"حفنـ ـة همـ ـووووم"..!

خلوه يلعب بي.. على كيفه..
................ ما دام انا راضي.. وهو راضي..!

يا ناس.. لو يطعنّي بسيفه..
................ راضي.. ولاني منه.. متقاضي..!

يا بدر يفدونك.. من قلوبهم سوود
ناسٍ.. تبّسم لك.. وهم يكرهونك !!

يا جعلهم للدود.. في داخل العود..
و ترتاح منهم.. ما تراهم.. عيونك !!

هذا الهلال.. وهل.. حيّه.. و حيّه
يا مرحبا يابو الفضايل.. و الاحسان

في جيّتك.. اهنّي الشمريه
واهني الاصحاب.. حضرٍ و بدوان

من يلومن في غرامك.. يالرياض !!
.................... وانتي اللي وسط احضانك ربيت !!

طاهره، كاسيك ربّي.. بالبياض !!
.................... زاخره، لك في ربوع المجد صيت !!

للمطر.. يا ديرتي.. ليين الفياض
.................... تصرخ من الغيث.. وتقول ارتوييت !!

علمتني.. أؤمن بأن الحب.. "سامي" !!
وأوّل أنا.. في كل كتب الحب.. كافر !!!

ابشري بالستر يا بنت الطنايا
دونك اللي يتّموا بيض البناتي

ياردون الموت وحياض المنايا
ودون عزتهم، يعافون الحياتي

يالله، يا رب السما، يا غافر الذنب
يا حي، يا قيوم، يا رب الاراضي

تغفر ذنوب اللي ما أمرح له على جنب
و مؤمن بما قدّرت يا ربّي وراضي..

اي والله انّي أحبك يالرياض
............ ازعل على شانك، واحزن عليك

واليوم، يومه نزل دمعك، وفاض
............ لوّك بشر، كان بالحضن احتويك !!