أحبتي جميعاً
مساء الفل والياسمين
أهدي لكم آخر العزف والنزف .......
أهداء خاص .........
للشاعر الكبير /
فيصل الطواله
والشاعر الكبير /
أبو عذاري
ولقلوبكم الطاهره
[poet font="Simplified Arabic,4,white,normal,normal" bkcolor="cor
al" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""]
يضيق صدرك وأنا مخلوق من شانك ..!!=لابارك الله فيني كلّ ماضقتي
ولابارك الله بوقتٍ سببّ أحزانك=ولابارك الله بشعري كان مارقتي
عصفورتي كان وقتي قصّ جنحانك=من شان عينك أبهدر دمّ أبو وقتي
بس غرّدي بس أبسمع أعذب ألحانك=ماقدّ عرفت الهنا من يوم فارقتي
توّك على الحزن يلعن جدّها أشجانك=كذا من أوّل بداياتك توهّقتي
كنّ الشقى صار هو دربك وعنوانك=وكنّك مع الفرحه العذرا ( تخانقتي )..!!
وكنّ السعاده طعمها مرّ بلسانك=وأنتي شربتي بقايا سمّها وذقتي
وأنا بنفس العذاب ونفس تحنانك=لو عادك أمعنتي النظره ودققتي
متقاسمين الهموم وخافقي صانك=حرّم يخونك وأذا أشتد الوله ( وقتي ) ...!!!
حمامة الورق لا لاعت على أغصانك=ذيب الحنايا عوى وأنتي تشدّقتي
( وظيفتي ) بهالحياة أرتّب ألوانك=وألوّنك وأنتي بعين الغلا لقتي
وأرسم ملامح سعادتنا بحجّانك=وأطرب أذا أنتي من الفرحه ( تشققتي ) ....!!!!
تزهابك أحلى القصايد زيّ فستانك=يزهابك بكلّ لون أليا ( تأنّقتي ) ...!!
ياالله أضحكي وأرقصي في خافق ( أنسانك )=قولي أحبّك كذا ... قولي تشفّقتي ...
وأقول..(بطّلت أحبك ) ..!! وأشعل جنانك=وأقول أنا أمزح معك لايكون .... صدّقتي ؟؟!!!!
وأقول أنا أوّل محبّينك وخلانك=وأوّل بشر بالبسيطه لزوله أشتقتي
وأنا مكاني معاليقك و وجدانك=أسكن عيونك وأطيييييح أن كان .. ( دنّقتي ) ...!!!!
معقول قلبي يتمنّى بيوم نسيانك ..؟؟=وأنتي برمش الغلا فيني تعلّقتي
قلبٍ مع الوقت لاباعك ولاخانك=لو عاد بعتي بشرع العاشق وبقتي
تطمّني لعن أبو حيّك وجدّانك=الله موفّقك ... يوم أنّك توفّقتي
يضيق صدرك ... وأنا عايش على شانك ..؟؟!!!=كلّ مازعلتي كذا جيتك وروّقتي ..!!!
[/poet]
رد مع اقتباس
؟؟.....
مشرف مضيف الترحيب والتعارف
المفضلات