المدقومة وصلت ... (اتمنى تقبلوني ضيفه في المنتدى)

[المدقومه]

هلا بك والله يادايم الحر

هلا ومرحبا..اجل تقول انك اصغر احفادي؟؟

لا تسذب .. وبعدين قل امين ..الله لا يبين غلاكم <== عايشه الدور بقوه

حياك يا وليدي ومشكور على الترحيب

اصبر لاتروح..تعال بعطيك شي


*



*



*


(@@@) يالله دوك جريشات كلهه دامها حاره

[اميرة]

هلا وحياك اختي المد قومه واهنيك اولا لانك نوينتي تسجلين واخيرا توكلت نحن بنتظار جديدك

[المدقومه]

هلا وغلا والله ببنيتي العذا

والله اني فرحت ..تدرين ليش؟؟

لأن كل الي رحبو فيني طوال الشوارب والبنات مالهم حس

يالله ان تحيي بنيتي والله

تعالي


*


*


*

(@@) يالله دوتس هذا محلى


فمان الكريم وحياتس ربي

[خالد الغاشم]

الله يحسن خاتمتس ياجديدتي
ويقداتس بنظرتس
ذيولي مريصيعات ....الله مير يسلمتس ولا يخلينا منتس

[حماد]

يهلا والله باختي

((( المدقومه )))


ونحن بانتظار مشاركاتك

[ريم شمر]

هلا والله ومسهلا
الله مير يحييتس.....انتي وجريشتس وقرصانتس:D
<<<< جوعانه

بالنسبه لطلبي
ابي مطازيز :D

يالمدقومه الله لايهينتس
فيه مضيف عنتس جنوب ....
ياليت تمرين عليه
مضيف الاهداءات
انتظرك

الريم

[المدقومه]

الثلام عليكم .. معليش طقم ثنوني ضايع مالقيته

المهم يالله حي دايم الحر ..هلا بوليدي

اجل تقول ذيولي مريثيعات؟؟

اثلا هذا هو جريشي وهو مريثيعاتي وهو قريثاتي

مابقى الا هي ولد امث يبي يعلمني الاكلات وثي

اقول اها بث يالله

.. فمان الكريم ..

[المدقومه]

هلا والله بولدي حماد

هلا فيك اكثر يسلم لي عمرك

مشكور على الترحيب

فمان الكريم

[المدقومه]

واخيرا..هلا وغلا ومراحب مراحب ببنيتي ريم

يالله ان تحييها

ايه تو ماينور المتسان ..بيض الله وجيهكن

اجل تبين مطازيز ؟!

اقول ياقرتس من اولها تسذا

مير يالله هالمره عشانتس بس بسويلتس مطازيزات

وعقبه "نو" مجاملات <==كشخه

ياهلا والله ومثهلا

يالله تعالي خذي


*


*


*


*


(oooooo) دوتس المطازيز لا عاده الله من يوم <==تحذرب وهي تسويها من الزعل

لااااا امزح والله الا هني وعافيه ويتحدر ولا يتكدر

حيااااااااااااااااااااااتس ربي

[إغـــتراب]

ياهلا وغلا باختنا المدقومه
منوره المضياف ياهلا فيكي بين اهلك وناسك.
يسعدنا انضمامك معنا وانشاء الله نشوف مشاركاتك.
تحياتي لكي اختك إغتراب