يشرفني ان انقل لكم هذه القصيده
لشاعر من شعراء هذه الشبكه الرائعين
لا نها اعجبتني جدا
[c]
[FL=http://salfah13.jeeran.com/كحيلان.swf] width = 400 height = 200 [/FL]
[/c]
[poet font="MS Sans Serif,18,white,normal,normal" bkcolor="" bkimage="" border="double,4,gray" type=1 line=200% align=center use=sp char="" num="0,black"]
كحيلان
لبيه قال ولعنبو حي لبيه = جلسة طرب لبيه عودٍ وطيران
كنه يمولها وكنه يغنيه = لادندن اللبيه فزيت طربان
دوري يما فاصول فاصول لاسيه = وش ليل دانه عند لبيه يادان
قرب تسوقه غصب يمي خطاويه = كنه ملاك بذمتي ماهو انسان
لامن درج متقاربه حيل رجليه = كنه قطاة تغث بالمشي غزلان
من سوء ظني لارفع بيض اياديه = ياقبلة الله كن اياديه جنحان
في ذمتي لاشفت منهو حواليه = انسان مثله لكن الفرق شتان
اطرق غنج مبروم ملهوف وجنيه = اتلع دلع مكحول مسدول فتان
بندق عيونه صايدٍ من يراعيه = مجنون لافرع وبالبرقع جنان
تشهر رماحه لافتح كل عينيه = واليارمش ضموا بعضهم بالاحضان
لاقلت فيصل قال ربي يخليه = ولاقلت احبك قال اناجيك ولهان
وانجن ليامن جابوا اسمك وطاريه = وانته عناوين الهقاوي والاوطان
والله احبك حب ماظنتي فيه = منهو يحبك كثري انسٍ ولاجان
حتي قصيدك لاقريته وابنهيه = ارجع اعيده واقضي الليل سهران
وانهيه ثم ارجع واعيده واسريه = واسامر بيوتك ليا الصبح خلان
واذكر كلامك واضحك ان قلت لي هيه = يازين هيه ان قلتها وانت زعلان
شاعر وعاجبني واحبه واداريه = يلعن قصيده لاتملعن بالاوزان
قرمٍ شمالي ماتمايل هقاويه = لاميل عقاله لعب كل شيطان
به تفتخر شمر ويفخر بناخيه = فارس قصيد وللميادين فرسان
انا اشهد ان الله من الطيب معطيه = وبكل بساطه ( فيصل انته كحيلان )
هذا بعد عمري وهذي مواريه = وش لي بغيره والزمن جمل وزان
وش ليلةٍ ياشهريار ولياليه = راح المباح ولابقى كان ماكان
اشتقت له00 صوت له 00 قال لبيه = وش جاب دانه عند لبيه يادان
فيصل اللويش
[/poet]
رد مع اقتباس
المفضلات