اللي زعل من خاطره لاترضاه***لاصار ماسويت شين يغيضه

[ابو يزيد]

أحبتي واخوتي في المنتدى كم انا معجب بهذه

القصيدة وهي للشاعر يوسف المزيني وهو يصف

بها الرجال الطيبين والغير ذلك فأليكم القصيدة:

ياضاق درب(ن)فيك وشلك بممشاه****جنب طريقه والفيافي عريضة

درب(ن)يوريك المذلة بلياه****شمس الخيار ولا ظلال الفريضة

الحر ياما ابرق الريش قزاه****عاف الديار وعاف عشه وبيضه

والناس كل(ن)يجذبه ساس مجناه****مثل الشجر لامن تجدد بريضه

رجل(ن)اليا زلت بك الرجل تنصاه****حبل الناة اللي بتوته عريضه

ورجل اليا قلت محايلك تلقاه****عزك يعزه وانكسارك يغيضه

ورجل بساعات الرخا جاه ووجاه****لاكن بوقت الضيق ماتستعيضه

مثل الغدير اللي حفظ ماه بشتاه ****واهلك وروده في لواهيب قيضه

اللي زعل من خاطره لاترضاه ****ياصار ماسويت شي(ن)يغيضه

والعفن لاتندم على شان فرقاه ****ترى الردي فرقاه ماهي غميضه

مادام رزق العبد بيدين مولاه****وش حاجته باهل النفوس المريضه

وسلامتكم
وارجو ان يكون اعجبكم اختياري

ملاحظة:
(شمس الخيار ولا ظلال الفريضه :يعني انالرجل

الشهم يفضل الجلوس بالشمس باختياره ولا يفضل

ان يوضع في الظل بعد ان يهان)




اخوكم/ابو يزيد

[جواهر]

ابو يزيد

مساك الله بالخير والله ذوق لايعلى عليه

درب(ن)يوريك المذلة بلياه****شمس الخيار ولا ظلال الفريضة

.


.

.
اللي زعل من خاطره لاترضاه ****ياصار ماسويت شي(ن)يغيضه

والعفن لاتندم على شان فرقاه ****ترى الردي فرقاه ماهي غميضه



ولا اروع من هالابيات


صح لسان قايلها وتسلم يمينك يابو يزيد



تحياتي .

[الاديب]

بسم الله الرحمن الرحيم

الاحظ انك مبدع ولاتختار لنا الا القصص والقصيد الطيب

موفق

لااقدر ان اعلق اكثر من ذلك لانك ماتحتاج شهادتي
فهي مجروحه فيك

هذا والله يحفظ الجميع

[محمد الشرهاااان]

الاخ المبدع المتميز الرائع

ابو يزيد

مساك الله بالخير

بصراحه انك ماقضرت بهالقصيده

قصيده اكثر من رائعه
صح لسان قايلها

ويسلم من جابها لنا

ـــــــــــــــــ
وش يزعل الناس مني يوم حبيتك
وشدخل اهل الشماته بينك وبيني

[ابو يزيد]

الأخت/عبرة^^الغالي
الله يمسيك بالخير والنور
تسلمين والله على هالثناء
خاصة وانك اول من عقب
واعجب بالقصيدة وزين اني
ماحطيت لي عنوان لها كان في
بالي وهو ((ممنوع دخول النساء))
علشان كل القصيدة او معظمها يتكلم
عن الرجال وشكلك قريتي تفكيري
ورديتي علي مرد مسكت لكن مشكوره
اختي وعسى الله يحفظك .

تحياتي
اخوكي/ابو يزيد

[ابو حسناء]

ابو يزيد

قمة قمة قمة الروووووووووووووووعه

والله حلوه جزاك الله خير على حسن الأختيار

القصيده حلو بمجاميعها لم استطع اختيار بيت عن الثاني

اخي

استسمحك ترى ابي انشرها في المنتديات

[ابو يزيد]

الأخ/الأديب

الله يمسيك بالخير

والعافية والصحة

تسلم ياأخي على هالمدح

وانا الاحظ انك حتى في تعقيبك

انك فعلا اديب على اسمك

وتقول لي((الاحظ انك مبدع ولا تختار

لنا الا القصص والقصيد الطيب))

وانا اقول انك انت اطيب وكلك ذوق بدون مجامله

وانا اللي كسبان قاريء لما اكتب مثلك

واشكرك على متابعتك لكتاباتي

وتقول لي(( ان شهادتك مجروحه في ))

ولكن يعلم الله اني اعتز بشهادتكوعلى راسي كل كلامك

وتراك شرفتني بكل ماكتبت ولا تخليني من رايك في القادم من الكتابات

وفي الأخير لك مني عظيم الشكر

وعسى الله يحفظ الجميع

وتقبل تحياتي
اخوك/ابو يزيد

[ابو يزيد]

الأخ/محمد الشرهاااان

مساء الخير والنور

يامرحبا باخوي محمد

وتراك سريتني وشرفتني

بتعقبك لا وبعد رفعت راسي

وتقول لي((المبدع المتميز الرائع))

ماتلاحظ انهن يخبن علي يابو شرهان

لكن مادامهن جن منك تراني من هالحين

حاطهن وسام شرف على صدري وبيض

الله وجهك على كل ماعقبت علي فيه.


اخيرا

تقبل تحيات

اخوك/ابو يزيد

[ابو يزيد]

الأخ/أبو حسناء

مساء الخير والنور

هلا والله ومرحبا

بابو حسناء وزين بعد ان

القصيدة أعجبتك وهذا من ذوقك

وأنت تستأذني في نشرها وأنا

أقول ياطويل العمر خذ راحتك

لكن أرجو الإشارة إلى أن قائل القصيدة هو

((يوسف المزيني من مدينة الكهفة بمنطقة حائل))

وكذلك الإشارة الى انها(( برواية الشاعر/فلاح بن شايش الشمري))

وذلك حفظا للحقوق وهذا هو رجائي فقط لأني

أخطأت عندما لم اشر للثنين .

واخيرا لك خالص الشكر

على ثنائك على اختياري

وارجو الا تحرمني من وجهة

نظرك في المشاركات القادمه

وتقبل تحيات

اخوك/ابو يزيد

[[رمح الشمال]]

ابويزيد
الله لايهينك يالغالي
قصيده حكم
لكن شاعرها من هو بالضبط
وين هو عايش ودنا بالمزيد من قصايده
وودنا نتعرف على شخصيته
وشكر لك