[ALIGN=CENTER]
شقا شقا
ارس ياترس واعتدل ياملف[/ALIGN]
بعدين حيي هالنوبه جيتكم مطفّي الليت ومعي سوالف تفضخ القلب
مالكم بطويله الوكاد انه ماهي سوالف ترترا ورفيزه اللي انت تخبرون :D
[ALIGN=CENTER]وهي تبدأ السالفه
توي متعلم السواقه اللي يتسفيكم شري ، وهي توذينن قصيرتنا عنده سياره جلنت موديل 82 تبينن اوديه للبسطه حقت الخميس تبي تشري علف لغنمه
والله وانا اركب تسني سواق مايحتاج !!p يامار انا قصير عن الدرقسون والله وانا اجيب لي كم خيشة شعير من هالفاضيات
لقيتهن قفوا المرتبه |97| وانا اصفطهن واحطهن حدري فوق المرتبه:D
افتيه..............افتيه ...ايّه توي غديت تسني رجل|64|
وهي تسنه تستحي مني قالت ابي ارتسب فوق
لا
لا يابنت الحلال تعالي معي بالغماره.....قالت لاوالله ابي بالصندوق
وهي ترستب وانا انبث السياره بثنين بدل النمره الاوله
وهي تقمز الجلنت تقل فرس
يوم سمعت يالصفقه حمى حيله قفوي بالقزاز
وهي يغدي القزاز تقل طحين او هذا كله بالغماره
وانا اراعي قفو
ياهذي راعيت الجلنت منصفره
اثاريه ماهي متوّجده ويوم اني حرّكت السياره بالحيل تريه جتك تمشي
الفين وصفقت بالتنده:D حقت الصندوق
وهن يغدن سنونه علف مجروش
.............ايه هذا بلا ابوك ياعقاب
هلحين وشهو اللي يفكن منها...تردون ليه
لانها شرّيه ولااحد يقوى لها
وانا اقرّب لها ابي اشوف هي على قيد الحياه والا لا ( يلعن ام اللغه العربيه )
اثاريها تبيني ياما اقرّب لها..........مشتها علي ملعونة ...استغفر الله العظيم
المهم
يوم قرّبت لها واصوتها باسمها وهي تفوع علي:D
يامار معها اكا القناة اللي لو تضرب بها راس بعير تكسّر
....ياخي وهي تطير فرايش عقلي من الخرعه
وهو يجينن لي ركضٍ ماعمره مر علي
يوم شافت اني كحّصت عليها وعجزت لاتلحقن ..وهي تحذفه علي ...يعني
قرط
وانا اراعي بحد مراعياتي ياهي لي بصرصور هالاذن:D|118|
والله وانا اقع مغشياً علي ( رجعنا للغه العربيه )
يوم شافتن هلّون وهي ترحمن وتعطينن ريالين
تسنّهن رضاوه
والله وانا ارضى
وانا انكس لاهلي تسني عربجي|113|
الا الوكاد لااحد يسوق الجلنت يالربع
اعوذ بالله تري قيرها مخولق الرويس ونمرة واحد مادري وشلونهن جايات[/ALIGN]......شقا
شقا
شقاوي يجرح ويداوي
الا صحيح وشرايكم بتوقيعي اللي حدر
:D
رد مع اقتباس
مشرف مضيف الترحيب والتعارف
المفضلات