هذه القصيدة تنشر لاول مرة للمرحومه عابرة سبيل وللعلم كتبتها قبل وفاتها وسلمتها لاختها الكبيرة وامنتها ان لاتخبر بها احدا الابعد وفاتها وكانت هذه القصيدة موجهه لزوجها الشاعر ايضا .. والذي بدوره رد عليها ..واليكم القصيدتين ..
ترى الذبايح واهلها ماتسليني ** انا ادري ان المرض لايمكن علاجه
ادري تبي راحتي يابعد عيني ** حرام ماقصرت ايدينك في حاجه
اخذ وصاتي وامانه لاتبكيني ** لوكان لك خاطرن ماودي ازعاجه
ابيك في ايدينك تشهدني وتسقيني ** امانتك لايجي جسمي بثلاجة
لف الكفن في ايديك وصف رجليني** ماغيرك احدن كشف حسناه وحراجه
ابيك بالخير تذكرني وتطريني ** يجيرني خالقي من نار وهاجه
سامح على اللي جرى مابينك وبيني ** ايام امشي عدل وايام منعاجه
اعيالي همي وانا اللي في يكفيني ** علمهم الدين تفسيره ومنهاجه
"عابرة سبيل "
الرد
حاولت انام وحاربت عيني النوم ** جريت صوتن مثل صوت الذيابه
الجفن كأنه صايرن وسطه هزوم ** ودموع عيني مثل رش السحابه
على وليف قالوا اليوم مرحوم ** راح وتو ماااهتنى في شبابه
زرت القبور اللي على بعضها رسوم ** حطيت رسمن فوق ذيك النصابه
قلبي من الدنيا عليل وموسوم** والوسم توه عقب خط الكتابه
احبها مير القدر صار مقسوم** ويحبها كل الاهل والقرابه
الموت اخذها وادع القلب المسلوم ** جرحن عميق مايداوي صوابه
الموت اخذ شجعان ورخوم وقروم ** واخذ رسول الله وباقي الصحابه
تحياتي للجميع
رد مع اقتباس
مشرف مضيف الترحيب والتعارف
المفضلات