سؤالي خاص للحريم

**ابو مشاري الشمري** · 04-12-2002 02:05

ريم شمر
الله يعطيك العافيه
وفيتي وكفيتي
بس عاد شي مأعجبني
مايعرف شي اسمه بلوووووت .....وسفريات لحاله
مسكين تعقدينه كذا بلعكس اذا انبسط يسعدك
مشكره أختي

**فوفو** · 04-12-2002 16:28

[c]

امممممممممممممممممم

اخوي ابو مشاري
كأنك تقول يابنات انثبرن ببيوتكن

شخص غني مره (ملياردير) بس بخيل مره

وفلوسه وش استفيد منه دامه صاكه على قليبه

عووووووذا ياربي لاتبلانا

وشخص فقير(مفلس) ولكنه كريم

ياحليله شكله طيوووب وحليل بس على قولتك مفلس!!!!
والصراحة ماينفع لي:D

وشخص وسيم بس شكاك ونذل وحقود

ياااربي وهذولي وشلون نعرف عنهم شكاكين وفيهم نذاله وحقد
بس الظاهر اذا اهلوه طيبين وحبوبين هو كمان طيب:confused:

وشخص أقل من المقبول شكله ولكنه بشوش وخلوق
هذا الظاهر ازينهم :D بس مادري وشلون اقل من المقبول !!!!!
يعني مرررره شيفه؟؟!!
يخوف؟؟!!
يخرع؟؟!!
ياااااااااربي

وشخص طويل القامه لكنه أعرج وخبل

خبل ؟؟؟؟!!!
الله يصلحك قالولك خبول

وشخص قصير ودبيب لكن أخلاقه عاليه ولا يعصب
يقولون الأخلاق اهم من كل شي

ابي فارس يسافر بي على متن السهر والنور ..
يذوبنــي على صدره كما شمس تبي لقيـــــــاه..
وابي شاعر يصورني ويكتبني سمـــــا وبحور..
يقول الشعر بعيونــه وبعيون الشعر اقــــراه..
وابي عابـد يخاف اللي نحج لبيته المعمـور ..
الى منه عصى ربـه..سجد باكي على رجــــــواه..
وابي عاشق يعاهدني عهود الوافــي المأسور..
يـدورس النـــأر لرموشي ولا يرضى أقـــول الآه..
وابي طاهر مثل غيث السحـاب العالي المغرور..
عفيـف النفس والنظــره وحبـه مـالك دنيـــاه..
وابي قـلب حنــون ماتقصـر نبضتـه بشعور..
يـتوج حبنـا العذري بتــاج روعتــه تـزهــاه..
وحيـدي شوقي الاجمـل ..حــلالك دمي مهدور ..
تبـي تنشيـه او تـروي زهـور ذابلـة من مــاه..
اميري ..وينها ارضـك ابوصل قصرك المسحور ..
ابي موتــي علـى صـدرك اضيـع برجفتـه ودفـاه..
كـبير الحلم في نفسي وروحي والحلم معذور..
مجرد حلم داعبني .. تــراي من الصغر ويـــاه..
وانا ادري بها الدنيا شباب يعشقون الجور ..
قليـل اللي نـلاقيــهم هواهم صــــافي معناه ..
حبيبي يالمحـال اللي ابيه ولا لقيت النور..
شعـــور غامض بنفسي احســــــــك جالس تقراه..
احس انك بتتحقق ..واحس ان الزمـن بيدور ..
واحس ان الحلم باقـي ..واحس اني قريب بالقاه

وسلامتكم

[/c]

**ريم شمر** · 05-12-2002 04:43

اجل ماعجبك الشرط يابو مشاري

يعني مايقدر ينبسط الا بالبلووت والسفر

فيه اشياء كثيره ممكن تبسطه

وانا اقولك ليش حددت الاشياء هذي

البلووت مضيعه للوقت وادمان على شي غير مفيد
ويسحب الرجال من بيته وعائلته ....وهذا شئ شايفينه ...
ومايقدر احد ينكره ......

والسفر مافيه مشكله اذا كان مع صحبه طيبه ولسبب معقول
او مع عائلته ..لكن بالله عليك وبامانه الرجال اللي يسافر لحاله

او مع شله (........) ولبلد مشبوه ....وش ترجي منه

شخص مثل هذا هل تاتمنه على بنتك او اختك ....

لاتقولي يروح يوسع صدره .....

فيه اماكن وطرق كثيره ممكن ينبسط فيها غير

السفريات المشبوهه ....وترى بنات هالوقت خلاص

عرفن ان الانسان راعي السفر والروحه والجيه

مامن وراه رجا ........

وطبعا هذا مايعني ان كل من سافر سئ
لا بالعكس كثير يسافر ويروح ويجي بس يكون واضح وصريح
ومعروف من يروح معه والاماكن اللي يروح لها ....

تشكراتي ابو مشاري

فوفو

قصيده روووووووووعه

تسلمين

الريم

**ابو مشاري الشمري** · 05-12-2002 20:44

فوفو
مافصرتي اختي
ومشكوره على هالعليمات
وتعلقك طيب
ونتمنى ان يستفيدون منه اللي مقبلين على الزواج

**ابو مشاري الشمري** · 05-12-2002 20:50

ريم شمر
طيب وشرايك بشخص مايخرج من البيت
ينام بعد صلاة العشاء مباشره
مايعرف البلوت ولا عمره سافر
ولا عمره جلس قدام الكمبيوتر
ولا عمره كشخ بمظاهره
ولا يطيق السوق مره
أنزلي تحت
8
8
8
8
8
8
8
8
8
8
8
8
8
8
8
8
8
8
8
8
8
شـــــــــــــــــــــــــــــــــــــاي ــــــــــــــــــــــــــــــــــــــــ ــــــــــــــــب
فوق الستين عمره

**ريم شمر** · 06-12-2002 01:08

ابو مشاري

الشياب الحين اردى من الشباب

شف الكلام اللي يجمد على الشارب مثل ماتقولون :D

بنات قبل كانت الوحده فيهم تبي رجال وبس
اللي يصير سبع والاضبع ...
لكن بنات هالوقت اذا ماكان رجال وتكانه ومالي هدومه

يقعد يقشم فصفص في بيت اهله احسن له
واذا خلص الفصص يكمل السهره في استراحه يلعب بلوت
ويخلى بنات الناس للرجال اللي رجال فعلا .....مو بس كلام ...

وياكثر رجال الورق هالوقت .......يهزه الريح ...وتلعب فيه الامواج على كيفها

والا ممكن تقارن بين رجال همه البلوت واغنيه بسكال مشعلاني الجديده
ورجال همه كبييييييير وعقله اكبر ....رجال يبيع نفسه لله
يتعرض للموت في كل لحظه ولايهاب

قسم بالله اذا شفت هالابطال
حامت كبدي من اشباه الرجال اللي نص عمره نوم والباقي بلوت

الريم

**ابو مشاري الشمري** · 06-12-2002 07:22

ريم شمر
الله يعطيك الف عافيه على صراحتك ووجهة نظرك
صحيح كلامك مليان ولا فيه اي نقد
ولكن أقسم بالله ان فيه رجال ان حريمهم تسرحم وتجيبهم ويمشون بأمرها
حتى ماهو بالبيت نلاحظه برى بألاسواق(يدربي راسه وراها تقل سواق)
واذا دقت عليه جوال يتنافض ويحمر وجه ماغير نسمع( أيه ولا)
ولا أعتقد ان فيه بنت عفيفه وشريفه ترضى ان يكون زوجها بهاذا الشكل!!!!!
ولكن السيطره التامه من قبل الزوجه على الزوج غير مقبول نهائيا عند الرجال
(الله لايبلانا)
....................................
ولكن الرجّال حياته من البيت للعمل ومن العمل للبيت مايصلح أبد .....حتى الناس يتكلمون عنه يقولون الداخليه مسيطره عليه.
لابد ان يخرج وينبسط مع زملائه ولكن لاينسى حقوق زوجته واولاده يعطيهم وقت من وقته ولهم حق عليه هذا أكيد.......

هذي وجهة نظري ..................وسلامتك

**ريم شمر** · 06-12-2002 12:22

ابو مشاري
شكلي بمسكك خط الشرقيه
بنمغط في موضوعك عشر صفحات
<<<<<< ترى ماتنعطى وجه

اخوي الفاضل ابو مشاري
ومن قالك اني اتكلم عن النوعيه هذي او اطلبها
الحرمه تبي رجال مو حرمه مثلها

لكن قوة الشخصيه والمرجله مهي في السهر
والطلعات والدخلات ...ومراعاة الناس
يعني تطلع وتسهر علشان بس مايقولون عنك
حرمتك تقودك

لااااااااااااا
هذي والله المصيبه
يعني لو انت مقتنع بهالشي مافيه مشكله لكن تسوي الشئ علشان مايتكلمون عنك
يعني ماتصير مقود بيد الحرمه وتصير بيد كل من هب ودب

لا يابو مشاري
الرجال اللي واثق من نفسه يسوي بس اللي يمليه عليه دينه واخلاقه وضميره
يتعامل مع زوجته وبيته بمحبه وحرص ....ويفرض احترامه بالمحبه
مهو بالسهر والطلعات والبلوت ....مو يضيع بيته وعياله علشان
زملائه مايعلقون عليه .....الانسان الفاضي والتافه بيتكلم وبيقول مهما سويت علشان ترضيه ....لكن اذا سويت اللي يرضى ربك بس وقمت بواجبك ناحيه بيتك وعيالك
وجلست معهم اكثر مما تجلس مع شلة الانس ....هذا اللي بينفعك
وينفع عيالك .....وهذا اللي بيبقى لك .وبعدين فيه شي مهم
اللي يجيك ينتقد ويرفع خشمه ويقول انا رجال البيت وماتمشيني الحرمه على كيفها
وتلقاه 24 ساعه في الاستراحات والمقاهي ....هذا من نوعيه( ماعندك احد )
هذا اللي مايعرف المرجله وين ...هذا اللي مخلى الدرعا ترعي
نافخ صدره عند الرجال وهو من جنبها .....

طبعا اخوي مشاري انا ابدا مااقول ممنوع على الرجال يطلع ويتمشى
ويسهر مع ربعه ....وخبله اللي تقول مثل هالكلام
بالعكس اصلا جلسه الرجال في البيت 24 ساعه في البيت ضررها اكثر من نفعها على الزوجين ....لانها تسبب كثره الهواش والمشاكل
لا.... يطلع ويسافر ويتمشي ....بس يكون انسان واعي وعاقل
ويعطي عائلته حقوقها اول ..ومايقصر عليهم باي شي ...
وساعتها الله يحفظه .....
اتمنى تكون فهمت علي

الريم

**المهاة** · 06-12-2002 13:03

عيدكم مبارك جميعا .. مسيك بالخير اخوي ابو مشاري ..

في البداية أعتقد عنوان موضوعك غير دقيق <<<< ودها تفلسف معطلين من زمان ماتفلسفت على أحد ..:p

انت قلت سؤالك للحريم بعدين تسأل لوجاه رجال أيهم تختار .. أعتقد المفروض سؤالك للبنات لان الحريم توهقوا و اللي كان كان .. :p

بصراحة أخوي اللي تقولك حالته المادية مو مهمة ماعندها سالفة .. مع احترامي .. بس كمان ملياردير و بخيل بيجيب لها الجلطة لو ماعنده قلنا معذور ..

بصراحة البخل اهم عيب تكرهه المراءة في الرجل .. و صدقني الجمال و القبح هذا عملية نسبية .. مالها مقاييس محددة .. و طبعا جمال الروح يطغى غالبا مهما كان الشكل الخارجي .. و عني ما أطيق الرجال المزيون بصراحة ما أحس أنه رجال ..:o لان الجاذبية أهم و كل ماكان الرجل أبعد عن الجمال كان أكمل في الرجول .. طبعا هذا رأي شخصي غير ملزم ..

أما القصر فمثل ماتفضلوا الاخوات هذا راجع لطول البنت .. أما العرج فما أعتقد أنه عيب خصوصا أن الانسان مايضمن الاقدار و وش اللي راح يحصل بعد كذا .. فهل يعني لو خذيته سليم و صابه شي بعد الزواج بهوّن ..!!؟؟ ما أعتقد و لا راح يكون سبب ينتقص من مكانته عندي ..

بعدين من قال الطولان هبلان .. <<<<< أطول وحدة في الرياض و كلها عقل .. ايه هين .. :D

و بعد كل هالخيارات اللي طرحتها يبقى النصيب .. و الله اللي يسخر ..

بس لو الامر لي أبي اللي بقصيدة فوفو .. الا أبو مشاري ماعندك واحد سفري .. :D

ابي فارس يسافر بي على متن السهر والنور ..
يذوبنــي على صدره كما شمس تبي لقيـــــــاه..
وابي شاعر يصورني ويكتبني سمـــــا وبحور..
يقول الشعر بعيونــه وبعيون الشعر اقــــراه..
وابي عابـد يخاف اللي نحج لبيته المعمـور ..
الى منه عصى ربـه..سجد باكي على رجــــــواه..
وابي عاشق يعاهدني عهود الوافــي المأسور..
يـدورس النـــار لرموشي ولا يرضى أقـــول الآه..
وابي طاهر مثل غيث السحـاب العالي المغرور..
عفيـف النفس والنظــره وحبـه مـالك دنيـــاه..
وابي قـلب حنــون ماتقصـر نبضتـه بشعور..
يـتوج حبنـا العذري بتــاج روعتــه تـزهــاه..
وحيـدي شوقي الاجمـل ..حــلالك دمي مهدور ..
تبـي تنشيـه او تـروي زهـور ذابلـة من مــاه..
اميري ..وينها ارضـك ابوصل قصرك المسحور ..
ابي موتــي علـى صـدرك اضيـع برجفتـه ودفـاه..
كـبير الحلم في نفسي وروحي والحلم معذور..
مجرد حلم داعبني .. تــراي من الصغر ويـــاه..
وانا ادري بها الدنيا شباب يعشقون الجور ..
قليـل اللي نـلاقيــهم هواهم صــــافي معناه ..
حبيبي يالمحـال اللي ابيه ولا لقيت النور..
شعـــور غامض بنفسي احســــــــك جالس تقراه..
احس انك بتتحقق ..واحس ان الزمـن بيدور ..
واحس ان الحلم باقـي ..واحس اني قريب بالقاه

بس انا ما اعتقد القاه ..

;)

**ابو مشاري الشمري** · 06-12-2002 15:25

ريم شمر
ماقصرتي وفهمت عليك ولكن النقاش مايضر ينفع ويستفاد منه
وانا يوم أكتب هالكلام ماهو قصدي أنك تبغين واحد من هالنوع مايطلع.......
لا بكل تأكيد لا
والدشره خارج البيت بوقت طويل غير مرغوب أبد ....الرجال العاقل اللي يازن وقته ويعرف حقوقه وحقوق بيته
مشكوره أختي الريم