بنـــــــت الكحيـــــــــــــله

***شاعرعتيبه*** · 16-11-2001 18:48

يقولون اكتب في عجايب قصيدة000قلت القصايد ماتليق لعجايب
مثل النجوم اللي تلالا وحيدة000والا مثل قمرا بليا سحايب
(الله) عطاها من الحلا ماتريدة000مابين جيد وعين واشقر ذوايب
بنت الكحيلة بالخصايل فريدة000جدانها اللي يفككون النشايب
لوشافها مجنون ليلى تزيدة000بجنانها يروح فيها طلايب
والزير سالم لجلها زاد كيدة000من عقب فجرة يصبح اليوم تايب
ماتنعسف بنت الشيوخ العنيدة000مابين خال وعم سقم الحرايب
وصلاة ربي عد ماهل عيدة000وعداد من صلى شبابا وشايب

وسلامتكم

**ALMARKOZ** · 16-11-2001 19:03

الاخ العزيز شاعرعتيبه

صح لسانك قصيه رائعه

**سنـعـوسـي** · 17-11-2001 02:36

بسم الله الرحمن الرحيم

شاعر عتيبه وشاعرنا الفذ يطيب لنا قراءة ما تكتبه كما سرنا تواجدك معنا في ساحة الشعر بروائعك وحسك واحساسك وذوقك الرفيع 0

فلك تحياتي ،،،

**[رمح الشمال]** · 17-11-2001 14:53

شاعر عتيبه
قصيده رائعه
جزله بالحيل بيض الله وجهك
فيها من المعاني مايجعلنا نصفق طويلا
لاتحرمنا من ابداعك يالعتيبي
وصح لسانك

**بشير اللويش** · 18-11-2001 11:43

صح لسانك ياشاعر عتيبه

فعلا قصيده تستاهل التعقيب عليها

وتستاهل الشكر انت لمشاركتك الرائعه

الله لايحرمنا من الطيبين

مره اخرى صح لسانك

تقبل تحيااات اخوووك الصغيررر

بشير اللويش