[c]
كلي امل ان ترضيكم
الخنـــــــــــــاجر
[/c]
[poet font="MS Sans Serif,16,white,normal,normal" bkcolor="" bkimage="" border="double,4,gray" type=1 line=200% align=center use=sp char="" num="0,black"]
الخناجر
جاني بعد عامين او اكثر شوي = يلعن ابوه شلون00 للحين فاكر
كن ماترك له خنجرينٍ بقن بي = لاوالله خنجر خنجرينٍ خناجر
غاب وترك لي بس00 وشهو ترك لي = جرحٍ واحس انه ذبحني واكابر
مرات احس انه هنيا واقول أي = ومرات احس انه هنيا وصابر
والظاهر انه مو بهذا ولا بذي = ماله مكان ولاله اول من اخر
جرحه ترك لي00 وش ترك لي 00 ولاشي = لاقلب خلا 00لاضلوع ومحاجر
والشمس لوحة حر في ذاكرة في = ياكثر مابالذاكره من مناظر
محلا القمر لامن تكسر على المي = ومااقسى القصيده في ضلوع الدفاتر
لاخيل 00لادم 00 وزغاريد وعبي = لاصوت عيا تحتويه الحناجر
حيٍ لبس ميت وميت نزع حي = ياقبلة الله كيف هاالعشق كافر
جاني بعد عامين 00او اكثر شوي = يلعن ابوه 00شلون للحين فاكر
يامتعبي وشهو تبي وش ورى الكي= ماعاد لي قلبٍ ولابه مشاعر
ماني بذاك اللي تخبر ( يابعد حي ) = خبرك تغير مو على منت خابر
فيصل اللويش
[/poet]
رد مع اقتباس
المفضلات