تعالوا نتعرف على بعض...........اقلطوا ياهلا

**موج البحر** · 13-11-2001 13:45

اتمنى كل واحد يكتب عن نفسه..كي نتعرف على بعض..
ابدا انا اول واحد........

الاسم/ ج..موج البحر

العمر//والله مشكله //26

المدينه// الدمام

الوظيفه// مهندس

موقعك في الحياة// اعزب..لاحول ولاقوة الا بالله

مكان الميلاد// حـــائــــل

الهويات// القرءه,,,الرياضه,,البر,,,الانترنت

شي تمنيته لكن للاسف ماحققته/// اشياء كثيره

اشياء حققتها في حياتك/// اشياء كثيره

قل اي شي تبي تقوله هن//

................................

**جواهر** · 14-11-2001 01:54

والله خوش فكره ياموج البحر

وانا بعدك :

الاسم : جواهر

العمر : 24 بذمه

المدينه : بلاش

الوظيفه : عاله على المجتمع " مخلصين وننتظر الفرج من الله "

موقعك في الحياة : الدرجه الاولى من العزوبيه

مكان الميلاد : بلاش

الهويات : القراءه - الطبخ على حسب المزاج - التسوق

شي تمنيته لكن للاسف ماحققته : خلها بالقلب

اشياء حققتها في حياتك : الى الحين اعتبر نفسي ماحققت شي
\n

قل اي شي تبي تقوله هنا// والله هذي الساعه المباركه اللي تعرفنا على طيبين مثلك ياموج ولا يهونون الربع .

وشكراً .

**موج البحر** · 15-11-2001 05:01

ياهــــــــــلا فيكي يااخت جــــــواهــــــــر

تسلميــــــــــــــــن على المشاركــــــــــه

منتظـــــــــــرين الاعضـــــاء البـــــاقين

**ابو خالد الجربا** · 15-11-2001 06:25

الأسم :ابو خالد الجربا

العمر : بضعة اشهر منذ دخولي شبكة شمر

المدينة : مضايف شمر

الوظيفة : عضو محترف في شبكة شمر

موقعك في الحياة :www. shammar.org

مكان الميلاد : شبكة شمر

الهوايات : كتابة الشعر ، الخواطر ، المشاركة في المواضيع الجادة وهناك غيرها...بعدين

شئ تمنيته وللأسف ما حققته : لكن ان شاء الله سوف يتحقق

اشاء حققتها في حاتك : فوق 300 مشاركة

اي شئ تبي تقوله : ما كل ما يتمنى المرء يدركه

***************.................تجري الرياح بما لاتشتهي السفن

اخوكم

**ابو يزيد** · 15-11-2001 18:33

ألأخ/موج البحر

كل عام وانت بخير

والشهر مبارك

وتشكر على هالفكرة

وانا من زمان انتظر التعارف بين

اعضاء شبكة شمر وجها لوجه

على كل(ن) تشكر على الفكرة ولنبدأ:

الأسم:
انا من أهل الضلع الطويل البين***اللي على كل الجبال منيف

حيد(ن)به قبلنا حاتم الصخا***من خلقته للغانمين شريف

العمر:

نعد الليالي والليالي تعدنا***والعمر يفنى والليالي بزايد

قولوا لبيت الفقر لايامن الغن***وبيت الغنا لايامن الفقر عايد

المدينة:
تقع :
قبلي خشم انطاق لاطقه الحيا***شمال(ن)عن العد الهماج احدور

شي تمنيته وللأسف ماحققته 0

(اقولها لك كلمة راس) والسبب :

كم واحد(ن)له غاية ماهرجها***يكنها لوهو للأدنين محتاج

يخاف من عوجا طوال عوجها***هرجة قفى يركض بها كل هراج

يقضب عليك المخطية من حججها***حلو(ن)نباه وقلبه اسود من الصاج

موقعك في الحياة:
موقعي في الحياة ياطويل العمر:

عن طلحة الجودي مواقيم روحه***وعنها شمال(ن)للنسور مغيب

عنها مهب اليف رجعة وفيضة***وحراوي كان الدليل نجيب

خيار الدلايل طلحة(ن)فوق جالها***((خيمة شريف)) في مراح عزيب

وظيفتك:

وظيفتي ياالحبيب :

أما انت لو تمشي على الرجل صعلوك***أطيب من اللي تلتجي له ويجفاك

واليا جفوك اهل(( الوظيفه ))وعافوك***خفت موازينك وكلن تهقواك

كنك اسراج(ن)باوسط الحوش شبوك***واليا انقضى اللازم حدا الربع طفاك

مكان الميلاد:

((تحت سدرة))

رماني زماني وابتلاني وقطني***((تحت سدرتن ))فيها للحمام ربيب

أراهن اليا صاحن وناحن وغردن***غدا القلبمن نوح الحمام كئيب

الهوايات:

1-((شوف الطيبين شرواك))

لذاذة الدنيا معاميل وفراش ***وصينية(ن)يركض بها العبد مسعود
…………………………………………………..
2-((الغزو))

غزيت انا (ياموج) بهلال عاشور***واول صفر والتوم كله تمامي

تسعين ليلة فوقهن تقل ناطور***جانا الشتى ماشفت زاهي الوشامي

كم فاطرن من ونيها تزعج الكور***تقطع مضاريس الرسن والخطامي

اليوم دوك ذراعها يشذب الزور***مع دربنا يوم ارمسن العلامي

لعيون من تزهى الملابيس وخصور***ابو رموشن مثل ريش النعامي

شي اتمنه ولا حققته:

لو ابتمنى قلت ابي كبد عكوم***اللي تحدر كل لين وقاسي

ولو ابتمنى قلت ابي راس (حلقوم )***بالليل!!والا بالنهار ابي راسي

أي شيء بودي أقوله:

اكيد ياخوي موج البحر

حنا بودنا يكون هناك تعارف على الطبيعة

وهذا ضروري واعتبرها هامة جدا وتقع

المسؤولية من وجهة نظري على المشرف

shammar .netولكن الى الآن ونحن ننتظر وابديت للجميع

راي في منتدى المقترحات ولا شفت تفاعل مع الطرح

اخيرا تشكر على هذا الموضوع وحبيت اشارك على

حسب رغبتي .
r
أخيرا

تقبل تحياتي

أخوك

أبو يزيد