بسم الله الرحمن الرحيم
ايها الاحبه00
لااريدان اطيل عليكم مقدمتي هذه فهي ليست الا قصيدة فخر واعتزاز00
وقد اطلق عليها مسمى <<الشمريه <
الكثير من امراء شمر وشيوخها00
اتمنى ان تستفيد منها الاجيال القادمه وبعض من الجيل الحالي الذين لا يعرفون اكثر هذه الالقاب والمناخي 00
مع تحياتي واحترامي للجميع وارجو المعذره عن التقصير00
اخوكم : علي الغشم
[poet font="Simplified Arabic,14,black,normal,normal" bkcolor="" bkimage="http://www.shammar.org/vb//backgrounds/17.gif" border="double,4,gray" type=0 line=200% align=center use=ex char="" num="0,black"]
<<<<<<<<<<<<<<<< الشمريه >>>>>>>>>>>>>>>>>
دنيا غريبه زاد منها كدرنا= وزاد العنا من وقتنا وبعض الاسباب
والله يالولا المرجله ما صبرنا= ولا يحتمل وقتن محمل بالاتعاب
ومع كل هذا بفعلنا ما قصرنا= نفعل اليامن الردي بالردى خاب
ومن باسنا بانظارنا ما نحدرنا= لو سكرت بوجيهنا كل الابواب
حنا هلن للطايله من ضهرنا= وشموخنا عانق طويلات الاهضاب
ولاهو غريبن فعلنا لا هدرنا= عدونا نسقيه مرن وتيزاب
ماهو جديدن من قديمن خبرنا= قبيلتن مشهود له عند الاجناب
شمر هلي لو صار قاسي دهرنا= يا قونا عند المصايب والاصعاب
حنا الطنايا اسمنا من سطرنا= وياما خذينا من جميلات الالقاب
وحنا هل الحرشا كبيرن فخرنا= ساس المراجل والزعامه لنا اركاب
وحنا اليامن قيل زوبع قدرنا= بعون الاله لفك صعبات الانشاب
وحنا سناعيسن طوالن اشبرنا= ردينا لمواجه الضد ما هاب
وحنا الضياغم للمعادي قهرنا= تشهد لنا صولاتن يوم الاكراب
وحنا يمن في كل عزن كبرنا= لا ثارت الهيجا مطانيخ وانجاب
وحنا الصفران لكل ندن كسرنا= بفعالنا تفخر شبابن وشياب
وحنا هل الحيسه بعيدن نظرنا= ماننحني لوتنحني كل الارقاب
وحنا لمنهو صاح صبحي جبرنا= كلن بحق المنتخي صار طلاب
وحنا اليامن قيل غلبا حضرنا= الكل منا لغالي الروح جلاب
وحنا السيافا بالمعالي شهرنا= من دوننا تقصر زحازيح واشناب
وحنا سودان الروس محدن جبرنا= وزهيد ما نرضى الهزيمه لنا باب
وحنا بزينين المحازم ضفرنا= عند اللزم للملتجي درع وحجاب
وحنا العصاة لكل عايل دحرنا= تاريخنا ما هو تزاوير بكتاب
وحنا هل العصلا وسيعن بحرنا= واليا زعلنا امواجنا سيوف وحراب
وحنا مساعيدن اليامن ذكرنا= صغيرنا للطيب والمجد كساب
وحنا بغافل لانتخينا عبرنا= في كل ميدانن لنا كسب الاطياب
وحنا بالازمل لانتخينا جهرنا= بوجه العدو عوقن وعزن للاصحاب
وحنا هل الجدعا اليامن جسرنا= خصيمنا دايم محطم ومنصاب
وحنا هل البلها قوين ضهرنا= بزوماتنا عدونا دوم مرتاب
وحنا الحجلان بفعلنا ما صغرنا= ما ننثني لا صار للحرب شباب
وحنا اكبار الصحون ياللي تخبرنا= وساع الطعون صوابنا ماله اطباب
وحنا لفعل ايماننا ما حصرنا= ومهما تعد امجادنا ماله حساب
حنا ابطالن بالمراجل تجرنا= وتاريخنا عن قمة المجد ما غاب
لا زغردن بيض العماهيج سرنا= للموت نمشي وعزنا فوق الاشهاب
كم شيخ قومن بالمعارك صقرنا= عركاتنا يفرح بها الذيب وعقاب
وكمن رعيلن تاه عرضه سترنا= في ظلنا عاشو عزيزين واحباب
للجار ظل وعز منهو خطرنا= افعالنا ما ينكره نزه الانساب
هذا وحنا لغيرنا ما حقرنا= نعمين بالاجواد من كل الاطناب
<<<<<<<<<<<<<<< علي الغشم >>>>>>>>>>>>>>
[/poet]
رد مع اقتباس
المفضلات