قصيده مختاره اتمنى انها تعجبكم
ثلاث ايام من رحتى حـشى ما هن ثلاث ايام
ثـلاث بـنــوب مــا مـرن علـيّّـه فـى ثـلاثـينـى
بهـن باكر مثل قبل امس وبعد يومين مثل العام
بـدونـك يـا ثـقـل دم الــزمـان ويـا ثـقـل طـيـنـى
مـلـل غـربـه زهـق ضـيـقـه طـفـش اوهـــــــــام
مـن غـيابك لقوا بى ارضـهـم واسـتوطــنوا فـينـى
تعالى لى قـبل ما عـقرب الساعه يصـير ابهام
تـرى من كثر لمسى لـه غدا كـنـّـه من يدينـى
تعالى لى قبل نفسى مع نفسى تزيد خـصام
دخـيلـك قـبل يطـلع صـوتهـن من بين ضلعينـى ..؟!
دخـــيـل النظـره الاولى وأول غـزوة ٍ لـلثـام
تشهّـد فـى ثراها بـوسـتين ٍ بـينك وبـيـنـى
دخــيــل الضـمّــه الـلـى جـاوزت بـاروحـنـا الاجسـام
عـسى روح ٍ عـصـت منك الجـسـد تـقـدر تـعـصـينـى
دخـيـل السهره وليل ٍ سهرتى بـه مـعـى ما نـام
ومن رحـتـى قـعـد يرجيك حـتـى نـام فـى عيـنـى
دخـيل الضـحـكه اللى ينـتشى منها جسد و عظام
دخـيـل الـبـسـمـه الـلـى ذابت بـميّـة شـرايـيـنـــى
دخيـل شـلونك و وين انت و لـعّـاب و بـلاش احـلام
دخــيـل اشفيك.. مـتغـير و خلـص ما عدت تغـلينـى
تـعـالـى يـا قـصيـد شـيـّب الاوراق و الاقلام
وانـا لـلحـين مـا دقيـت بيـبــان أولـه فـيـنـى
تـعـالى يـا الهـوا و الما وخـيرات اليمن و الشام
تعالى قـبل يحتل الـعطـش رمشى وجـفنينـى
ترانى كـان مـا جـيتى ؛ غـفـا جـفن , ان غـفا ما قام؟!
بـقـى لـه مـدرى ؟ بس ادري اذا مـاجيتى اعزيـنـى!!
شعر نـايـف الـرويـلـي
تحياتي
رد مع اقتباس
المفضلات