[poet font="Simplified Arabic,12,coral,normal,normal" bkcolor="black" bkimage="" border="double,4,gray" type=2 line=200% align=center use=sp char="" num="0,black"]
السلام عليكم
نكبة.حزيران1967
تحطيم هتلر حطّم احلام الالمان=وانتي سبب تحطيم غاية كياني
ودكّ اليهود اسنين في ضرب لبنان=وانتي تدكّي خافقي بالثواني
والحان نجوى يوم غنّت باالالحان=سوالفك احسّها كاالاغاني
وايمان هايل انتهت راحت ايمان=وفي بسمتك ذكرت انا ايمان ثاني
وجمال زينب صار كذبٍ وبهتان=ونوال وديانا اضف مشعلاني
من عصر قيس ابن الملوح الى الان=ما اظن مثلك بالبنات الغواني
جيت اتفّرع قدك اثريه بستان=بين الخزامى والنفل قحوياني
ودخلت ليلٍ واحسبه ليل الاحزان=اثريه شعرٍٍ قبل اشوفه كساني
طلعت من ليلي وانا حيل ولهان=وقفت لحظه شفت انا الموت جاني
شفت العيون السود والطرف نعسان=ركّزت اناظر شفت رمشك خذاني
دخلت بحر بلا سفينة وربان=ضليت تايه بين شط ا(ومواني)
سحبت نفسي خايف اكون غرقان=وقفت لحظه حايرٍ في مكاني
شفت الورود اللي على صدر الاوجان=ومن تحتها لمحت ذيك الثماني
وشفت جمرتين ا(بمبسمك) رحت عطشان=ونويت لي نيه وربي هداني
انتي مواجع هم والآم واشجان=انتي امل واحلام وانتي ((اماني))
انتي عجايب في زمن غير الازمان=انتي فرح وامجاد وانتي تهاني
انتي سحايب شوق لهفة ووجدان=انتي سكنتي بالضلوع المحاني
بعدك حياتي صارت اشكال والوان=عجزت اميّز قسوتي من حناني
راحت حياتي كلها دان لا دان=ياليل دان ودان ياليل داني
ولا تزعلين ان قلت ( نكّبة حزيران)=انتي تراكِ اليوم نكبّة زماني
اما اقبلي كلك تباشير خلان=والا رجاءً فااتركيني وشاني
وابوعدك ترك القوافي والاوزان =شعري بدونك ماله ايّة معاني
امل ان تحوز على رضاكم واعجابكم ولكم مني اعزائي اوفر تحية واجل احترام
زاهي الشمري
[/poet]
المفضلات