تحيه للجميع
قصيده أرجو أن تلقى القبول
[poet font="Simplified Arabic,4,black,bold ,normal" bkcolor="burlywood" bkimage="" border="outset,10,black" type=0 line=350% align=center use=ex char="" num="0,black"]
قالت اكتب ذكرياتك جعل زولك ما يغيب=ودّي اعرِف ماضي اللي خصّه القلب ابوِداد
سمّها ذكرى الترف أو سمّها لون الحليب=ما أظن ذكراك فيها لون مايل للسواد
ضحكتك تطغى على نبرات صوتك يالحبيب=باين ان الحزن ما يوم انجمع بك بانفراد
قلت رايك جايز ٍ لي بس ياليته يصيب=ليت بعض الظن يَصدق حيث تحقيقه مراد
لو ابكتب ذكرياتي كل تفكيرك يِخيب=مايصيب الظن والله لو تزيدين العناد
تحسبين اني أداوي مثل ما يفعل طبيب=والجروح اللي بقلبي كل يوم ٍ بازدياد
الترف عني مباعد والشقا مني قريب=والفرح بالوجه لكن داخلي غيمة حداد
غيمة ٍ سودا تِبِل القلب بدموع ونحيب=كل يوم ٍ تلتـفت واتقول جا وقت الحصاد
تصبغ الوان الفرح بالقلب باللون الكئيب=يشهد الله كان فيها للفرح ذرّة حياد
وحشة الغربه تطاردني وانا عايش غريب=مثل طير ٍ برقعوه اهله وهو يبغى الهَداد
لكن ابقى شيخ نفسي طيّب ٍ واصلي عَريب=والزمن ما يوم أثّر في رفيعين العماد
صدّيق بن مرهون
[/poet]
دمتم سالمين
........... الهــــــــــــادف
رد مع اقتباس
المفضلات