دجله وعلاوي وصورة الريس

**روعه** · 12-04-2003 11:22

دجله...طفله عراقيه خرجت صباح
يوم العاشر من ابريل الى الشارع لتلعب
مع ابن الجيران علاوي:
صباح الخير ياريس
صورتك شبيها اليوم؟
علاوي علاوي شوف تعال تعال
هاي صورة الريس عليها تفال
شوف شوف تعال
صورة الريس تنطق بالنعال
شقد جرى ووكيح مقداد
على الصوره بال
شصاير؟
صدق جذب؟
حلم علم؟
وين المخابرات؟
وين الامن؟
الحرس وين؟
وين المضاهرات؟
امي لهسا تبجي اخوها الشهيد
وابوي مات قهر على اخوي فريد
واختي خاتم خطوبتها على الميز
من اختفى بالامن خطيبها عزيز
وام علاوي ماتت خطيه
حرق على اختها مكيه
يما تعالي تعالي
شوفي شصار بالغالي
ابو عدي يا حيف
انتصارك زيف بزيف
هوايه طولتها ياريس
بس عاد كااااااافي
خمسه وثلاثين عام
والحبل لي جدام
نسينا حتى اسامينا وذكرناك
نسينا حتى اهالينا وذكرناك
نسينا لون الفرح
والقلب اللي انجرح
ريقتنا حرب
وغديتنا حرب
و عشيتنا حرب
صار الخوف اخوانا وامنا وابونا
صار المستقبل حلم بعيد
والحرب تنور كل يوم شاب تريد
بس صورك ياسيدي
تزين كل مدينه
كل شارع وغرفه حزينه
كافي علينا
من نشوفك
نغسل ايدينا
من نسمعك
تنشل ايدينا
من نحجي
ينقلب هالكون علينا
كافي مو سيدي؟
والله كافي
نريد ننام وما ينطق بابنا
نريد نتسوق ونجيب ايدامنا
نريد نركض بالحدايق
نريد سياره ويا سايق
نريد نشخبط على الطوف
وما نتلفت
نريد نكتب شعر وما عين رفت
نريد ونريد
شقد نريد
من كثر امانينا ايسنا
من كثر الاحلام تيبسنا
بس انا مو مصدقه لهسا
ولك علاوي شو تعال اقرصني
يمكن حلم
تعال ولك ارفسني
يمكن اصحى من الالم

وسلامتكم.. هذي القصيده للشاعر عجيل السعدون
وكانت منشوره بالجريد.. ومن كثر روعتها حبيت تقرونها

**الدكتور محمد الشمري** · 12-04-2003 13:26

[c]
00---------------------------------00
روعه
00---------------------------------00
جميلة وحلوه وفيها صورة حقيقية
أتمنى الإطلاع من قبل أكبر عدد من الأعضاء

مشكورة روعه فعلا روعه
00---------------------------------00
تحية من القلب

[/c]

**عبدالله الجعيثن** · 12-04-2003 14:07

تم نقل الموضوع من قبلي

**السنيورا** · 14-04-2003 12:32

;)تسلمين اختي روووووووووووعه علي هذي القصيده الاكثر من رائعه والتي

تجسد الواقع الحقيقي في بغداد.....

**موال** · 14-04-2003 22:39

[c]

شكرآ روعه لتجسيدك الم يعتصر في خاصرة بغداد
ومشاركه جميله تقبلي تحياتنا

[/c]

**ابو خليف** · 14-04-2003 22:44

الله يعطيك الف عافيه

ياروعه

وتسلم اناملك

**الشمـــااااالي** · 15-04-2003 12:58

شكرآ روعه على هذا القصيدة

ومشاركه جميله

تقبلي تحــــــــــــــــياتـــــــــــى

بس التوقيع مش كويس .........(لاشفت ضيم الناس في كل ديره
اسجد لربي اللي خلقني كويتي)

بدووووووووون زعل