[c]
أول مشاركة ارجوا ان تسمحلي بالانظمام إليكم بس احمدوا..!!
ربكم اني معاكم ولا كان رايحين فيهااا ..!!
القهوه ياولد محارش يمنلا الصلاح ..!!
بااااع ..!!
أهداء إلى نفسي بس ..!!
كيف حالكم يامقلعين (ترا قايلها وأنا رازن خشيمي ) وابشركم اني بديت أنغر وصرت أكشخ وأتروش كل يوم. وتركنا التايد وصرت اسبح بصانسلك والمهم ما اطول عليكم لأني مشتاق لكم كتير كتير كتير
كتير هذي تراها بالبناني وش دراكم انتم صار معي لغات بطبيعة عملي الجديده شكلكم ماتدرون اني صرت فنان لايشق له غبار وصرت مشهور والمعجبات والمعجبين نطل الله يكفيكم شرهم ومشيت معي بوديقار عشان ما يخطفوني ولا يصير لي شي تراه جالس جنبي الحين خايف علي منكم لايصير حارش مارش تراه بيتوطا في بطونكم اذا سويتو لي شي بس انا قلت له هذولا ربعي وبيننا عيش وملح وضببه وخربطه يعني لاتخاف علي انا الحين اكلمكم من لبنان البارح مستضيفيني برنامج ياليل يا عين أنا ومجموعه من زملائي الفنانين والفنانات بقولكم اللي صار قبل مايعرضونها لكم وتتفاجئون اذا شفتوني .
دق علي طوني المذيع حقهم وقالي ودنا نستضيفك انت ومجموعه من الفنانين ونسوي مسابقه لكم قلت ما عندي مانع ورحت في الموعد وقبل ما اروح مريت السوق وطقيت لي درزن كلاسين (خلاص تركنا صروال السنه ) مع الجنز ما ينفع صروال السنه يقعد يتلاصق ورحت شريت لي هاك الجنز المصرصر اللي تاكني يا لله أقدر أبترم مغير أجعفها يمين وشمال وشمال ويمين.ورحت للأستديو اول مادخلت قابلني طوني ومعه ذيك المذيعه اسمها غبص نسيته وهاك يا ترحيب ومطخني بذيك البوسه وهي بعد مثله جت بتمطخني وأنا اللي ادزها قلت عيب ماعندنا هالأمور مسوي نفسي (تعرفون فنان لازم أصير ثقل ) مادرت أن سعابيلي تقاطر بس قلت الثقل زين المهم دخلنا وشكلونا فريقين فريق فاننين وفريق الفنانات وجلست في النص ومعي في الفريق علي يميني راغب علامه وعلاء زلزلي وعلي يساري وائل كفوري وجواد العلي J(صديق بعض الناس ) وقدامنا فريق الفنانات باسكال ونوال الزغبي ونجوي كرم ومايا نصري ورويدا وعتاب (ادري جايه بالغلط) بس عاد وش نسوي في الواسطه المهم اول ما جلنسا وعيونهم مغير تناضر فيني ويبحلقن تقل ماعمرهن شافن واحد مملوح طبعا كل واحد عرف بنفسه ويوم جا الدور عندي الا تنط باسكال وتقول هيدا دحييييم ما يحتاج يعرف بنفسه كلنا بنعرفه علي بالها تمون جتنا مره وحد ه في العزبه وسوت نفسها ميانه المهم سفهتها ولا كن احد تكلم وعرفت بنفسي وقلت يا شين اللقافه بس الجمهور ضحك عليها وتفشلت وقعدت تتبسم وأنتا مابتترك مقالبك صرفتها بدا طوني يسألنا اول سؤال وجابو مقطع من اغنيه لفهد بن سعيد طبعاً الشله اللي معي كل واحد يتلفت علي الثاني ما فيه امل يعرفونها وأنا أناظرهم وأتبسم قالو بتعرفها قلت خلو هالمملوح اللي ملصقن شعيراته علي جبهته يعرفها هماه سعودي خلوه يعلمكم تبغور جواد العلي (صديق بعض الناس ) ولاعرفها وحليتها لهم وقعدو يصفقون البنات قالو هيدا دحييييم مو بسيط وأنا فاقن هالخشه لين بانت ضروس العقل من التميدح ويجي السؤال للبنات ويجاوبون عليه وحنا جالسين قعد راغب علامه يتميلح عندهم والبني ماعطوه وجه مغير يقزون فيني لو أقول أي شي غشو من الضحك تصدقون مره تثاوبت وتنقز رويدا تقول شوفو شو محلالويزاتو حتي لوزي فاكاتن معها مغير يتحرشن فيني وبعدها جا مقطع أغنيه ديوتو بين نوال الزغبي ووائل كفوري اغنيتهم اللي سوا وقام بازن بعمره وائل يغني ويناضر في نوال علي باله تبي تانضر فيه وهي تقول انتا اللي بحبو انا وتغز علي بصراحه انا قب وجهي صراحه شينه في حق الرجال مزلب ولله يا هو حقد علي هو ويا راسه هاللي سنه دبت حصنيه وبعد ما خلصوا قامت عتاب تغني شكنكري وقومو معاها الرجيلي صديق الرجال بعد نهايه الاغنيه قالو ماهي أوجه الشبه بينهم (افلقني أذا لقيتو شي ) المهم صرفناها وقلنا الشعر وقالو صح وبعدها جا مقطع رقصه واحد من الشباب وواحد من البنات والشباب هم اللي يختارون الفنانه اللي بترقص حنا اخترنا مايا نصري وهم اختاروني ارقص معها قمت بكل ثقه اتمخطر وهي شهقت من الفرحه يوم قامت معي و وبدينا في الرقص وقعدت اتهزهز تعرفوني عاد خبرة سامري وقمت مديت يديني لها وتجيك البنت ممرسه تبي تخمني وانا اللي الف عنها واكسحها مسيكنه مسطت علي خشتها ويالله مسكها طوني واللي معه لا تطيح عاد انا طقني الحماس مع الرقص وأستنزلت وانا للي اقمز فوق السماعات هذيك اللي علي كل سماعه وحده تهزهز وانقز عليها وارجف اللي فوقها واقعد اهز فوق وهاك يا ترزيز وتمايل و الجمهور انفعل معي وقامو يصفقون وأنا أدابتس فوق سماعاتهم لين خربت السماعه مع المطامر عليها المهم خلصت الأغنيه وانواع التصفيق لي وعلي براعتي في الرقص عاد تعرفون اللبنانيين يدوخون مع الرقص وجاهم واحد متجمعتن فيه كل المواصفات الزينه لا وبعدي رقيص
وبعدها انتهت المسابقه بفوز الشباب طبعا ً ما دبرهم الا أنا ولا هم ما يدرون وش الطبخه مغير يدربون روسهم
طبعا وفي اخر البرنامج قمنا نرقص سوا نزلت معهم وعينك ما تشوف الاالنور ما عا أدري من أنا في يده
مره تمعطني باسكال ومره تحجرني نجوي كرم في ربعه ومره وتفوح رحيت صنان ما أدري من وين جايه اثرها من اللي جايه بالواسطه وخلص البرنامج ويوم جيت أبمشى كل وحده مسكتني مع جهه وهاك يا حالوف اللي تبي تعشيني واللي تبي تغديني وانا معيي ويوم طلعت لقيتهم يحتروني برا راكبين سيارة عتاب كرسيدا بكس وتلوني معهم وحطوني بينهم في مرتبه وراى وتحاجروني ورحنا ولا خلاص بس يكفيكم كذا وشتبون بالباقي
المهم تري يمكن اشباهي متغيره عليكم أذا طلعت في التلفزيون ما راح تعرفوني بس ابعلمكم تراني لابس جنز اخضر وقميص احمر والتوسيه اللي انتم خابرين غطينها بلمكياج
وش رايكم واله اني مشهووووور
[/c]
رد مع اقتباس
المفضلات