المشاركة الأصلية كتبت بواسطة تركواز
تصدقين عاد ريم ان هالموضوع بالذات مستحيل ادخله باي موقع لاني اشوفه بايخ و سخيف لان الشباب اللي يشاركون فيه بالمعارضة هم اكثر ناس عايشين الوجه السيئ للنت و مطلعين على كل خفاياه . اللي يخلي الوحدة فينا ترفض حتى التفكير انها ترتبط باحد يعرفهم مو فيهم هم .
واتمنى لو ناخذ جولة في خاص واحد منهم و الا ايميله و ماسنجره كان نشوف فيها العجب و كأنها ملاجئ خاصة لكل من اضاعت الطريق في النت .
على الاقل البنت لو دخلت النت بيكون تعاملها مع الجميع مثل بعض و بنفس المستوى . لكن ذولا لهم في كل مكان وجه .
عموما اعتقد مثل ذولا معزولين عن المجتمع لان الان لو نعمل احصائية على دخول البنات للنت بنحصل سبعة من عشرة على الاقل من البنات يدخلون . لأن النت في كل بيت و اللي مافي بيتهم بتحصله بكل مكان عند صاحباتها و بكل المراكز و المعاهد و المشاغل النسائية . فلو يعتقد البعض انه لو ماجابه للبيت خواته وزوجته مابيعرفونه بيكون غلطان . فياليت يحرص يحصن محارمه من داخلهم لانه افضل من اعتقاده انه عزلهم عن المجتمع. و اللي فيها فساد حتى لو كانت بخيمة في البر بتحصل اسبابه .
و يكون بعلمكم اغلب اللي يدخلون النت من البنات متزوجات و طبيعي بتدخل بعلم زوجها . لان ظروفها مهيئة اكثر لوجود النت .
المهم نبارك لمن هذا رايهم بالعنوسة مقدما .
اما الفتاوى و الحلال و الحرام فكعادة الرجال دائما يأخذون منها مايحقق مصالحهم فقط . و ينكم عن فتاوى الجهاد و وينكم عن تحريم التدخين و الشيشة و الفضائيات .. و الا الدين و الحلال و الحرام على الحريم بس ..!!
تزوجوا من تريدون و بالتوفيق مقدما فلن تتوقف حياتنا على موافقة احدكم أو رفضه . و لن يعيبنا رأي احدكم مهما كان لأننا لم نطلبه و لن نسأل عنه أصلا .
اتمنى مايعدل شي بالرد لاني اتحمل مسئوليته .
كما اتمنى ان لا اعود لهذا الموضوع و لا لماهو مثله .
