[ALIGN=CENTER]فيصل بن طواله[/ALIGN]
[ALIGN=CENTER]صح لسانك وقصائدك دائم(ن) جزله يالجزل[/ALIGN]
[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الفقر يااللي ,, تحسـب الفقـر يشذبنـي=الفقر ما عذرب اللي .. خـاط ملبوسـك
وكثـرة فلوسـك تراهـا ,, ماتعذربنـي=ولاقللت شـان مثلـي كثـرة فلوسـك
لاتحسب إنك (( بفـاس الغيـر )) تحطبنـي=مافيه (( راسٍ طنـاوي )) يجرحـه موسـك
لا تحسب اغناي لا من ضقت يطربنـي=ياللي طرب غرشتك في نهنهة كوسـك
ولا تعتقـد منْخلـك (( يالعفـن )) يحجبنـي=ولا تعتقد (( سِن غيرك )) يشتكـي سوسـك
كانك تبي من قلـوب النـاس تشطبنـي=الناس ماهي سكارى خلـف هاجوسـك
ماني (( ياعـرّاب )) جملـه لأجـل تعربنـي=ماللخبر .. مبتدى فـي زيـف قاموسـك
إن ماتعلمـت تقـرا , مانـت كاتبـنـي=لكن قبـل تمتحنـي , راجـع ادروسـك
(( ياثـور عنتـر )) يجـوز الثـور يغلبنـي=بس اعرف ان قيمته هي (( راس جاموسك ))
(( خيـل الفسـق )) مابهـا خيـال يرهبنـي=ترجّل (( عن الوزا )) من قبـل ماحوسـك
وجنّب طريقي وانـا بالـذات جنبنـي=من قبل أخلي (( عبيـد الساحه )) اتدوسـك
مانـي (( لبـوك الهليمـه )) طيـر تندبنـي= قبل تفوّه بكلمه ,, اكرب اضروسـك
وبُرق الهواجيس بأصلـي ماتجاذبنـي=إن كانت (( أُمّ العباير )) تجذب اهجوسـك
ماهمنـي لا صدقـت اللـي يكذبـنـي=وترْ مـذّّن الحـق مـاداراه ناقوسـك
بُعـد المـعـزّه ,, ولا ذلٍ يقـربـنـي=سجّـان نفسـي ,, ولا حريّـة احبوسـك
اجاملك صـح ..! لـو ماكنـت معجبنـي=أحاول اشعل دجـاك بضـي فانوسـك
أرضا على (( صاحبي )) لو كان مغضبنـي=والا انت تر (( تفلتـي )) تزيـد ناموسـك
[/poet]
[ALIGN=CENTER]تقبل تحياتي
فايزالبراهيم[/ALIGN]
رد مع اقتباس
المفضلات