يامرحبا بك عدد ماطار تمساح .... او عدد ماتـنقش سنون نعامه
او عدد مايزعل على الموز تفاح .... وعداد قشر في بعير وسنامه
او دب امعط لابغى يطير ماطاح .... الا بجــرف بعيد ولا عــدامه
والا خروف دايم الدوم نواح .... ضيع ثغاه وجاب صوت الحمامه
على عشير كن زوله لاراح .... كنغر وشكله مايعرف الوسـامه
ماشافني وانا مع السوق رواح .... صد وتركني بين شبه وعلامه
ــــــــــــــــــــــــــــــــــــــــ ـــــ
انا وليفي طش راسي غرامه ....... لولاي اكافح حبها بالبـــندول
خلي ذبحني طسمته واللثامه .... والعين تشدي لابرق الريش مع جول
يقطش وليف الروح قطش الحمامه .... يامحلا ريقه مع الشدق سعبول
ياناس انا هلي واحف السلامه .... واموت من حب اريش العين لاحول
خلي لمع في راس خشمه زمامه .... ومعلق في الحلق فضه بدلــدول
تقول قرد في روابي تهامه .... يفجعك شكله لاضحك كنه الهــول
لا هوب دبه ولاهو هلامه .... ماشفت مثله سيد الاحباب عصـقول
ــــــــــــــــــــــــــــــــــــــــ ـــــ
لا تسأليني ليه طبع العرب غير .... لا تسأليني وين عصر الصحابه
صارت ثقافتنا مظاهر وتزوير ... . نرقص مثل جاكسون ونلبس ثيابه
نشري الحضارة بالذهب والدنانير ... ياويلنا لاسكر الغــرب بابه
كم واحد بيبدل البنز ببعير .... ويبدل الدســكو بصوت الربابه
ــــــــــــــــــــــــــــــــــــــــ ـــــ
ياوجدي وجد من ضيع نعوله
لاقى وحده والاخرى مالقاها
عايش معاها من ايام الطفوله
شاب راس العود نعله مانساها
ــــــــــــــــــــــــــــــــــــــــ ـ
المطرب اللي يهز الراس
ويفـــــجر اذاننا بصوته
الله يبلاه بالوســـــواس
ويطيح له في نحر حوته
اشــــباه هذا يغث الناس
ودك بمن يرقعه شــوته
والا يصــكه بحد الفاس
وليـا صرخ ياخذ النوته
ــــــــــــــــــــــــــــــــــــــــ ــــــ
من كثر حلفه برأسي و ف عيوني . ... انحولت وصار بعيوني رمد
ومن كثر مااكلــــمه من تليفوني .... انقطــع خطي ولا شفته ابد
يابنات الناس تكفون اسمعوني .....الرجاجيل انتهوا ما ظل احــد
\nـــــــــــــــــــــــــــــــــــــــ ـــــــ
والله كبيره يا بو ساره ... للديرة ترفض توديني
مشتاق لشوفة الحارة ... اللي بها داعج العيني
والنوم منخش في داره ... حاولت به مير جافيني
لكن اب اجيب سيارة . .. موديل تسعه وتسعيني
واصكها يمها غارة . . . وادوس في كل رجليني
وارمي على باب سناره ... واصيدها وارجع بحيني
ــــــــــــــــــــــــــــــــــــــــ ــــــ
قال الذي بطنه من الرز مليان ... يلهم من المزه على غير قـادي
عمره وصل خمسين ماذق قرصان ... ولا ناظر المرقوق وسط البوادي
يدربي كرشه ويزنت بليهان ... وان قلت له وين انت به قال غـادي
ماهو بمثل اللي مر دكان ... شرى طحينيه وخبز وزبـــادي
الـــــــــــــــــــرد
حي الكلام اللي منقيه فنـان ... اللي بتكريم البشـاور ينادي
زدني نهم زدني عطش زدني ادمان .. زدني كسل زدني جهل بالنوادي
بكيت متأثر وغنيت طربان ... ياريحة العنبر سـرت في فـــؤادي
اسمك لنا ياطيب الفال عنوان ... مثل العلم بين الحضر والبوادي
خلك بشانك واترك الناس تشتان ... بالضغ والسكر ونم وانت هادي
لين اتغدي كنك دعايات ميشلان ... ماعاد تقدر تلتـفت للمنـــادي
رد مع اقتباس
المفضلات