قصيدة متواضعة أهديها للشيخ / سالم بن علي بن صبيح المري .
وفاءً مني له بعد ما فك عقدة الوظيفة إللي عانيت منها ثمان سنوات .
[poet font="Simplified Arabic,14,white,normal,normal" bkcolor="" bkimage="" border="double,4,gray" type=2 line=200% align=center use=sp char="" num="0,black"]
(( بن صبيح ))
شفت وقفة (بن سعود) وفزعته لـ (آل الصباح) ؟ = بعدها ماجات فزعه مثل فزعة (بن صبيح)
مزبن إللي مال حظه .. مال ! .. لابالله طاح = دق صدره وأرتكاله جعل حظه مايطيح
بلّغ إللي لانخيته قالك : مالي صلاح = علّمه عن فعل (سالم) ثم خلّه يستريح
كنت مثل القدس جالس أحتري طلّة (صلاح) = وكان لي همٍ يهودي في عروقي يستبيح
كنت أنادي (ياصلاح الدين .. وإلا يافلاح) = مايهم .. إللي يهم شلون هالغمّه تزيح
ومد لي (سالم) يمينه وأنقلب ليلي صباح = زمّ حملي يوم .. حملي كان مجروح وطريح
شفت من علمه سمين .. وشفت من صدره براح = شفت من كفّه كريم .. وشفت من فعله فليح
لو تصفحت المعاجم وإلا (مختار الصحاح) = ماوفيته بعض حقه من ثناء ومن مديح
والرجل لو ماظهر طيبه على العالم وفاح = طيب مثله في قريح .. ومدح مثله في قريح
شفت من حزّم يمينه بالعلوم وبالسلاح = بس ما قد شفت يمنى مثل يمنى (بن صبيح) !
وسلامتكم
[/poet]
رد مع اقتباس
المفضلات