حبيبتي فوق القمر ترسم النور ** وي تسولف لليالي بشعرها
والصبح الى من الزهر روح عطور ** جاها العطر يبي العطر من عطرها
اللى الربيع لبس منها اجمل شهور** حبيبتي تسقي السحايب مطرها
الصيف ولع والشتاء هب مسعور** ليه الربيع وبس لابسٍ من صورها
على وجنها خمرة تفضح الجور ** دم القلوب اللي هدبها نثرها
وان فاض منها لفته تنبت زهور** اخلى المواسم في ابتسامة ثغرها
حريبها مكسور مكسور مكسور** اما نصرها الحسن ولا نصرها
واللي الهوا لاهب في ريح وصدور** يهب في رجوا مداعب زهرها
والموج لو يلقى له اقدام وجسور** ماوقف الا تحتها بين اثرها
ارضٍ لماطاها تخشع ترقص غرور** الى مشت من فوقها من فخرها
والى وقفت تاقف تواريخ وعصور** كن الزمن وقف لها تحت امرها
انعم من الما جمرة تلهب تفور ** حريقة اعذب من الما جمرها
حبيبتي سحر ملك روح مسحور** استغفر الله من نهانا وامرها
تجي نهار حوله الليل منثور ** لليل على اطرافه مشارف نحرها
حبيبتي تشتاق لىالشعر وشعور** ماتدري اني والشعر ننتظرها
saaam_2002@hotmail.com
رد مع اقتباس
المفضلات