-
الحيّة الرقطا
..
.
الحيّة الرقطا علامه ما تتوب
من وين ما وجّهت جتني بالدروب
قامت تطوّا والحيا ما من حيا
ترقص على المزمار لا هب الهبوب
يا المفتنه والناس ما تاوي لاحد
خوفي على نفسك من النار الشبوب
إن كان ما عمرك لقيتي ما يهاب
الشمري ما هو ترى ضمن القروب
الشمري لا من طنا / طنا / طنا
استوت دنياه شمسه والغروب
الشمري لا من ثنا / ثنا / ثنا
يا عز منهو ينتخيبه بالحروب
الشمري لا من نوا / نوا / نوا
يارد على حوض المنايا والكروب
يبهج القلب المعنـّا لا فعل
وما يراقب غير ربّه بالوجوب
مسيرته بين الامم دايم بياض
لو زيّف الحاسد عليها والكذوب
( لا حكوا بالحق حيين الضمير )
ينبون عنـّه في شمال وفي جنوب
بالسلم والاسلام والسيف الحدب
بالطيب والنوماس والصدر الرحوب
حقيقة ٍ تبقى على مر العصور
من غير قاصر بالقبايل والشعوب
اقولها واضرب على الموت الحمر
يوم إن مثلك للتولي والهروب
هلوسة تفكيرك الغاو / المريد
ما تفيدك لا وقف نبض القلوب
( إتقي شر الحليم إذا غضب )
والويل كل الويل للي ما تتوب
أدري بأن القرم يصبر فالبلا
بس البلا كثر الخطايا والذنوب
وإن ما نفع يا الحيّة الرقطا كلام
ما من خلاص وتالي العمر محسوب
الراسي / بشير اللويش
-
روحي بدربك واتركيني بدربي
الله يسهل درب من ودّه يروح
لا صار قلبك ميّت ٍ ما شعربي
ما عاد لي ويّاك حاجه ومصلوح
الراسي
-
حايل تنادي ،، وجيت لعيون حايل // وشلون ما جيها وحايل تنادي
يكفي غلاها بالضلوع النحايل // ماله شريك بين حضر وبوادي
الراسي
-
ارجوك .. شفني من عنا الوقت ملتاع
حتى الصبر ما عاد لي فيه حيله
فيني هموم / وحزن / وطعون / واوجاع
وكل الجهات الاربعه مستحيله
الراسي
-
زرعت لك في روضة الحب مرباع
وسقيت روض الحب من سلسبيله
تثمر بساتين الغلا وسط الاضلاع
كلي امل ياشوق اجني حصيله
الراسي
-
..
عبدالله الغازي ترى القلب وياك
مهتم من همّك على طول مشغول
معك معك وانا على الوقت مركاك
من وين ما وجّهت بالعرض والطول
آحس باحساسك من اقصاك لادناك
وآخر كلامي .. اختصاره واباقول
امك مثل امي .. بالايام مانساك
وطلب لها ربي عسى شرها يزول
الراسي
-
..
عبدالله الغازي ترى القلب وياك
مهتم من همّك على طول مشغول
معك معك وانا على الوقت مركاك
من وين ما وجّهت بالعرض والطول
آحس باحساسك من اقصاك لادناك
وآخر كلامي .. اختصاره واباقول
امك مثل امي .. بالايام مانساك
وطلب لها ربي عسى شرها يزول
الراسي
-
،،،
،،
يابنت ماني بعلى خبرك
روحي وخليني بحالي
وشعاد لو رحتي لقبرك
ما عاد زولك بيطرالي
الراسي
-
ياشين حظ اللي تولـّع بحايل
فكره بها والجسم في كل ديره
الدرب مسدود ٍ ولا به وسايل
والمشكله فيها ظروفك عسيره
الراسي
-
،،
،
تعال يمّي واترك القلب يرتاح
ما بالدراسه غير كثر الهواجيس :)
ماهو صحيح العلم يبقى لك سلاح
في وقتنا سلاحك ترى (( ملية الكيس ))
..
.
الراسي
