[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=200% align=center use=ex length=0 char="" num="0,black" filter=""]
عرضة الموت شيلوها بصوتٍ رفيع =العدو جابه الله في دروب الضياع
حظنا اليوم جابه من مداه الوسيع =باغيٍ والحقيقة ما عليها قناع
من غزا أرض العروبة ما يعَاود سريع =لين تشبع سباعٍ للأعادي (جياع)
(الجحافل) نحوشه مثل حوش القطيع =عن حمانا بعيد هناك خلف القطاع
في سرابْ القوايل والسموم الوليع =صوتهم عند رب الناس ما له سماع
معتدينٍ بحربٍ شاب منها الرضيع =كن كلٍّ على أمه يعتدي ؛ بالجِماع
قادهم ( بوش ) و(الدَّجال) قاد الجميع =قايد (البوش الأول) في خبيث الطباع
يوم ؛ كلٍّ ( لشيطانه ) سميعٍ مطيع =ما هو اليوم لا يُسمع ولا هو يطاع
(بوَّش) البوش فيهم في زمانٍ ( شنيع ) =القدم زلْ فيه... وزل فيه السناع
طاح ما بيننا (المهزوم ) ما له (شفيع) =غير ( شارون) مثل (الثور) بين ( الضباعْ)
والذليل الحقير ( بلير) خاين ( خَريع) =عارفٍ (بالعروبة ) فيه منها ( رَعاع)
سرْعْ ؛ ما يزهق الباطل ويسقط صريع =حقنـا (الله أكبر) رد (صاعٍ بصاع)
صدورنا قاسي الفولاذ فيها يميع =ذاب فيها الكلام وذاب حرف اليراع
في شطوط العروبه بالدعاية يسيع =ذيب في ثوب راعي بالرعية فِدَاع
ينجلي عن سمانا كل (غيم الضريع) =لا شباعه جياعْ ولا جياعه شباعْ
(شمر) أهل الحمية والجواد الصنيع =بالردى من نواهم راح (لأم اللَّعاع )
( للأمريكان ) يهدوا من زهور الربيع =( فزعة الشمرية ) نورها له شعاع
( نارها بالمعالي ) عينها ما تضيع =عن عيونٍ تبحلق بالعيون الوساع
روحها العطر فاحت صدعها والرجيع=من ثرى المسك بالأمجاد تبني قلاع
(بنت شمر) دون الأوطان شارعها شريع=شرعها فزعات أهلها وفيها الإندفاع
يا (أنتخو بالطنايا ) فات منع المنيع =زل قول اللسان وحان فعل الذراع
وإن ( تنادوا بغَلبا ) فز فيها الشجيع =دون ( مجد العروبة ) (عز شمر شجاع)
(عز شمر) أصيل وبالحمية ضليع =دوم في (عزة الله ) يومْ ما قيل ضاع
(لألسناعيس ) (زوبع) تشتري ما تبيع =و(أهل سلمى ) (الحمية) عندهم ما (تباع)
من (الجزيرة شمال) برأس شامخٍ فضيع =لين ( نجد العروبه ) ظهر خط الدفاع
( بالأمريكان ) هبوا وقتكم لا يضيع =بينكم جيش بوش وصار دمه مشاع
جاهدوا في سبيل الله كافر وضيع =معنى الإنسان باعه في سبيل النزاع
كل الإرهاب منه وفيه واقع وقيع =في صدى الشر منه وفيه حل ارتجاع
( بالأمريكان ) شيلوا فوق لأرفع رفيع =ثم حيل أحذفوهم تحت لأسفل بقاعْ
أوجعوهم بضرب بالمكان الوجيع =لين (الأجحاش) بالذل تعرف (الإنصياع)
وبعد ما ترعبوهم اجمعوهم جميع=و(أبعدوا ) واتركوهم ( مع بعضهم صراع)
عبرة في زمنها فاز فيها البديع=بدعةٍ القرن فيها للموادع ؛ وداع
أدرعوهم بحبلٍ في عماهم ذريع =مثل ما تغزل النسوان فيهم دراع
حسهم كان (هايج) صار (هادي وديع )=النسم والسلامه مركبه والشراع
يوم صهيون يأتي للعروبة ركيع =خاضعٍ للأوامر مصغي باستماع
دبلوماسي حليوٍ ما هو ذاك اللكيع=ما شيٍ في هوانا بالدروب الوساع
والختام أتمنى بين شمر وريع=يدخل القدس الأول دون أدنى طماع
ما يهمه كلامٍ بالإذاعة يذيع=صالح القصد ماشي صادق الإتباع
[/poet]كلمات متواضعة بحق العراق وقيادته وشعبه الشامخ النبيل ؛ وتحية إجلال وتقدير (لأبطال قبيلة شمر العروبة ) و( ماجداتهم ) الذين شرفوا قبيلتهم وأمتهم في الذود عن حياض أوطانهم والتنكيل بالغزاة وهزيمتهم على أرض الرافدين ؛ مع تأشيرة خروج بدون عودة ..... مشيداً بحق الآخرين من ذوي المواقف البطولية الخالدة.
رد مع اقتباس
مشرف مضيف الترحيب والتعارف
المفضلات