عرض للطباعة
الله يرحمك ياخو صلفه ... الله يرحمك ياخو صلفه ... والله اني عيني تدمع اذا سمعت عن بطولات هذا الفارس فهو فخر للاسلم ولكل شمر.. واما الي قتل ضاري فهو جرود العريمه وهذا لايعيب ضاري بن طواله فالبارو حتى المره تذبح ولكن الي نسمعه ان جرود هذا قتله واحد شلاقي
اكيد ان ضاري من عمالقة الجزيره العربيه ...
حدثني شايب من المفضل ان ابوه انسجن بالعراق ومادري به احد وتأخر بالسجن لين ضاق وكان
واحد من العسكر يبي يطلع اجازه فقال له المفضلي اذا رحت لضاري وعلمته بي اعطيك ناقه اذا
طلعت وفعلا وصل الخبر ضاري فجاء للسجن وعندما اخرج المفضلي كان زعلان ومرتفع ضغطه
من السجن فقال توك تجي ياخوصلفه والله مااحسب الشمري يسجن بالعراق وضاري حي...
يقول يوم سمع ضاري كلامه وهي تسيل دموعه من الحميا الله يرحمهم جميع...
وشكرا على مساعدتي في بحث الموضوع اخوي العزيز....
((( الراوي )))
ياأخي أول شي قلت الظفير انقسمت قسمين على ضاري بن طواله وابن نهير وزعل ضاري على الجنازه بسبتها ورحل للعراق ويوم قلتلك ضاري ماعاصر الجنازه ولارحل للعراق بوقته غيرت السالفه وقلت متوهم أظنك متوهم من أول السالفه لتلاها السالفه سألت شيبان الظفير وشمر قالوا ماصارت ولاسمعنا بها وعلى فكره الظفير كانوا يقطنون سفوان وكابده والركي والحيصاما واللي حواليها ولم يتزحزحوا من مكانهم من 1850إلى1950 وبعدها ذهبوا للسعودية وللكويتاقتباس:
المشاركة الأصلية كتبت بواسطة فواز الغسلان
وأنا مثل ماقلتلك سالفتك تنقصها الأدله والبراهين وأنت لم تأتي إلى الآن بأدلتك من السهل كل واحد يقول رواية حتى لوأنها ماهي صحيحه في هذا الوقت ولاكن من الصعب أثباتها
الاخ النجدي حيّاك الله وبيّاكبين اخوانك في منتدى شمر واسعدنا تواجد اهلنا واخواننا من قبيله الظفير الطائيه
يابن الاجواد ودّي اسألك سؤال واحد :
انت تبي تقول انه ماحصل كون بين شمر والظفير يسمى كون ابو عجاج ؟؟
اذا اجبتن على السؤال سيكون ردّي المفصّل حينها ...
ومره اخرى حللت اهلا على اخوانك في مضايف شمر وضيفا عزيزا
اقتباس:
المشاركة الأصلية كتبت بواسطة خالد الشمري
أبقاك الله أخوي وتسلم وهذا من طيبيكم وأنا كذلك سعيد بتواجدي بينكم
وبالنسبة لسؤالك عن كون أبو عجاج بالعكس ماقلت أنه ماحصل أنظر الى ردي38
لكن هذا موضوع آخر
ودمتم
اخوي النجدي بعد التحيه والاحترام...
كونك سألت شيبانك فقط واعتمدت على كلامهم فهذا غير جيد لان القصه توخذ من الطرفين
لان الناس كله تعودوا يحفضون الشي اللي فيه فخر لهم ويهملون ماسواه وماراح ترتاح لصدق
الروايه اذا ماسمعتها من الاطراف اللتي تشترك في القصه كله وهذا هو الانصاف...
اما المشكله اللي صارت بين الجنازه من جهه والمفضل والاسلم من جهه اخرى بسبب جيرانهم
الضفير فهذا ثابت ومعروف والاشعار اللي قيلت ربما توذي مشاعر بعض الاخوه المشاركين بدون
جدوى وعلما ان الواقعه ليست بذات الاهميه جدا لكي نضطر لذكر اشعار حفظناها للتاريخ فقط
وما كل مايعرف يقال وتقبل تحياتي العطره وشكرا ....
((( الراوي )))
أهلا بك أخي فواز الغسلان
أنا أستفسرت من الطرفين وجميعهم يقول ماسمعنا بها أو ماصارت وليس من طرف واحد
ماهو مصدرك من القصه أنت إلا الآن لم تأتي بدليل
روايتك ضعيفه جدأ المثل يقول ((البينه على من أدعى )) هات دليلك إذا عندك دليل
أهلا بك أخي فواز الغسلان
اخوي النجدي النقاش مهما طال فهو جميل طالما ان الهدف هو البحث عن الحقيقه
لذلك لاتظن ان هناك حرج او ضيق لو طال الى ان نجد انه استوفى حقه كاملا عندها
نقف لكي لايصبح عقيما واقول :
اولا : انت قلت ان ضاري ماعاصر الجنازه لكن عاصر سعود ابوخشم وهذا غريب لانك تعتقد ان
بينهم فتره طويله وهذا غلط فالجنازه قتل عام 1324 هجريه وابنه سعود مسك الاماره عام
1329 هجريه يعني بين وفاة هذا وحكم هذا اربع سنوات فقط فكيف يكون ضاري ماعاصر الجنازه...
ثانيا : انك كررت قولك (( ماسمعت بهالسالفه )) وكأنك ترى انك احطت بتاريخ نجد او تاريخ قبيلتك
وهذا دليل لك انت فقط ولايكون حجه علينا لكي نكذب كل روايه لم يسمع بها فلان او فلان لان عدم
سماعك لايعني عدم حدوثها يااخي العزيز ...
ثالثا : ان روايتي للمشكله التي حدثت بين الجنازه وضاري بسبب الضفير قصه لم يتغير مضمونها
وزبدتها الا اني قلت انهم نزلوا عليهم ثم استدركت وقلت ان الجماعه من الضفير كانوا جيران لضاري
قبل الحادثه وطلب الجنازه حضورهم اليه فبدأت المشكله فجوهر القصه وسببها لم يتغير والشي
الذي تغير ليس له تاثير في مضمونه ...
رابعا : انك تتكاثر وتستبعد ان تنزل الضفير على شمر مع انك تعلم ان الشيخ فيصل بن شهيل السويط
نزل ومعه سبعماية بيت على بريك راعي بقعاء فقط وجاوروه ثلاث شهور وانت تعرف قصتهم زين
فكيف تستبعد حدوثه لشمر لو كانت الروايه صحيحه...
خامسا : ان ذكر هذه القصه جاء جانبيا في معرض كلامنا عن زعل ضاري وماكان موضوع مفتوح
بالاساس فتظن اننا اوردناه للفخر او ذكر الطيب والظفير (( اهل البويت )) لو فكرت انا او غيري
بالنيل منهم فلايضرهم شي لان تاريخهم ومكارمهم مايستطيع احد يتجاهله ولايحتاجون اصلا
شهاده لامني ولامن غيري لذلك لاياتي بذهنك ان لي مقصد جانبي فيه اساءه للظفير...
واتمنى ان تناقش هذا الموضوع او غيره بروح الموده والالفه والبحث عن الحقيقه ونحن كذلك
لتكون الفايده عامه للجميع وتقبل تحياتي ... ((( الراوي )))
أخ فواز كما أنا لاأبحث عن أمو ر غير الحقيقه وإذا في أمور ثانية ترتب عليها ترى مانقصدها نهايئا
ولانريد سوى اظهار الحقيقه
أولا أنا لم أقل أنني أعرف في تاريخ نجد حتى تقولني بما لأقوله ولم أقل ضاري بن طواله لم يعاصر حيات عبدالعزيز بن رشيد وأنما لم يعاصر شيخته بمارة عبدالعزيز وحسب نقرأ أن ضاري كان صغير سن بوقته وأبوه موجود يعني ماله قول وأبوه موجود
وسالفتك هذي أخي روايتها ضيعفه لكي تبين الحقيقه والدلائل والمصدر وأنا قلت ماسمعت بها لأنها مجهوله لدي وسألت عنها للأمانه من شمر ومن الظفير وقالوا ماصارت ولاسمعنا بها أكيد أي رواية يجهلها المعنين فيها لم يسمعواا بها
وسالفة بريك الأسعدي و الظفير هذا على وقت نزوحهم من نجد مشملين ونزلو بقعا شاء ام أبا بريك لايكون بعد داخلين يوم يقول (( حنا كرهنا ليالي ورودهم ++ وثرهم السكر بجوف حليب ))
والمعذره لك أخي أن بدر منا أي شي اتجاهك
لك أجمل تحية