-
افيه :)
<< تقل منجوش
انا يوم الله فكن من امس
مابي بلا
قسم بالله اني قلت قااالش قااالش لا محاله
وش منووووه ؟ حلوه وش منوه يالحبيب
من والله شين جرالي
امس كان يوم الفهاوه العالمي الظاهر :)
يالربع قسم بالله اوجعتن تسبدي
رحت للبنك ابي اجدد الصرافه علشان اسحب
حلوووو
يوم جيت البنك قالي اعطني بطاقة الاحوال
قلت حلووو
وادوره
ادوره
ادوره
مالقيته
مدري وين ولت
قلت معي كرت العياله
قال ما ينفع
قلت معي جواز
قال ما ينفع
قلت معي رخصه
قال ما ينفع
قلت معي رضمتن تدق وجهك يا حيوان
ليش ما تنفع
وانا اطلع
قلت بسيييطه ابروح اسوي تحويل عن طريق الهاتف المصرفي لحساب خويي ( عبدالعزيز ) واسحب بصرافته
واتصل على الهاتف المصرفي ولا يمسك
واتصل ويمسك بس اذا قالي ادخل رقم العميل ما يضبط معي
قلت ممكن لان جوالي لمس ما ينفع
قلت لخويي عطني جوالك ابو ازرار
وهو يعطيني جواله ويروح عنده شغل ويبي يجي
وانا ادخل شريحتي بجواله
ويطلع لي رمز القفل
وانا ارجع شريحتي بجوالي واتصل عليه
قلت كم رمز القفل حق شاشة جوالك << دلخ
قال 08521 او 08523 او 08522
الوكاد ان الرجال مهو متأكد حيل
وانا اقوم ادق الارقام
اثريه يبي الرقم السري حق شريحتي
وانا احرقه :(
المشكله ان شريحتي مهي بأسمي
وانا اروح للبيت علشان اخذ الكرت حق الشريحه وادخل الرقم الطويل
وادووره
ادوووره
ادوووره
مالقيته
قلت مافيه الا اروح لمكتب الاشتراكات
واروح
يوم جيت الموظف قالي لازم تروح يم المكتب اللي بمخرج 15
واروح يمهم
ولا مسكرين :(
ولييييه
الساعه الحين 11
ومن قبل العصر هالمشكله :(
قلت على الاقل ابي اشتري شريحه امضي نفسي به الى بكرى
وافر المحلااات
كل ما اجي محل يقول ما عندي
واروح لاتصالات النخيل
وامر محل واسأله
قال عندي
واخذ منه الشريحه واحطه بجوالي
وادخل الرقم ولا غلط
وثاني مره
وغلط
وثالث مره غلط
وانا احرق الشريحه :a:
وياخذه مني راع المحل ويحط الرقم الطويل ويفتح الشريحه ويعطيني الجوال
ويمسكن مع علباي
قال برااااااا واللي يرحم والدينك انت وجه نكبه :(
وارجع للبيت
عاد تاليته اليوم
من العجله قمت وسبحت ولبست ورحت للدوام متضااايق من امس
يوم دققت بنفسي بعد ما وصلت المكتب ولا لابس شبشب الحمام الله يعزكم :)
الله يكفينا شر الفهاوه
وتقلدوا تحيتي
-
بعض الاشياء الضائعه تختبئ حيث اريد
وتقلدوا تحيتي
-
عندي قصه :)
سمعته واعجبتني ابي اقوله لكم
يقولك فيه قريه صغيره
وهالقريه مقسومه نصفين
نص حارة اغنياء ( مثلي :) )
وحارة فقراء مهلّسين
وكان فيه واحد غني شايف نفسوه ولا يعطي وجه :)
المهم ان هكا الرجال الغني كان ناوي يروح لمناسبه
يا عرس
يا تمايم :)
يا نزايل بيت :)
المهم انوه ناوي يروح مناسبه
وهو يلبس الثوب
والبشت ويكشخ ويروح بطرقيه
كان طريقه لازم يمر من عند حارة الزقرت ( الفقراء ) :)
وكان بهالحاره واحد فقير منتف وملعونن جدفوه
يشتغل حطاب
وهو يجي الغني يمشي بوسط حارة الفقراء شايف نفسوه عليهم :)
ويمشي من طريق مرتفع
يعني اللي طالع من القريه مثل الغني لازم يرقى فوق
واللي جاي للقريه ينزل نزول
وهو ماشي بطريقه سمع واحد يقول
افسحوووووا الطريق
افسحوووا الطريق
افتحوا الطريق :)
ولا هذا الحطاب شايل الحطب على ظهره وجاي مسرررع على رجلينه لانه نازل ولا يقدر يمسك بريك :)
الاخ الغني فره براسوه
قال اذا وخرت عنه يبون يقولون وخر عن هالمنتف هالضعيف
ماااني موخر عنه
هو اللي يوخر عني
وهو ياقف بمكانه
ويصفقوا ذيبان الحطاب :)
صدموه صدم :)
وعينك ما تشوف الا الغبار
ولا الاخ الغني متبهذل وحالته حاله
وهو يشتاط غضباً :)
قفلت الاخلاق معه
وهو يزنط الضعيف الفقير قال تعال معي نروح للقاضي
طبعاً ايام اول مافيه مواعيد ثلاث شهوور وست شهور علشان تقابلون القاضي
لا
سريع سريع :)
وانت واقف :)
وهم يدخلون عند القاضي
قال القاضي وش سالفتكم
قال الغني يا طويل العمر انا كنت ماشي بطريقي وجاني هذا شايل حطب وصدمني ووصخ ثيابي
وابي منه تعويض
قال القاضي وين تعويض ..!
هذا منتف لو تبيعوه كلوه ما جاب قيمة ثوبك الحريري:)
قال الغني مهو شغلي عاد :)
وهو يلتفت القاضي للفقير
قال وش ترد على هالكلام
وهو يسكت الفقير ويدنق << يا حياتي يستحي :)
ويسأله ثاني مره القاضي وش ترررد يالحبيب
ويسكت ويدنق
ويلتفت القاضي للغني
قال ياخي انت متمشكل مع اطرم اصقه لا يسمع ولا يتكلم
قال الغني لااااا يا قاضي الرحمن :)
هذا قبل يصدمن كان يصااارخ ويقول افسحوووا الطريق افسحوا الطريق
قال القاضي
يعني الرجال نبهك قبل يصدمك :)
الحق عليك يالغني
وهو ينتصر الفقير :)
فعلاً بعض الصمت ابلغ من الكلام :)
وتقلدوا تحيتي
-
بالموضوع اللي نزلته الاخير بالفله
فيه اسم عضو او عضوه موجود بالموضوع مكتوب بشكل واضح
واتحدى من يلقاه
واذا وصلت الصفحه الثالثه ومحد لقاه راح اوريكم الحل
وتقلدوا تحيتي
-
الحريقه انشرحت يا عيال :(
قصدي الشريحه انحرقت يا عيال :(
<< يهذري بشريحتوه للحين
مامن والي يفزع لي << يلطم :)
وتقلدوا تحيتي
-
ريال
زر وشال ان شاء الله
<< من عقب الشريحه كل حتسيوه بدليات
وتقلدوا تحيتي
-
احسها الليله قمرى
ونووور القمر ذهبي من قو السطوع
وتقلدوا تحيتي
-
مع هالاجازه وكثرة الزواجات
تكثر العرووس
ويكثر التنافس بأسلوب الدعوات
انواع واشكال الكروت :)
اصبحت موضه
فيه منها القديم ومنها الجديد
نعطي الدعوات اكبر من حجمه
ونهمل الدعوه
نعم الدعوه الى ديننا
اساليب كثيره غير الدعوه المباشره
بحسن التعامل وحسن الخلق
من منا زار احد المستشفيات وكلف نفسه بعيادة المرضى ؟
لا نذهب الا لعيادة صديق او قريب
مع ان تأثيرها في قلب المريض كبير
قبل فتره كنت منوم بالمستشفى وجاني واحد وسلم علي وسأل عني وعن حالي ودعا لي
وهو ما يعرفني
وقبل يروح سألته منهو
قال ما تعرفني بس انا اجي اسلم على المرضى
بالله تخيلوا كيف راح يكون وقعها على الغير مسلم لو علم بأن ديننا يأمرنا بهذا ؟
غير هذا
في رمضان الكريم ( اسأل الله ان يبلعنا رمضان )
ينشط بعض الشباب جزاهم الله خير قبل وقت الافطار ويوزعون التمر والماء عند الاشارات
وقبل السحور ايضاً يوزعون الماء
اسلوب فيه من التكاتف الشيء الكثير
اساليب الدعوه الغير مباشره كثيره
لكن الشيطان ينسينا اياها
وتقلدوا تحيتي
-
كااان المطر منهمر :)
يعني بالعاميه كانت تمطر بشده :)
وكل الناس يركضون هرباً من المطر
اللي يدخل داخل محل
واللي شايل مظلته
واللي ركب سيارته
الا رجل واحد كان واقف بالشارع
كان المطر ينزل على رأسه وهو لا يتحرك
كانت ملابسه مرقعه
ولا يتحرك ابداً
والناس ينظرون اليه وهم يركضون ويستغربون منه
فتقدم اليه رجل ووقف الى جانبه وقال له
هل تريد ان اساعدك ؟
فلم يجب
وسئله مره اخرى
هل تريد مال ؟
فنظر اليه الرجل وقال له
اغرب عن وجهي
فستغرب ذلك الرجل
وبقى بعيداً يراقبه
وبعد ان هداء المطر ذهب الرجل الواقف الى داخل فندق فخم
وتبعه الرجل الاخر
وسأل عنه
فقالوا له موظفو الفندق ان هذا الرجل من اغنياء البلد :a:
فستغرب الرجل
وقال اذا لماذا يفعل هذا ؟
فقالوا له انه يريد ان يحس بما يحس به الفقراء
فعل نبيل
حتى وان كان بظاهره
الاحساس بالفقراء هو ما يأمرنا به الدين الحنيف
ولكن للاسف ان اغلب اغنياء البلد اصبحوا يتهربون من دفع الزكاة للفقراء
يعتقدون ان مال الزكاة سيغنيهم
الاحساس بالفقراء
هذا ما يجعلني متفائل بمرسي رئيساً لمصر
وتقلدوا تحيتي
-
الكلب ( اعزكم الله )
ينبح
وينبح
وينبح
فأن لم تعره اهتمام
ينبح
وينبح
وينبح
وينبحّ صوته :)
وتقلدوا تحيتي
