اخواني
السلام عليكم .....انا عضو جديد( عارفين مهو مكتوب تحت نكك) علشان كذا حبيت اخلي اول موضوع مجرد ترحيب( الا قل ماعندك موضوع وريحنا )انا من جد حبيت هالموقع (قلبه غزل) واقول للقائمين عليه ثانكس الوت( وينك ياسيد مصلي تجي تشوف تلميذك) ...(خش بالموضوع بليا لف ودوران)
هذا الله يسلمكم يوم كنت بثالث متوسط كنت اذكى طالب لاواموت بشي اسمه انجليزي (مبين )المهم كان مقاولي ..عفوا مدرسي.. لا مو عفوا الا
مقاول يدرس بالصباح وبعد المدرسه يشتغل مقاول( والله خوش مدرس )المهم ماعلينا كنت في يوما من الايام العصيبه( ماتسني قلبت سيبويه) كان عندي اختبار انجليزي المهم انا داج قلت مالك الا تنادي المقاول ..قصدي المدرس
يغششك المهم ناديته وجاني وقال عاوز ايه قلت مافهمت السؤال الاول (اشوى انك مافهمت المادة كله )قالي السير عاوزلوا دهن قلت لا مو كذا قال ايه قلت ادهن السير قال ايوه هيه ده وانا مافهمته على نياتي (طاايب يبو نيات)المهم انا كنت حاط قلمين من ماركت باركر بجيبي (لايغركم انه رخيصه
الحين ترى كانت الموضه اكا الوقت ) الا مد ايده وخذاه وقال دلوئتي السير ودهناه ومشى وتركن عاد انا طار عقلي (ولد فقر ينوخذ منك)شي قمت
وسلمت ورقتي وقلت الله لايهينك عطن دهني يؤ قصدي اقلامي قام يراعيلي بخبث وطوحه عالطاوله بغيت اقوم احوس مريره( عنك والله يهو متعافي وربي
ليخليك صفة اقلام كراستنديور بعد مو باركر)خذيت اقلامي ومشيت المهم جيت من بكره الا وهالمقاول( لحول وبعدين معاك )شايل علي من قلب حتى
لابغيت ارفع ايدي ابشارك يزلبن(ماشاء الله رفعت ايدك بتشارك)استمر هالوضع وقرب الاختبار النهائي قلت ياولد خل نراضيه والله ورحت له وخذك يامجاملات ومدح واعطيه من الرخيص يما طار بالعجه اشوي الا هو يبتسم بوجهي ويقول
امشي انقرر من هنا (جر ابوك شايفن عنز عندك)ليش ماقلته بوجهه والا جاي تهايط عندنا )لمهم قمت اعتذرله مانفع ومن هنا ومن هناهم مانفع شوي قطيت كلمة بعدها قام المدح فيني والتبويس شنهي? قلت له السير عاوز
دهن يؤ قصدي ندهن السير (والله من الربكه)المهم انا قلت الكلمة عن نيه طيبه(الا قل ضاعت علومك)شنهي?هالكلمة اللي هدئته وشنو معناها مدري قلت مالي الا العجيز الله يحفظها اكيد السالفه فيها دهن رحت له وقلت يمه السير
عاوز دهن(شعلمي قلبت مصطفى الشمال ) قالت اكيد هاللغز حله الحلتيته قمت وحبيت على راسه وقلت انا ابروح اخذ لي لفة بالحارة تامرين شي المهم طلعت افر بالحارة وايديني بجيبي شهالمشكله الاختبارات وقربت ومدري
شسوي بينما كنت اصفق اخماسا باسداسا( ردينا على تقليد الادباء) الا وهذاهو الفرج وجا( منو عساه وزير التعليم) هذاك الولد اللي لابس رياضه من
تحت الثوب والطاقيه ام جنيه غاطسه براسه وقاعد يشوت القواطي(منو؟؟) من غيره فكاك النشايب( الا ابو النشايب) الجراده بيه (لقب لولد حارتنا سعودوه) والقطه بيده واقعد اهليبه قال اخلص هاه شتبي ترن مشغول( تلقى وراه
سرقة اسطوانة غاز والا خنقه اكيد) قلت ابيك تحل لي مشكلة قال تعرفن افديك بعيوني بس ما يخدم بخيل قلت ولا يهمك مالك الا اللي يوديك لدكان ابو صالح ويشتريلك اللي تبي قال لا الجراده مايقبض الا مقدما( والكوبه) قلت
ولايهمك ورحنا لدكان ابوصالح واشتريت له بسكوت ابو ميزان و عصير غوار وقمت اقوله مشكلتي قال ولا يهمك فهمت الموضوع بس عليك تجيب هديه قلت تمام وادز على البيت واطلع لغرفة الوالد واقعد ادور على شي اهديه الا
وطاحت عيني على هاك العطر شانيل (مو كان ريحته كولونيا) وادز على الشارع الا والله هذا هو االجراده قاعد يخانق عيال ناس مسيرين علينا( هذي والله
الفضيحه) لقطته من ايده وننننن يما اختفيا عن الانظار( احلى يامافيا) قلتله هاه هذي الهديه وقام يراعي ووهو مفغر منين جبته قلت مالك دخل المهم جبته
شنسوي الحين قال غلفه قلت بشنو قال مدري هاللون سمعته بالام بي سي( اقول حدك غصب واحد وتخب) قلت انا مدري انت دبرن قال ولا يهمك اتنن هنا ..طس ورد وبيده جريدة الرياض وتيب اصفر( اكيد من مخبء الذئب حقه) ولفه وقام يلصقه لين طلعت تقل قمامه الله يكرمكم ... المهم قال الباقي عليك يالله باي( والله مو بسيط هالجراده خوش مثقف)... المهم قلت اذا دخلت البيت اكيد ابندبغ لانه الجراده سوى الفضايح بعيال ضيوفنا قلت ياولد مالك الاالحوش نم والصباح رباح وبكره اختبار نبي نقول واصلنا ومانمنا( مو منك والله) المهم نمت وقمت بدري وتكيت عند باب المدرسه اتنا هالمقاول شوي الاهذا هو والله واسحبه من ايده واقعد اردد دهن دهن قال دهن ايه انتااتخبلت يله( يله انت يالمصري ) شوي قمت اشرح له وفهم قال اه شكرا المهم استانست وخشيت القاعه وبدا الاختبار ياهوووه وينه وينه( شنو ؟؟))المقاول قصدي المدرس) شوي الا هاك الصلعه اللي تلامع( تختبرون بحوش مو بقاعه) الصراحه صلعته ماكانت تلمع بس عيوني اللي ذابت من الخوف... المهم جاء وقال استنا قلت طااايب شوي وجاب لي ورقه محلوله وقال اعطيني ورقتك وخد ده قلت لا ورقتي( ياوالله القشر) شوي الا وارتفع الصوت الاهذا اللي بجنب المقاول (منو) المدير ابو سعد (اكفشش).... ويلقطن وياخذن معه... وقلتله كل القصه قال...................................... ولا يهمك بس ادهن السير يااااااااااااااااااااااااااااااااااااااا اه ..............................ومادريت الا وانا متخرج من الكفائة
اي نقد على هالموضوع اعتبره كاطراء لي فلا تترددوا( لاتصدقون عاد وتشرشحون بي) ترونا بنيعم
رد مع اقتباس
المفضلات