حصة تعبير الفلة

هالحين يا خبيل برقتس يعني بريق ؟



العللهابو ابو ابو بليس وخميس ولد القذافي :)








الماء


هو سر الحياة


والحياة


هي سر النجاح

والانسان علشان يعيش لازم يرتاح جسموه


شلون يرتاح


اكيد بالنوم


واقل شي لازم ست ساعات باليوم


والنوم يسمونوه الموت الاصغر


لان النيم تقل ميت ما يتحرك


بس اللهم انوه يتنفس

الا اذا رتسبوه الهدبدب عاد هذا شي ثاني



واذا قام الواحد من النوم



يكون وجهوه متعفط ويبيلوه كوي

وللأسف للحين ما اخترعوا كواية وجيه بالبخار مثل الملابس


بس

نستعيض عن البخار بغسل وجيهنا بالماء



واذا كان الماء مقطوع ارجع نم احسن لك


احسن من انك تروح تواجه وجيه العشيره ووجهك مهو مكوي




تخيل بالله تسير وثوبك مهو مكوي



تصير سالفة الزقرت








المهم




اللي بعدي عبر عن المعزاء << يالبيه يالمعزا





وتقلدوا تحيتي

^
^




ما لقيت إلا المعزا :(



المعزا نوع من أنواع الحيوانات التي تعيش في الصحراء

تأكل الحشائش و تشرب الماء

و دايم تقول ماااء يعني دايم عطشانه :)

و هي من الحيوانات التي يقوم بتربيتها أهل الباديه

و تعيش محبوسه بالشبك مع إنه ما سوت جريمه :)



اللي بعدي أكتب تعبير عن [ الغبار ]





.
.

الغبااار


تقل تدرين ان جونا غبااااااااااااااااااااااااااااااااار



الغبار هو كائن لطيف

للي بوه ربو مخيف




اذا كان الجو غبار ما تقدر تشووف ابد


يعني حنا واهل لندن حول بعض


حنا يحجب الغبار الرؤيه عندنا وهم الضباب :)









اللي بعدي عبر عن الزرافه



وتقلدوا تحيتي

الزرافه هي انسان طويلون جداً .. وتاكل العشب وتتنفس من الهواء

واذا تبي تكلمه لازم ترقى للسطح

والزرافه لونه اصفر وبني ولا فيه اي زرافه لونه ابيض او موف او اي شي آخر

والزرافه اذا شفت وجهه يذبحك الضحك لانوه صغير

والزرافه ماقسه لان له قلبين ولا عمرنا سمعنا قصة عشق بين الزرافات

مادري وش تبي بالثاني حنا يالله قلب واحد وذبحنا العشق


وآخر شي والله ان الاسد ماقس لاني مره شفتوه وهو يفترس زرافه وحنيت عليه



اللي بعدي عبر عن (الكيوي)


تر مكاسي

ههههههههههههههههههههههههه

الكيوي امكس من الزرافه

دلقمة خضراء تدبل قاعة تسبك لما تقشره وتاليه حب اسود وطعم لك عليه

عبر عن اللي براسك

براسي شعر لونوه مهو اسود مره

يعني اسود شوي على اشهب على مادري وش ينقالوه

الوكاد الشيقور مالوه داعي للعيال الصغار

وانا بعض المرات اروح للورشه واصبغ شعري اسود واخليه مايلمس الشيبات اللي قدام ولا يقرب لهن

عشان مايدرون العيال اني مصبغ

وبراسي ايضاً عيون وخشم واذان <<< اذآن ولا اقامه خخخ



اللي بعدي عبر عن اوباما

اقتباس:

---

المشاركة الأصلية كتبت بواسطة الجثري

الزرافه هي انسان طويلون جداً .. وتاكل العشب وتتنفس من الهواء

واذا تبي تكلمه لازم ترقى للسطح

والزرافه لونه اصفر وبني ولا فيه اي زرافه لونه ابيض او موف او اي شي آخر

والزرافه اذا شفت وجهه يذبحك الضحك لانوه صغير

والزرافه ماقسه لان له قلبين ولا عمرنا سمعنا قصة عشق بين الزرافات

مادري وش تبي بالثاني حنا يالله قلب واحد وذبحنا العشق


وآخر شي والله ان الاسد ماقس لاني مره شفتوه وهو يفترس زرافه وحنيت عليه



اللي بعدي عبر عن (الكيوي)


تر مكاسي

---

الحين الزرافه إنسان ؟ :a:

وش مفطر إنت ؟ :)




.
.

^
^

كنت اقدر اقول انه حيوانه وانه قليلة ادب بعد

بس بالله لو ارسلت لابو سلطان على الخاص واشتكتني وش يكون موقفي ؟



:)

^



اخلصووو اعبر عن وشو

^
^

التعبير عن خالد مسعد

:)