لتكبير الخط أضغط على (ctrl) وأثناء ضغطك له فر المكرة اللي بالفارة الى أسفل يكبر الخط والى أعلى يصغر الخط.
مرتن من المرارير مبطي يوم انا جذع اكا لسنة كانت عام 1391 هــ سنة أضناتي بالضبط أسمع الناس يقولون فلان غزى وجاب بعارين وفلان مات وفلان نفع ربعوه وجماعته وفلان أنحاش وهفى مايدرون وينه الى هالحين قلت عزالله أني أبغزي وانا الي آخذ ا لبارود نوع (كبسون) وآخذ الملح وأملالي كيس حصو وكيس ثاني دمن بعارين أكرمكم الله.
قلت أنا أبغزي مثل هالناس ا للي يغزون.
وأنا أغزي ((شوفوا الغبى الرمل ميل الأرض والدمن بكل طلحة) حاطهم بجيبي... المهم مشيت كان وقتها العصر وأمشي وأمشي وأمشي وأنا أطلع بلي راس حزم وأمد الدربيل وأشوف مجموعة بعارين قلت قام حظك يابو مشاري وأنطلز يم هالبعارين يومني قربت وألقاء ناس شابين النار وجالسين حوله... اللي يعقلون البعاري واللي يحلب واللي شاب النار واللي يجمع الحطب حول الغروب. وأنا أضيفهم وأتعرف عليهم قلت منهو صاحب البعارين وهو ينط أكالواحد فرحان ان عنده بعارين قال لي أنا أبو غازي وولدي الغازي هذا.والريم هذي اللي تحلب البعارين والخيال اللي يعلفهن ويحط الشملات اللي على ديودهن...((((صح والا أنا غلط بأسمهن..))))
قال حياك الله ياضيفنا من أنت قلت أنا أبو مشاي وغزاي أبغزي مثل اللي يغزون وهو يقوم أبو غازي ويصلح لي أكالجمرية اللي على كيفك وهو يطلسه بكالزبدة اللي له شهر معه.ذايبه وصاير به ريحه من الاحتفاظ به حاطه بله طاسه ورابطه بله لستك على شان ماتنكب.المهم عشاني أبو غازي .وشوف لي بنت جايه قلت هذي وشي يابو غازي قال هاذي ريم شمر.قلت معك تشتغل قال ايه هذاي تلقط دمن البعاري بخياش وأبيعهن.
المهم جاء تقريبا بعد صلاة الآخير قلت يابو غازي أنا أبنام تعبان قال نم أرتاح بعد هالجمرية اللي عشيتك....مبسوط مقلطني على هالمفطح عاد... تخدرت ماذقت شي ذابحن الجوع كان وقتها برد موت وهو يطش علي لي فروة مقطنه مليانه قمل قلت يا زينه ياحلو الدفى المهم سويت نفسي أني نيم ويوم ناموا كلهم وأنا اللي أدلقم الفروه سني أنا نيم وأقوم وأنحاش وأمر أطرف البعارين وأقول به بلي حسيب وهو يرغي شوي وأنا أشوته بالعسيب وهو يكبع ويحط رجله وأحط رجلي وراه خرمس ماتشوف شي أركض ورى ركضه وأنحاش واحط رجلي وأنصاب بلي حيف قطع رجلي وعجزت لأمشي .المهم وأنام لي شوي ويوم طلعت القمراء وأقص أثره وراه وراه وراه وراه لين طلعت ألشمس وأركض والقاه بارك بله شغيه المهم وأنجضع عنده لي شوي أرتاح وأطالعله الاهو كمختن مايسوى ولا شي ومع هذا عور مايشوف الا بعين وحده.
قلت وش هالغزوه يابو مشاري .هذي أوله ياخسارة المهم تندمت وطفشت وضاق صدري وانام وآخذ لي غطه وأسمع لي قرشة واقوم الا أكالولد الآشهب اللي يخرع شكله جاي يمي قالي أنت من أنت قلت أنا ابو مشاري قال الجمل للبيع أبيه فحل لبعاريني قلت لا هو راس مالي ماعندي غيره .
المهم ويقعد هالولد يسولف علي ويقص قصص ويفليني قلت أنت وش أسمك قال الفاضي ويدلك رجليي وخدمات على كيفك وأنا اللي تقل أرتحت عقب هالتعب قلتله الله يجزاك خير وش عندك قال انا غزاي أدور رزقي. المهم يسولف علي ويحك راسي ويفليني .تعرفون التعب أقشر وأنا بدون شعور نمت ورحت بسابع نومة .واقوم بعد صلاة العصر الاماهو حولي لا جمل ولا شي . سرقه الفاضي .
فأطالب أي شخص من لديه أي معلومات عن جملي الأعور اللي سرقته من أبو غازي يخبرني بذالك وله ساكتون هوائية هدية.
جملي يالربع.... من يجيبه...و الماريه أعور هزيل أعرج
ماله سنام ولا له سنون عود مولي كمخة ..تكفون ياسنايدي بعيري وينه أفزعوا لي.راس مالي وتعبت على شان أسرقه.
ولكم كلكم هذه هالهديه مني
اممممممممممممممممممممممم اح للي يجيب قعودي...
سلملم
رد مع اقتباس
المفضلات