[poet font="Simplified Arabic,5,orange,normal,normal" bkcolor="seagreen" bkimage="" border="double,10,firebrick" type=0 line=200% align=center use=ex length=0 char="" num="0,black" filter=" shadow(color=black,direction=135) glow(color=black,strength=5)"]
HHHHHHHHHHHHHHHH = HHHHHHHHHHHHHHHH
غالي ؛ طلب رخيص .. عندي ؛ ولكن! = يا عزوتي ؛ ما عنك بالصدر ؛ مكنون
ما تطلبه ؛ حاضر ..على الرَّف ؛ راكن = من صار ؛ له زمانْ ما زال ؛ مَرْكون
اللـه ؛ يا أيامنا.. وش دواكــن ؟! = فيكن ؛ حتى الحرف بالزور ؛ مرهون
فينا البلاء ؛ منْكن.. ومنَّـا ؛ بَلاكـن = من ودَّنا ؛ محروم.. ناسٍ ؛ يودِّون
دايم ؛ علينا الَـجو..بالحيل ؛ داكن = والسالفة ؛ يقولْ.. قالوا ؛ يقولـون
يبْـلوون ؛ خلق الله وسط ؛ المساكن = يا كثر ؛ منْهم (خبَر كان) يرُوحـون
يا ما ؛ يدين السوء..والغَدر ؛ حاكن = في أبرياء ؛ ما هم على الغير ؛ يجْنون
(طلال) ؛ وادع بين هاتِن ؛ وهاكن ! = والحزن ؛ خلا الناس بالعيد ؛ يبكون
نَهْر ؛ المعاني ما تعُوْضـه ؛ جراكـن = والناس (أبو نوااف) ما يومْ ؛ ينسون
هناتنـا ؛ يا ذكرياتـه ؛ هناكـن = مثل المطر؛ والناس فيها ؛ يتَـهونـون
ألـذ ؛ من سكر نباتـي ؛ ِنبَاكـن = واللي ؛ حرمنا (الفال)..غدار ؛ ملعـون
الله ؛ يرمي بالبلاء من رماكــن؟ = عساه ؛ من عقب الحزن يفرح (الكون)
بالحق : يا الأقدار ..فينا ؛ رجاكـن = و(الحـق) مهما غاب.. يعُود ؛ مضمـون
في يوم ؛ يصبح يا الليالي ؛ عشاكن = قولوا: معانا (آمين)..يا اللي ؛ تطوفـون
بالله ؛ يا الأنفاس يدْعي ؛ دعاكـن = يرحـم ؛ شهيدٍ راح بالغدر ؛ مطعـون
لو إنها ؛ الأزمان..على ؛ هواكـن = أو الأوادم ؛ مثل الأنعـام ؛ يسْلـُون
يا ليت ؛ يا الأيام يأتي ؛ معاكــن = (شهيدنا الخالد) ولا هوب ؛ مدفــون
أو ليت ؛ نبْلغ في مدانا ؛ مداكـن = أو ليت ؛ لو إنا.. بلا أشناب ؛ ودْقـون
خلننا ؛ خواتنـا :.. في ؛ ذراكـن = اللـه ؛ يْخَـليكن..عن اللي ؛ يراعـون
قدَّامنا ؛ يا الله..وحِنَّـا ؛ وراكـن = وأحوالنـا ؛ تزْداد.. من دون ؛ في دون
نبغا ؛ ننام شوي .. الله ؛ وياكـن = والكــل ؛ في رداه بالحيل ؛ ممنــون
[/poet]
مشكور على كل ما تفضلت به يا الطيب
ولقد استثارتني كلماتك في كتابة القصيدة التالية وأنت أول واااحد يطلع عليها
لأنني كتبتها هنا مباشرة على الكيبورد ...
رد مع اقتباس
المفضلات