-
الحب هين لكـن الصعـب فرقـاه=
وشلون تنسى من فقـدة وذكرتـه
الحب شئٍ داخـل القلـب منشـاه=
الروح وسط القلب وصف اختصرته
الحـب ساعدنـي اعلمـك معنـاه=
الحب ماهو بيت شعـر ٍ سطرتـه
الحـب معنـى عالـم ٍ ماحيينـاه=
يعني حيَاه في عالـم ٍ ماحضرتـه
الحـب سهـم ٍ لاركـز ماشكينـاه=
جـرح ٍ تهليبـه ولـو ماخبرتـه
الحب ناظـر فـي حياتـك بليـاه=
ظلام ٍ اسـود دون ليـل ٍ سهرتـه
الحب ماهو فـي كتـاب ٍ قرينـاه=
والا كـلام ٍ فـي جريـده نشرتـه
الحب حب امثـال قيـس ٍ وليـلاه=
وعنتر مع عبلـه وحـب ٍعمرتـه
الحب مايتبع هوى زيـن أو جـاه=
الحـب منهـج كامـل ٍ ماختبرتـه
الحـب قصـر ٍ للخيانـه بنيـنـاه=
وبكـل سهولـه ينهـدم لانكرتـه
الحب في هذا الزمـان اختصرنـاه=
ألــو احبك..ياحياتي.واسـرتـه
-
أنا أبرحل وتركك وتناساك
وأتركك مع ناس تحسبهم يبونك
ولا تحسب إني بيوم بحن لذكراك
والله مارجع للجروح وطعونك
ولا تحسب إني ما اقدر أعيش بلياك
ولا اقدر أكمل رحله العمر بدونك
غرك نداء الحساد هذا وذاك
وهزت رياح الجفاء عالي غصونك
-
قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك
لا تنصدم من عزلتي حالي مثل : كل الولأ
عندي سبب : ما تستحق إنِّي أجيك و أوصلك؟
لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !
هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !
وتحيتي لكل عين قرأت!!!
-
أنا يعجبني الرجل الأصيل الشهم عالـي الشـان
عزيز النفس كسب الطيب عـاده مـا يخليهـا
وأحب اللي بوقت اللازمه يصهل صهيل حصـان
وتعجبنـي رجاجـيـلٍ بعـيـداتٍ هقاويـهـا
وأحب اللي ليا منه عـلا فـي جـوه الدخـان
يوردها حيـاض المـوت روحـه مـا يداريهـا
إلى منه قعد سلطان وإلى منـه ركـب شيطـان
قوي الباس عرب السـاس خيلـه مـا يعفَيهـا
وأحب اللي ستر وجهه شـراه بغالـي الأثمـان
إلى من باعو الشيمه بغالـي الـروح يشريهـا
وأحب اللي يخاف الله يجيك من العقـل رويـان
يشيـر بخيـر وأهـل الخيـر للخيـره يدليهـا
وأحب الشهم ممدوح السجايا صافـي الوجـدان
إلى من جـوه ضيفانـه علـى نفسـه يبديهـا
وأعز اللي يهلي بالضيـوف ويشعـل النيـران
وأبي قولة هلا من قلب والعشيـات مـا ابيهـا
أبي الدله وأبي الفنجال أبي الترحيب بالضيفـان
أبي جلسة نشامى راعـي المجلـس يقهويهـا
أبي لي سالفة عدله معاها مـن الشعـر قيفـان
تشدك حكمة الأجـداد يشـدك صـوت راويهـا
أبي النخوه وأبي الفزعه وأحب مجالس الشجعان
هل العادات والفزعـات نِعـم لا حـل طاريهـا
هل الشيمه هل القيمه هل المعروف والإحسـان
هل التقديـر والتأثيـر واللـي بيـض أياديهـا
وأحب اللي ليا جوه النشامـى يفتـح البيبـان
كريمٍ من قديـم الوقـت ليـا صكـت لياليهـا
أحب المرجلـه وأصحابهـا وأأأقـدر الفرسـان
بخيصٍ فـي معانيهـا قبـل لبحـث خوافيهـا
وأعرف اللي يخوض المعركه لا صار بالميـدان
يمشيهـا علـى رايـه وياخذهـا ويعطيـهـا
وأحب اللي سوالفهم ذهـب مـوزون بالميـزان
مهـو خبـلٍ يخـم السالفـة بعديـن يخطيهـا
وأحب اللي رفع نفسه وجنبه مجلـس الحقـران
حشيمٍ ما لقـى حشمـه تركهـا مـا يدانيهـا
عرف نفسه لـزم حـده ولا هايـن ولا ينهـان
إلى مـن زادت اللجـه يجنـب عـن بلاويهـا
وأحب من الرجال اللي يسمى شمعـة الديـوإن
إلا منـه تـحـدث كــل كلمـاتـه ينقيـهـا
ولا أحـب اللئيـم اللـي تصيَـد زلـةٍ بلسـان
إلـى منـه سمـع زلـة رفيقـه مـا يغطيهـا
وأحب اللي ليا سوى غلط قال العفـو غلطـان
حلاة الرجـل لا منـه جـرح روحـن يداويهآ
.
:
-
المشكله ؟ ماهيـب نفسـي وزلاّت قدمـي
وماهيب بحّة صوت أحبّه و لاعاد أسمعـه
المشكله ؟ لاجات من بين دمّـي و لحمـي
مدري من أخلّي و لا أدري من اوقّف معـه
-
مدري الى اليوم
ولا الزمان أنساك يا قلبها قلبي
مدري الى اليوم
توله على مضناك والا انتهى حبي
ياقايد الريم ذكراك ما غيبت عن خاطري ساعه
الروح لك يا ساكن الروح ... نزاعه
متى الوصل .. قول .. أبجيك وأسابق الساعه
ياللى على البال
-
\
\
يا آخوي مدري ليه لآ شفتك آرتاح ,
دايم لآ جيت : ( تبعِّد الهمْ عني ) !
تقول معك لـ ضيقة الصدر مفتآح ,
تمتصمهآ .. في بسمة ٍ منك / مني ,
\
\
-
يا طـريق الترجي ... والوله والـنـحول
والله إني مـشيـتـك... لـين حد الـثـمل
مالقيت فوصولي لغـير قــبري وصول
ولا عـرفت فـحياتي مثل عرفي الجهـل
لا تظـن المـسافر مـن يسوق الـرحول
مـن وقف دون حلمه عاجزٍ ما رحـل
وما لمخلوق منجا في الحذر والجـفول
مـا تـصيب السـهام ولا يـطـيـش الاجــل
الـلـيـالي خــوات.. مــير مـنـهـي البـتــول
والحــوادث عـشـايـر مـير ويــن الفـحـل
ليلةٍ لـك .. وليله بـالفـــرح مــا تـطــــول
ولـيـلـةٍ مـن شـهـدهــا ذب راس الــجبــل
<
>
>
ما أتفه الشعر .. كانه هالحكي اللي نقول
لا تـعـدى الــمــديـح .. ولا تـعــدى الـغـزل
إن لثمت الزهـــــور وصــــاحبتني الحقــــول
مـا هقيت ان صافـي الشهـد.. عيب النحل
ما بقى في ضلـوعي كود ريـح مـعـمـــول
وثـــوب شـاشٍ عـليه مــن النــدامـه وحــل
ألـتـفـت للـطــــريــــق ومــا عـــبر مــنــه زول
فـــي جـفــوني تـزاحم .. عبرتي والـوجــل
طـلـت يا العـمر والا قــلــعـتـك.. لا تـطـــــول
طــاولــتـنــا الـلـيــالي بالـسـهــر والــمــلـل
إن تـعـبـنـــا نـحـب .. ولا لــقــيــنــا قـبــــول
مـا تــسـر الامـــانـي .. ولا يـفيـد الـعــذل
لكن .. الله كريم .. وكل هـــمٍ يــزول
مـا على الله بعيد .. ولا جـفـاك الـمـحـل
كـل أرضٍ تشيلك .. يـا ثـقيـل الحمــول
وكل وقتٍ كريمٍ .. بالرضا والزعل
-
لآ صرت نآيمْ / جعل |[ آلأحلام فيني !
وتشوف بَ آلحلمْ [ وش كثر أنآ أغليك ] ..
-
( لَبيه لك ماهـي لـغيرٍك من النآس.$.
غــيرٍك ليامـنه دعـ‘ـى قلت له هــآآآه )
