السلام عليكم ورحمه الله وبركاته


لـيلة الـبارح .. رقـد بـعضي يـنازعه أغلبي
@@@لـيـلة ٍ بـآخـر لـيالي الـحج غـدراً مـظلمة

كـنّـي الـلـي نـايمٍ مـا بـين داب وعـقربي
@@@هـي قـيقة ؟ هـي خيالٍ سجّ ؟ هي حلم احلمه ؟

قـمت مـن صـوتٍ دعـاني وانثنيت على ركبي
@@@وإلاَّ أنــا أنـاظـر قـبالي ( نـاقةٍ مـتكلمه ) :

( يـا نـيازك لـو عـرجتي فـوق دخان أشهبي
@@@اعـلـقي فـي زئـبقي فـي مـارجٍ مـتنجمه )

قلت : وش قومك ؟ وش انتي ؟ واصدقي لا تكذبي
@@@جـاوبتني شـاعره مـن الـجن وانـظم مـبهمه

وقـبل تـنشدني ترى اسمي ( أَبْكمه ) يا صاحبي
@@@وإدر كـانك مـا دريـت إن أشـعر الجن ابكمه !

اسـكن ( البَرْلَس ) على وادي يسمى ( المحلبي )
@@@فـي نـهاية ( طـور مـوسى ) جـلّ ربٍّ كلّمه

جـيت ابـاسمع منك شعر الوصف .. واشبّ لهبي
@@@كـان تـوصف مـثل (جـدّك) ياعسى الله يرحمه

جـدّك الـلي مـن سـمع شـعره ذهل واستغربي
@@@مـثل وصـفه لاجمل سنينه ( ب..نوق مدرهمه )

قـلت : حـياك ارحـبي ثـم ارحـبي ثم ارحبي
@@@فـي ضـيافة شـاعرٍ يـثني الـقصيد ويـلجمه

شـاعـرٍ ورَّد هـواجيسه عـلى مـا هـو يـبي
@@@وأعـذب الـشعر أصـدقه فـي أغربه في أجهمه

مــن شـيوخ دحـيم جـدانه.. وخـاله تـغلبي
@@@إن طـلع عـزّ وشـرف.. والأَّ طـمن في مكرمة

قـد ورثـت الـطيب قـبل الشعر من جدي وابي
@@@ولابـتي سـيل الـحقوق الـلي تـزابر مـرزمه

واشـهد إنـي مـن سـنام الـشعر دسمّت شنبي
@@@وهـاتي أشـعر شـاعرٍ من الجن .. نذرٍ لا أفحمه

ودام يـستهويك شـعرالوصف بـا أنظم وأطربي
@@@ع.. الـقوافي نـفسها قـدامك الـحين انـظمه -

واصــفٍ حـلـو الـترايب والـقوام الأكـعبي
@@@وأبـتدي : بـسم الله الـرحمن سِمْعي يا ( بْكمه )

جــادلٍ بـحـجاجها.. فـجرٍ زبـنه الـمغربي
@@@عـنـز ريــمٍ نـثّرتني بـين خـزر وسـلهمه

فـي سـواد عـيونها .. فـاجر يـقول إنه : نبي
@@@كـل صـابي يـتبعه ويـصدقه .. يـهدر دمـه

وفـي لـحظها .. حـاكمٍٍ سـفاح مـتهور غـبي
@@@يـطلب الـرحمة لـميته يـوم شـبع مـن لحمه

وفـي هـدبها .. مـدهلٍ راعـيه شـيخٍ يـعربي
@@@أجـوديٍ نـوب يـعزمني .. وأنـا نـوب اعزمه

راعـني خـالٍ بـوجنتها تـقلْ .. عـبْد مْـسبي
@@@حـارس ٍ روض الـزهر مـن كـل يمناً مجرمه

ومـن قـليب الـلول .. جـاء ثعبان فضي لولبي
@@@مـن لـعق سـمّه .. يـقول : الـشهد مرّ وعلقمه

كـلـما بـلّـل شـفق عـنابها قـال : عْـجبي
@@@راح يـنشد لـولها هـي مشركه ؟ هي مسلمة ؟-

ويـوم جاء اللول بيجاوب قلت : ربي رووف بي
@@@نـاض بـرّاق الـثمان .. وسـال وادي عـكرمه

الـندى .. عـودٍ غـدا بـأوجانها .. طـفل يحبي
@@@والـعطر.. راعـي بـاثرْها يـحدي ابـله وغنمه

ومـن جـدايلها.. تـجلاَّ فـارسٍ قـال : الـعبي
@@@واسـتفزي الـريح يـا بـنت الـهبوب الـمدهمه

وفـي نـحرها .. كـافر ٍ لـعيوني يقول : إذنبي
@@@كـل مـا يـاكل رطـب شوفي .. حذفني بعجمه

فـي تـرايبها .. ثـمر طـاح بـنهم عين اشعبي
@@@جـاء يـقول لـخصرها المياس : حذرا ما انهمه

انـثنى الـخصر وتـمايل .. قـال : قبلك مرّبي
@@@تـوه الـلي كـان ضـيفي وانـظر آثـار قـدمه

الـجمل .. هـجّ وتـذيّر يـوم شـاف الأحـدبي
@@@والـحدب قـال : إش معه ؟ ما ينظر لحدب سنمه

كـل نـضره روّحـت حبلى .. تجي معها صبي
@@@راح جـوعه يـنشد أمـه وش بـلاها تـفطمه ؟

لا مـشت .. فـي مـشيها خطو الكحيل الأشهبي
@@@لا انـثنت ( حـايل ثـنيّه ) لا ربـاع ولا قـحمه

كـنـها لا لـدّت الـنظرة خـجل عـا الـمنكبي
@@@صــادقٍ .. يـسـتودع الـفـتّان سـرٍّ يـكتمه

فـي خـجلها .. بـنت شـيخٍ طاحت بحب أجنبي
@@@فـي غـنجها .. مـهرةٍ تـتلي الـصهيل بهمهمه

فـي رضـاها.. حـصنيٍ يـتلذذ بـحمض عنبي
@@@فـي عـتبها .. ظـالمٍ حـطوه قـاضي مـحكمة

لا اقبلت .. مثل الحمام - ولا ادبرت .. مثل الظبي
@@@لا اوقفت .. طير الهداد - ولا جْلست .. تقل رْخمه

لا وردتـي يـا مـغاتيري عـلى الـعدّ اشـربي
@@@وهـيجني : يـا حـي ذا الـمبسم ومـنهو مبسمه

مـبـسمٍ يـوم يـتبسم كـل عـرقٍ صـاح بـي
@@@وتـلّني .. قـوم الـثمه .. نـذرٍ عـلي أن تلثمه

أذن الـفجر ووقـفت .. إلاّ ( اْبكمه ) تقْل : طْلبي
@@@يـاالـدحيمي هــا الـقصيدة سـمّها بـالملحمة


من أروع ما قرأت لمـــحـــمـــد الـــدحــيــمــي ((الملحمه))