوقعون ان خلافي معكم ينقص ودي لكم ..


ابو خالد احترنا فيكم .. :confused:[/ALIGN]

[اميرة]

كاتب الرسالة الأصلية : المهاة
[ALIGN=CENTER]


حبيبتي هذا أمر مافيه نقاش انه مافيه زوجة تقبل زوجها يتزوج عليها ..

أما لو انا اللي مخطوبة هنا ماراح أحسب حساب لاحد مادمت أحبه و أقولها ألف مرة مارااااااح أحسب حساب لأحد.. ;)


confused:[/ALIGN]

ترى هل هذا يخرج من باب الأنانيه اختي المهااااااااه
يعني حلال عليك حرام على غيرك انتي يتزوج عليك لا اما تجين عليها عااااااااادي
سبحان الله !!!!!!!!!!!!

[شموخ]

[ALIGN=CENTER]العذا [/ALIGN]
[ALIGN=CENTER]مشكوره اختى على تفاعلك معنا في هذا الموضوع [/ALIGN]

[ALIGN=CENTER]ابو خالد الجربا [/ALIGN]

[ALIGN=CENTER]فيه مثل يقول ماتعرف خيري لين تجرب غيري ،ودي ان هذولا الازواج اللي

حريمهم عسل يجربون الزواج مره ثانيه وانشاء الله يطيحون في وحده نسره

وبعدها اكيد بيرجع لزوجته الاولى واكيد اذا عندها احساس ماراح تقبل عذره

وعلىقولة جواد يجيلك يوم تندم على ماسويت واقول منك لله يكفى انا مليت


تقبلو تحياتي اختكم

شموخ [/ALIGN]

[شموخ]

[ALIGN=CENTER]حبيبتي المهاة

لاتزعلين من نقاشنا ياختى


انت ماترضين انه يتزوج عليك وترضين انك تجين على وحده ؟؟؟؟؟؟؟؟

ياختى الوحده ماتحب تجيها وحده ثانيه تشاركها في زوجها سؤاء كانت قبلها والا

بعدها ،الوحده منا ليش تزعل من زواج زوجها عليها غير ان فيه مشاركه ،فانت

يالمهاة حتى لو كنت الثانيه الاولى مشاركتك فيه وهذا حق لها لانها هي قبلك ،


مشاركتك في كل شي حتى في عياله بدل مايقولون عيال فلان ويسكتون

[ALIGN=CENTER]يقولون عياله من فلانه .[/ALIGN]اما مساله انك تحبينه فالحب ياختى ماقد صار فرض وغصيبه ماهو لازم اذا كنت

احبه اتزوجه او اوافق عليه بالعكس اذا كنت احبه لازم ابعد عنه والله يهنيه


وعلى قولة الشاعرة[/ALIGN]

[ALIGN=CENTER]عن عشرتي لاقتن غراما يسليه
وحبايبه غيري عساهم نصيبه [/ALIGN]

[ALIGN=CENTER]هو تزوجها قبلك واكيد كان يحبها [/ALIGN]

[ALIGN=CENTER][ALIGN=CENTER]جعل السعد دايم خوي يباريه
وجعله سعيد والشقا مايصيبه [/ALIGN][/ALIGN]

[ALIGN=CENTER]هذا هو الحب انك تدعين له بالتوفيق [/ALIGN]

[ALIGN=CENTER]كان الغلا بيني وبينه بيشقيه
الحب ماقد صار فرض وغصيبه [/ALIGN]

[ALIGN=CENTER]الحب اللي بينك وبينه رايح يسبب له مشاكل مع زوجته الاولى [/ALIGN]

[ALIGN=CENTER]تقبلي رائيي بصدر رحب يالمهاة ولاتزعلين اختلاف الراي لايفسد للود قضيه[/ALIGN]

[ALIGN=CENTER]
تقبلي تحياتي اختك
شموخ [/ALIGN]

[المهاة]

[ALIGN=CENTER]

اولا حبيباتي خذوا راحتكم و ثقوا اني مستحيل ازعل ..


اما اذا انتم شايفين اني انانية فللأسف لانكم مانتم فاهمين الحب بمعناه الصحيح .. فالمحب دائما مايشوف الا نفسه و محبوبة فقط ..


الحب لما يسيطر على شخص مايترك له فرصة يفكر و لا يشوف احد ثاني .. ;)


عموما بالنسبة لي لما احب شخص اكيد راح اتمنى انه يتهنى بس معي مو مع غيري .. ;)


لما ازعل يوم يتزوج علي لانها مسألة كرامة مو أكثر لان فعلته راح تشيل كل محبة له في قلبي .. اما لما اوافق على الارتباط فيه و ان كان متزوج بغيري فلأن عاطفة المحبة اكبر من الكرامة و هنا العواطف راح تمارس بصورتها المشروعة .. ;)



بعدين ماقد شفنا حرمة تموت لان زوجها تزوج غيرها .. و الدليل تلفتوا حواليكم وشوفوا امهاتنا و عماتنا و خالتنا و كيف عايشين مع ازواجهم و لا ضرهم كونهم الاولات او الثانيات ..


حبيباتي هذي الامور كلها نصيب يجب انه ما نعتمد فيها على ارائنا و قناعاتنا ..لانها ماتقدم و لا تأخر هنا .. ;)[/ALIGN]

[جــواهــر]

ماشاء الله عليكم ... من متي وانتوا هنا ... والله كل هذا قلتوه ومتي ...

اقول العذا ... أنتِ وشموخ ... كأنه رأي ماهو عاجبكم ...

تعالوا هنا طيب ابغي افهمك حاجه ... وهي ليه ما ترضين وترضخين للأمر الواقع انتِ وياها ويفاتحك بالموضوع وتتفقين انتِ وياه وترضين بينك وبينه بدل ما توصلني أخباره وعلومه من غيره وتعالي عاد شوفي كلام الحريم لحصلوا لهم سالفة الله وأكبر ما يصدقون خبر فلانه عرس عليها ابوعيالها وهي ماتدري وهنا عاد يشتغلون يا حرام وتكسر الخاطر وبكذا ما يسرونها ابد فلذلك احسن شي اكون مستودع لاسراره واصونه واواجه الناس بقلب قوي واقفه على ارض ثابته واقول ياأرض اهتزي ما عليك احد قدي ...

وبعدين يا العذا أنتِ عليك اسلوب قصصي ناجح وشنو وليه ابكي واتعس أعيالي واخليهم يدرون بالي بيني وبين ابوهم اساسا وايش دخلهم بالسالفة اصلا ...

إلا بخطب له وبزوجه وبكشخه وبزفه معرس ولا وازيدك من الشعر بيت بعد بحضر زواجه وبرقص وبطرب ليه احزن بالعكس دامني احبه واعزه وهو مغليني مصيره بيرجع لي لاني من واجبي اقيد له اصابعي شمع ...

والثقة يا العذا أنت واختنا شموخ ... والله مافي احلي منها وخليك واثقة من نفسك وشوفي وقولي جواهر ماقالت ...

وبعدين افهمك حاجة سبحان الله العظيم ... ربي في حكم تعدد الزواجات لرجل والسبب لكثرت عدد الاناث يفوقن عدد الذكور ...

وبيجيكم يوم يكثرن الاناث والرجل يتبعه عدد مو مذكره بالضبط من الاناث ...

واللهم لا اعتراض ... فلذلك كما قالت اختي المهاة ماعمره توفت مره تزوج عليها زوجها ...

وتقبلوا تحياتي ...

جــواهــر

[اميرة]

ياكبرررررررررررررررررها
يمه يمه يمه يمه يمه يمه
جوووووواهر امانه في ذمتك تكلمين جد

ياجيجي ياحبيبتي
تذكري انتي بنت مابعد تزوجتي لذا الشعور الأن يختلف
فالواقع غير والخيال شي ثاني

اختي جواهر
يظهر لي انك تعيشين في المدينه الفاضله
افيقي افيقى من هذا السبات

ياكبرها ياجواهر تبخرينه وتكشخينه وترقصين بعرسه
سبحان الله والله وربي تذكرني في وحده تقول اذا تزوج زوجي بارقص في عرسه وكانت من جد تكلم
اتعلمين عزيزتي ماذا حدث عندما راءت الحقيقه نعم
انهارت نفسيا والأن تزفر الحسرات والأهات وتتعاطى ادويه نفسيه تقول
اذا خرج مني لها اشعر بأني خلاص قلبي يتقطع
ومازالت تعاني

فعلا لقد استغربت كيف وليش عيالك يدرون؟
ليش بالله عليك ماراح يدون ان ابوهم تزوج! اذا مادروا منك دروا من الجيران والناس

عزيزتي
المراءه بطبعها تحب الأستقلاليه في اللبس وغرفة النوم واشياء كثيره
فتخيلي نفسك احد يشاركك في دارك او مثلا في أي شي يخصك اكيد تتضايقين فما بالك بالزوج
اما بالنسبه لما ذكرت اختي المهاه من ان عماتنا وخالتنا ماضرهم
اختي المهاه بالله عليك من قالك ؟اتمنى ان تسأليهم عودي اليهم عزيزتي واسأليهم

وتذكري ان المراءه قد تغيرت وتطورت مفاهيم الحياة لديها وسبب ذلك هو العلم
على الرغم من اني اؤمن بمبدا ان الغيره توجد عند المراءه منذ القدم حتى عند خالتنا وجداتنا

صحيح ان عدد الأناث يفوق عدد الذكور على الرغم من انه ظهرت احصائيه مؤخرا تثبت العكس
ولكن حتى لو زاد عدد الأناث انا بصراحه ماقدر اخذ واحد تشاركني في وحده سواء كنت الأولى او الثانيه

لذا تذكري ان كل شي في كتاب والقدر مامنه مفر
اذا ربي كاتب اتزوج في هالحياة كان بها واذا كان العكس فالمولى اذا احب عبدا ابتلاه في الدنيا ثم يقول في الأخره اين عبادي الصابرين >>>>>>>> الصابرين على الأبتلاء والذين لم يجزعوا من القدر ولم يسخطوا فيقول ادخلوا الجنه بسلام
فيخاطبه اليس لنا حساب فيقول المولى لا ياعبادي ابتليتكم في الدنيا وكنتم الصابرين او احسابكم في الأخره

عزيزاتي صدقوني
ماجايكم واحد به سنع ويبي يعرس على مرته الا داج
وتخيلي شكلك وانتي ماخذه عليها تدق عليه ويرد عليها بالجوال والا تقول تعال بسرعه ولدك تعبان والا أي شي ثاني
بصراحه ماقدر اتحمل
لأن الوحده لما تأخذ واحد متزوج لازم تحترم زوجته واولاده وتعرف ان فيه ناس يشاركونها فيه
فهل تستطيع ان تتحمل
بصراحه انا لا استطيع فورا انهار وتتعب نفسيتي

لذا اقول ابعد عن الشر وغني

ويمكن اختي جواهر انتي والمهاه مشاء الله عليكم اعصابكم حديد وعندكم قدرة على التحمل تفوق قدرة تحملي انا وشموخ
فأقول هنيئا لكم في ذلك والله يهنيكم ويجيب لكم انشاء الله الرجل المتزوج وحينها تذكروا ماقلت
وستبدي لك الأيام ماكنت تجهل

احترااااااااااااااااااااااماتي وتحياااااااااااااااااتي للجميع

[أم فهد]

شموخ الغالية
دائما متميزة
انقطعت عنالمضايف لفترة بسبب مشاغل الدنيا الله لايشغلنا عن طاعته

أجاوبك كوني متزوجة
عزيزتي شموخ
الله سبحانه وتعالى لم يشرع شيئا عبثا
وكون زوجي يتزوج من غير علمي ويصلني الخبر من غيره
هذا مالا أرضاه علما بأني مستعدة لتقديم تنازلات عده من أجل اسعاد زوجي
أما أسمع من غيره بعد مايتزوج أو بعدما يخطب....اذا هو لم يقدرني ولم يسمح لنفسه بأن يعطيني الخبر وليس الاستشارة فهذا الذي يجعلني أحزم حقائبي على عجل لأقطن بيت أهلي.
وكونه يفاتحني بالموضوع فهذا يعني أنه يقدرني وان جلب لي (( ضرة ))

لست والله من دعاة التعدد
ولكن ان أراد الزوج الزواج فليتزوج وهو بهذا لم يقترف اثما يحاسبة رب العزة وان حاسبته زوجته

اما ان الامر عادي بالنسبة للزوجة الأولى فلاأظن هذ1 وان ابدت الموافقة وشاركت بحفل التعزية..أه عذرا بحفل الزواج وهذا بالنسبة لها
هذا والله يديم السعاده


ولا يزعلن علي بناتنا
وجهة نظر

[شموخ]

[ALIGN=CENTER]ياعمري يالمهاة انت تحبين وتغارين والمسكينه الاولى مالها احساس مالها مشاعر ليه حيه والاميته

وبعدين تعالي انت تقولين عاطفة المحبه اكبر من الكرامه ؟؟؟؟؟؟ليه ياعمري

كرامتى اهم شي والله .يعني انت تطاوعين قلبك وتعصين عقلك يالمهاة ؟؟؟؟؟لالالالالالالالالا ياعمري من عافنا عفناه لو كان غالي وعلى قولةالشاعر
اخترت عن صبر بطوله مضره .......فرقاك لو ماغيرك اليوم غالين

والله لو كنت اموت فيه واحبه خلاص من بعد هذه العمله ماقدر اتقبله وخصوصا اذا كنت ماني مقصره معه لكن لو كنت مقصره فمعه عذر وله حق

وبعدين يالمهاة تبينه يتهنى معك بس و مع غيرك لالا وش تسمينه هذا حب ؟؟

اعرف اللي يحب يتمنى الهنا للحبيب سواء معه والا مع غيره ويدعي له بالتوفيق

[ALIGN=CENTER]اختي جواهر [/ALIGN]

المسأله ماهي مسالة رايي عاجبكم والا لا مثل ماقلتي ياختى مافيها شي اذا خالفناك انا والعذا في الرائي وخصوصا انك رائيك انت ياجواهر غريب وغريب جدا بالله عليك ياجواهر تبين تبخرينه وتلبسينه ليلة زواجه على وحده غيرك ؟؟؟ياكبرها ياجواهر وبعدين تعالي ترى اول من بينتقدك زوجك، شي اكيد ماراح يصرح لك بالعكس بيقول تسلمين يام فلان والله ،لكن في داخله اكيد انتقادات او استغراب على الاقل لانك عملت شي يخالف طبيعة المرأه وهي الغيره اكيد بيقول مسكينه جايب لها وحده وتشيكني لها .والله لو انا مكانك مابخره ولا اشيكه ،وبعدين من صدقك ناويه تحضرين عرسه

حضورك زواجه ترى ماهو في صالحك ان رقصتي قالوا ترقص ماهي في صحوها او من غير شعور وان جلستي قالوا محزنه وزعلانه وكل الانظار عليك حتى في المقارنه بينك وبين الجديده مين الاحلى وان كنتي انت الاحلى قالوا تزوج عليها لانها قشرا اكيد ماتنتعاشر وان كانت الجديده الاحلى قالوا ايه توه لقى الزين .ليش اجيب لنفسي الكلام ماالله حادني على الحضور اريح نفسي واخذها سفره انا وعيالي ولا احد يدري عني زعلانه راضيه بيني وبينه هذا .

وبعدين معروف الحكمه من التعدد لكثرة عدد الاناث وانه في اخر الزمان يتبع الرجل اربعين من النساء وايضا من حكم التعدد ان الرجال دايما معرضون للحوادث ومنها الحروب فيقل عددهم نتيجه وفاتهم وايضا الرجال معرضون لضغوط نفسيه في العمل ومن ثم معرضين للامراض التى قد تودي بحياتهم مثل الضغط وغيرها من الامراض وايضا دلت بعض الاحصائيات على ان النساء اطول اعمار من الرجال وغيرها من الحكم اللي حنا نجهلها لكن المسالة ماهي مساله اني اعترض على حكم الشرع لا المساله مساله احاسيس ومشاعر وهل توافقين انه يتزوج والالا. وشهو شعورك وانت تسمعين هذا الخبر وبعدين ترى هذا خارج عن ارادتنا ان الوحده تغار ويحق لها لانها ماغارت من شيي تافه مثل الملابس والماركات غارت علىشي يستحق الغيره زوجها .

اتمنى انكم مازعلتو من رائي انت والمهاة هذا رائي وانتم لكم رايكم وياليت على ماقالت العذا نشوفكم متزوجين رجال ويتزوجون عليكن نبي نشوف كيف احوالكم ،وشوفي رد ام فهد هي متزوجه شوفي شعورها كيف لاتاخذين رايي انا ماني متزوجه شوفي رايئ المتزوجات الكل يغار بنت والامتزوجه ،البنت ماتبي تجي على وحده والمتزوجه ماتبي احد يجيها .

تقبلوا تحياتي اختكم
شموخ [/ALIGN]