الامير بندر بن مطني بن العاصي بن شريم..أميرشمل اليحيا من شمر

اقتباس:

---

المشاركة الأصلية كتبت بواسطة السيف المسجون

اخي العزيز كان مطني وزير الدفاع مع ابن رشيد

---

الاخ السيف المسجون

كل عام وانتم بخير

لاشك بأن الامير والفارس البطل\\ مطني بن العاصي بن شريم رحمه الله

يعتبر من ابطال الجزيره قاطبه

راع العليا اخو الفهده حبس الدروعي مطني بن شريم

له تاريخ مجيد وبطولاته وشجاعته تدرس وتعلم

ويطول المقال عن النصاف هذا العلم

معركة جراب ... والصريف........... والجوف ...........وحائل

كانت لحبس الدروعي افعال ترفع الراس ...وبطولات قل ماتجدها...وفروسيه وشجاعه نادره

بمشاركة اخوانه فريس وشجعان شمر

لاننسى نياق راع العليا واذواده ..التي جت بضرب الرماااح والسيوف والشلف

منها

1\\ المغاتير... كانت بعد حبس الدروعي برعاية ابنه الشيخ نواف بن مطني العاصي الشريم رحمهم الله
ولازالت عند ذريته

2\\ الشويطات..كانت بعد حبس الدروعي رحمه الله برعاية

الشيخ\ بندر بن مطني العاصي الشريم رحمه الله

والشيخ \بدر بن مطني العاصي الشريم رحمه الله

_____________________________________________________

لاننسى ان الامير والزعيم والفارس البطل مطني بن العاصي الشريم

كانت له مغازي مع اغلب القبائل

عتيبه........مطير........عنزه........حرب........الاخوان.. .....وغيرهم

ونعم بهذه القبائل العريقه

ولكن الشئ بالشئ يذكر

والحقيقه لاتغضب

فمطني بن شريم وغيره يغزي وكذلك يغزا....

والجميع اشاد بهذا البطل

حتى قال الملك عبدالعزيز بن سعود رحمه الله

اذا الله سلمنا من هذه المعركه

سأتزوج اخت هذا البطل مطني بن شريم

بالفعل تزوج الفهده بنت العاصي وأخت حبس الدروعي مطني بن شريم

وانجبت صقر العروبه خادم الحرمين الشريفين الملك عبدالله يحفظه الله ويسدد خطاه

فنعم الاب ونعم الجد ونعم الخال

واسف للاطاله

مشكور اخوي اسامه ويعطيك العافية

لكن هناك مداخلة بسيطة أن كلمة أمير

لاتطلق الا على من حكم ام الشريم فهم شيوخ وليسوا حكام

بارك الله فيك

مساكم الله بالخير بالنسبه لكلمة امير عشان الملك امه بنت الشريم ولا لا لان كلمة امير صفه مبالغ فيها ولا لا يااخوان

قصة زواج فهده ام الملك عبدالله حفظه الله لها قصة اخرى الملك عبد العزيز بعد فتح حائل طلب ارملة اي رجل من الرشيد فقالوا له عن فهده انها ارمله اتمنى ذكر القصص الصحيحه بدون مبالغه بالتمجيد وشكرا لكم

للشاعر غريب بن نويران الضوي الشمري من شرطة رفحاء رثاء بالامير بندر بن مطني الشريم رحمه الله وغفر له وتجاوز عنه وسائر امة الحبيب المصطفى عليه الصلاة والسلام
[ من صدتك يامير ذقنا العزاري



البارحة هاضت علي الطواري ____ سهران ونوم المجتمع ماطرالي

2-أعد نجم تالي الليل ساري ___ والدمع الازرق فوق الاوجان سالي

3\سيل تحدر من موق الاعيان جاري ___ ويامن يلوم اللي ينوح اللي اليالي

4\اسهرت من كثرالتناويح جاري ___ ضاق الصدر من كل شئ جرالي

5\ انا بلاي اليوم وقف مساري ______ حير قدم رجلي وزاد انشغالي

6\حب الرجال اللي على القلب طاري _____ خفاف النفوس مشيدين العوالي

7\مرحوم ياشيخ على الطيب ضاري ______ ياهيلع توصف عليك الرجالي

8\رمز الشيوخ بمنهج الطيب ثاري ______ شيخ ولد شيخ فعوله جزالي

9\حلحيل حلال الامور الكثاري _____ بالفعل يفعل وافيات الفعالي

10\بندر بن مطني زعيم الحراري _____ نعمين لاجاله لزوم ومجالي

11\اللي رحل بأمر من الرب جاري _____ نطلب له الغفران في كل حالي

12\يامير يالي للمعادي هجاري _____ ماجور من الله ياكريم السبالي

13\عساك بالجنه في لذة وافتخاري _____ في جاه من فوق المخاليق عالي

14\بالليل نطلب لك وبوضح النهاري _____ عساك بالجنه ومسكنك بالظلالي

15\حيثك عزيز ولك معزة ومقداري ______ عندي وعند غيري عزيز وغالي

16\بعض الامراء ماتسرك بطاري ______ بالبشت يزهى ومن الافعال خالي

17\ والا انت امير من روس الاماري _______ دايم شجاع وترتكي للثقالي

18\حلياك صقر ماعليك احتقاري ______ ياكاسب النوماس مابك خمالي

19\والله ماقلته اداري واماري ______ شي نشوفه منه للاصعاب شالي

20\من صدتك يامير ذقنا العزاري ________ فرقاك يالنادرتهز الجبالي

21\ماودي دارك تنتحي عن دياري _______ لشك يومك جاك مابه جدالي

22\ ومن مات وخلف عيال اخياري ______ مايعد من الميتين ذرب الخوالي

23\من روس شمر راح ذيب الغداري ______ صميدع يافي بسود الليالي

24\مرحوم ياعوق المعادين الاضراري ______ انا اشهد انك من روس الابطالي

25\عز الله انك من وفين الاشباري ______ في حاضر الدنيا وماضي الليالي

في منهج الشيمات قضيت الاعماري ___ قضيت عمرك بالكرم طول الاجيالي

عزالله انك يابوخلف هيلع مابك انكاري ___ اسعاد من ضده صكن عليه الاقفالي


رحم الله الأمير ورحم أموات المسلمين ..

ياجماعة كل فخذ من أي قبيلة له أميره - لم يلغى أسم أمير الا منذ سنوات قليلة .

والموضوع لايجب الخروج به الى السب والشتم .

أذكروا محاسن موتاكم .

أما ان نختلف على كلمة أمير .. فكل زعماء شمر (وغير شمر) هم أمراء وشيوخ ربعهم .

راع اللقية , القوه الضاربة
الله يمسيكم بالخير .. ياعزوتي ترى كلمة أمير لم تلغى وتكون حصرا لـ آل سعود الا في عهد الملك فهد رحمه الله تعالى .

هداكم الله ،،

يابن شريم ونعم فيك ياولد عمي لكن ترى مو اسلوب التهجم بدون سبب والشريم عيال عمنا قبل كل شي لكن كنا نوضح لك نقطه بس والاختلاف لايفسد بالود قضيه تقبل مروري

يابن الحلال لااحد سب ولا شتم وشهادتي بالشريم مجروحه عيال عمنا وسندنا بس قلت شي واقعي الشريم شيخ عشيره من عبده ليش تقلبون الموضوع لسب وغلط مهما كان تروا حنا عيال عم لاان على كلامكم ان الشريم شيوخ عبده كلها وهاذا الكلام مغلوط ومرفوض وبعض كلامكم نفهم منه ان الشريم شيخ شمر كلها بالله تكلم بعقل واترك عنك الغلط اللي نعرفه ان الشريم شيخ عشيره من عبده فقط لاغير وشكرا لك

[align=center]
يالربع والله عيب هالكلام



وتقلدوا تحيتي
[/align]

[caution]الرجاء من الجميع عدم التطاول والتمادي في الخطا
والابتعاد عن الشتم والكلام الغير مقبول
فجميعكم اخوان وهدفكم واحد
ومن يتجاوز او يحاول الاثارة سوف يتم انذاره او شطب معرفه [/caution]

يعطيك العافيه يابو سند وبيض الله وجهك يالغالي ...



توسد إحترامي يالذيب