-
..
.
المرور من على الاطلال جدا جميل
""
:
بعـض المواقـف .. ماتبـررهـا الاعــذار
لــو تعـتـذر ملـيـون مــرّه نسـيـتـك
لا.. لاترجّـى .. يـوم صـار الـذي صـار
أخطيـت فـي حقّـي .. ويكـفـي نهيـتـك
ماقلـت لـك .. لاتحـرق الجـوف بالـنـار
ماقلـت لـك .. لاتبيـع دامــي شريـتـك
خـلاص وانسـى مامضـى صـار تـذكـار
قـرّرت أبرحـل .. مـن حياتـي محيـتـك
موّل علـى فرقـاي واضـرب علـى الطـار
وارقـص علـى اطـلال سـاحـات بيـتـك
لكـن ،، تذكّـر انــي امــرار وامــرار
باحـلا المشاعـر مـن خفـوقـي عنيـتـك
يامـا علـى شـانـك تحـدّيـت الاخـطـار
ويامـا علـى شـانـك بـروحـي فديـتـك
ويامـا علـى شانـك تجـرّعـت الامــرار
ويامـا بصدقـي مــن حنـانـي سقيـتـك
وياما فرشـت الـدرب فـي وجهـك ازهـار
يامـا ،، ويامـا ،، مـن عيـونـي عطيـتـك
واليوم .. مدري !! كيف ؟ وشلون ؟ وشصار ؟
خيّبـت ظنّـي فيـك .. وشفـنـي نسيـتـك
الراسي .. بشير اللويش
-
..
.
القلب ماهو بعلا كيفك
لا صرت فاضي تناديله
إن كان فكرك على سيـِفك
فكري انا با العويقيله
...
..
العويقيله ... مدينة لها ذكريات جميله
تقع بين مدينتي رفحاء وعرعر / الحدود الشماليه
الراسي
-
...
..
الشعر // للي يفهم الشعر مرسال
لا ضاقت الحيلات بين الخلايق
مرات احس اني مع الشعر خيّال
ومرات احس اني مع الشعر ضايق
الراسي
-
،،
،
الصدفه اللي جمعتنا جميله
واجمل مراحل عشتها في حياتي
الصبح ... لا شتـّت ظلام الجديله
وشعاد باقي يا مراحل شتاتي ؟
الراسي
-
،،،
،،
العشق ما هو بلعب وهبال
يا اهل القلوب الشقاويه
كم عاشق ٍ صايبه ولوال
في وجهه بيـّن مواريه
من وين ما حاول واحتال
ما من سلام ٍ .. وماويه
الراسي
-
،،،
،،
محتاج لك يا صاحبي وين الآقيك ؟
ودّي افضفض لك عن هموم صدري
الراسي
-
""
"
خذني معك لا تخلـّي صاحبك وحده
تفرح معادينه // وتفرح معادينك
بعدك بلا قلبه وقربك معه سعده
خلـّه أساسي بقلبك من مضامينك
الراسي
-
،،
،
يا آنسة وإن كان ودّك تروحين
روحي فمان الله بس إذكريني
لا سالت الدمعه على محجر العين
تذكري ما صار بينك وبيني
شيّمة حبك لا تجيه الرديين
متعلـّيه ما بين قلبي وعيني
الراسي
-
...
..
راح العمر يابعد عمري
وآنا اتحرى اتصالاتك
الراسي
-
...
..
الشمري لامن فعل تبقى فعوله والزمن
يشهد على فعل ٍ شهر بين القبايل كلـّها
تشهد لنا كل المواقف والمعارك والفتن
قبل الحضاره والدول // لاتبتلينا بغـلـّها
الراسي
