وبس !! مات مشاري !!؟

اقتباس:

---

المشاركة الأصلية كتبت بواسطة عبدالواحد

معذرة اختي الجازي .. كان ردي علي شق العنوان فقط
ما ستوعبت في البدايه مضمون المضمون

بالنسبة ل كلمة (خادمة ) حسب اللي اعرفه تختلف مع مسمي(مساعده)
والمسلم يستعين بانسان او انسانه لاجل مساعدته ,,
مساعدته في اي شي .. كالموظف يؤدي دور معين
وهكذا كانت وظائف الجواري عند المسلمين ..

القصد من كلامي ..
افضل طريقه لتجنب اجرام الشغالات هو جعلهن كمساعدين لنا
ولا نتكل عليهن كليا , كذلك الابتعاد عن التمييز في معاملتهن >من واقع تجربه شخصية اكتب






اللي اقتبسته من كلامك واقع موجود وحصل معي شخصيا , واضيف شي
يقهر اكثر لما تختفي وتنحاش للسفارة ,, وقبل شهرين كنت دافع للمكتب 600 دينار !
وتطلب من السفاره يسفرونها !!!
وراحت الفلوس والخدامه ,, ولا اكو احد يظمن حقنا
انا معك اختي الجازي فعلا مشكله تقهر


الجازي ..
اعتبري مداخلتي الاولي للحريم مو للبنات :315r:<<مستغرب حماسك
ع باله عندك عشر بزارين


تحياتي لك

---

هلا بك أخوي عبد الواحد

ماله داعي الاعتذار ,, أنا موضوعي كان من شقين الأول رديت عليه في ردك الأول والثاني رديت عليه هنا ,, أشكرك على تواصلك وعودتك,,

بالنسبة لمعاملتهم كمساعدين وعدم رمي جميع الحمل عليهم هذا كلام وجيه وبالتأكيد له دور كبير في نفسيات العمالة ,, لأنه مهما كان الضغط يولد الانفجار !!

أما بالنسبة لحقوقنا المهدرة فهذي تحتاج لوقفة صارمة منا كمواطنين ومطالبة مستمرة ,, ولو لزم الأمر مقاطعة مكاتب الاستقدام <<<< ايه هين :)

لابد من تحرك فعلي عشان يتغير الوضع والا سيستمر على ماهو عليه ويمكن يتحول لأسوأ !! :(

كل الشكر لإضافتك أخوي عبد الواحد

أختك أم عشر بزارين :)

اقتباس:

---

المشاركة الأصلية كتبت بواسطة ريم شمر

يووووو شي :thumb:

نظام خمس نجوم :)

انا تعاملت مع مكتب عندهم مركز تدريب في دول الاستقدام

شفت تصوير للمركز وطريقة التدريب

يدربونهم على كل اعمال المنزل
بعدين يسوون لهم اختبارات وتقييم
حتى لنفسيتها اثناء وجودها بالمركز

تخيلي مكتوب في ملفها كل المعلومات عنها
حتى اسلوبها بالتعامل ودرجه الطاعه عندها

يعلمونها حتى على النظافه الشخصيه

في العاده تجيك الخدامه بحاجه لتنقيع ايام
وتنظيف من الى حتى تقدرين ترتاحين للتعامل معها :(

وهنا تجي الخدامه وهي تلق من االنظافه والترتيب :)

غير كذا هي عارفه ليش جايه مو مثل اللي عندنا

كنها اللي مغصوبه تعرس:) من يوم تطب الديره وهي تصيح وتولول

اما هنا فهي تحترم عملها واللي تشتغل عندهم

بصراحه الظاهر اني ماعاد اتعامل الامع مكاتب الكويت

طبعا مو كلهم كذا بس الاغلبيه


غير كذا فيه شي مهم يالجازي

العماله عندهم والخدم ماشين على الصراط المستقيم

حتى مع غير معزبينهم ..

مأدبينهم مو مثل اللي عندنا الهندي ينفخ عليك
كنه هو اللي يشتغل عندك
والاندونيسيه ماتخلصين من مشاكلها
لا وفي الاخير نصير حنا الغلطانيين :a:

---

أجل كنه هو اللي يشتغل عندي :)

يعني في الحقيقة هو اللي مستقدمني :)

معليش ريومة مقدر أمرر مثل هالقفشات الحلوة المنعنشة :)

أقول وش رايتس تصيرين مندوبة لي في الكويت بعد ما أصير وزيرة العمل بحكم إقامتك الجبرية هناك :)

استفيدي من خبراتهم في هالمجال عشان نطبقها وممكن نضيف لها أو بالأصح نحذف منها شرط الإجازة الخاصة بالخدم :)

بس بصراحه هذا هو الكلام اللي يجمد على الشارب ,,

لاحقهم ضايع ولا حقنا مسلوب <<<<<< مشروع أغنية :)

تسلمين ياقلبي على هالإفادة والتوضيح

اقتباس:

---

المشاركة الأصلية كتبت بواسطة شموخ شماليه

اعيّنك وكيلتي :)


الله يعين على هالخادمات بس الحمدلله ماشفنا منهن شئ rooose2


بس انتم خوفتوني من الاندنوسيات وانا ودي اجيب بدل هالفلبينيـّه البارده اللي دابلتن تسبدي:)

اهلي عندهم اندنوسيه حبوبه وتهتم بعيالي حييل وتحبهم وافضل من الفلبينيه بكثير




الله يستر منهن كلهن ويحمي اطفالنا من شرهن ..



تحياتي لكِ يالغلا rooose2

---

وكيلتك !!؟

أفا بس

رسبتي في الامتحان :)

من أولها بتعينين ربعك وحبايبك <<<< مانفع معها بخشيشك :)

معناها مانقعد شهر الا والفساد مستشري في الوزارة :)

وبتصير حتى خدامتك تتوسط لربعها وتجيبهم عندنا :)
*
*
ياقلبي ياشوشو

شوفي يمكن فلبينيتك مسلمة !!

للأسف يقولون المسلمة تنفع مربية للصغار يعني تنتبه لهم لأنها حنونه ,, بس في التنظيف وشغل البيت الله بالخير :(

المسيحية خذي نظافة بس ابعدي بزورتك عنها قد ماتقدرين لأنها مالها خلق بزران :)

أهم شيء ادعي واستخيري قبل لاتستقدمين ترى التوفيق من الله حتى لو إنها أمريكية :) <<< تهقين سنعات الامريكيات :)

نورتيني من جديد يالغلا

انا شكلي بعيد نظر في هالصداقه :bluboomte

الحين بدال ما تنبهيني برساله بالجوال والا بالخاص وحنا من الصبح نسولف :147r:

قاعده تنعنشين على حسابي:315r: ..لا وملونه العباره ومكبرتها علشان اللي ماشاف يشوف :3abrah:

المفروض تخليني اعدل قبل لا اطيح بيدين احفاد سيبويه وياكثرهم بالمضايف

اخرهم ابو خالد قبل يومين معدل علي بسالفة النحر والذبح :)


الا ماتلاحظين ان اخطائي الاملائيه والنحويه والتعبيريه زايده هالفتره؟! :(

معذورة ياقلبي مادام انك تسوين جولات على مكاتب الاستقدام :)

زين اللي ماحتسيتي بالاوردو :)
*
*
*
*
أها بس لايهزون ثقتك في تعبيرك

مافيك الا العافية

والكلام اللي ماتلقين له تصريف حوليه علي أنا أصرفه لتس :d:

وأجيب له أصل في اللغة غصبن عليه :)

تحسبين انك رخيصه !!

كم أم طلال أبو نظارات عندنا :)

اقتباس:

---

الا ماتلاحظين ان اخطائي الاملائيه والنحويه والتعبيريه زايده هالفتره؟

---

أنا ملاحظ ... :)


أقول يا العجز ... لا تقلبنه شات ...:(

تحياتي

^
^
^
مو شات هذا اجتماع اللجنة التنفيذية نرسم فيه استراتيجية وزارتي القادمة :)

^
^
^

طيب لا تبخلين علي بمنصب :) <<<< جرنه للشات

ماكنش يتعز <<< بالمصري :)

بس أنا معاهدة نفسي إني أحارب الفساد بداية من الواسطة وانتهاء بالواسطة برضو <<< كل الفساد في الواسطة :(

عموما قدم أوراقك إذا أنت مؤهل للوظيفة مانقدر نقول لأ !!

خصوصا إنك ممكن تفيدنا بخصوص نظام الاستقدام في الكويت :7ayyoh:

اقتباس:

---

المشاركة الأصلية كتبت بواسطة الجازي

حياك الله أخوي نافع

معك حق المفروض هذا حدود خدمتها

لكن على فرض إنها وصتها على ولدها لأنها مضطرة تطلع ,, هل هذا مسوغ إنها تحط له سم فيران لأنه أزعجها بصياحه زي ماذكر المصدر !!؟

طيب الأم أخطأت !! والإبن هو الضحية !!؟

من يكفل له حقه !!

لو كان فيه عقوبة رادعة كان مافكرت تسوي هالجريمة الفظيعة !!؟

تقدر على أقل تقدير تخليه يصيح لما تجي أمه وتتولاه :)

أما تسوي له رضعة وتتعمد تضيف لها سم فيران هذا فعلا دليل على إنها أمنت العقوبة !!

شاكرة لك مرورك أخوي نافع

---

الخادمه لم تأمن العقوبه أبدا

فما قامت به ليس ضرب للطفل

بل شروع بالقتل حتى قتل الطفل

فما قامت به لم يكن استهتار وكانها فعلت هذه الفعله من قبل حتى نقول عنها انها امنت العقوبه

في القانون الدولي ان كل من يدخل بلد يخضع لقانونها وليس لقانون بلده الخاص

لكن اتكالية الامهات على الخدامات يجعل الخادمه تخرج من طورها

فلنكن واقعيين

الخادمات في بيوتنا كم ساعه يعملن في اليوم ؟؟؟ 25 ساعه بالــ 24 ساعه

فهل نستبعد ان هناك خادمات يضربن الاطفال في منازل اخرى ؟ طبعا لا

تجدين ان الخادمه تعمل من نهارها حتى اخر الليل

ويتخلل العمل هذا الصراخ عليها وضربها حتى

فماذا نتوقع من خادمه تلاقي هذه المعامله - مشحونه ومليئه بالحقد تجاه معازيبها - حين تترك لوحدها في المنزل بين اطفال مخدوميها

لا استبعد انها سوف تفرغ سوء معاملة مخدوميها في اطفالهم


وهنا الخلل


استئمان الخدم على الاطفال



احد الاصدقاء كان يحرصني على تغيير الخادمه كل ما تنتهي اقامتها - كل سنتين -

قلت له اذا الخادمه زينه لنا في البيت وتعاملها معانا يعكس تعاملنا معها فلماذا اغيرها

قال حتى لا يتعود الاطفال عليها

لأننا فعلا نترك الاطفال بيد الخادمات للتربيه

ولا ننتظر ان ياتي يوم ويقول ابني للخادمه يا ماما وينسى امه

فقلت له الخلل فيكم انت وزوجتك ليش تخلون الخادمه تربي الاطفال

قال وش أسوي زوجتي مشترطه في عقد الزواج انها ما تترك وظيفتها .......



هنا الخلل

أعظم وظيفه للام هي تربية أبنائها

وتستحق عليها الام مرتب اضعاف مضاعفه عن مرتبات الحكومه

فهي في النهايه تراعي استثمار الدنيا والآخر ( الولد الصالح الذي سيدعو لوالديه )



شكرا على افساح مجال الحوار في موضوع حساس